ആയുധങ്ങളുമായി സഞ്ചരിക്കവേ യുവാവ് പിടിയിലായ സംഭവം: രക്ഷപ്പെട്ടവരിൽ അക്രമ കേസിലെ പ്രതിയും
ആയുധങ്ങളുമായി സഞ്ചരിക്കവേ യുവാവ് പിടിയിലായ സംഭവം: രക്ഷപ്പെട്ടവരിൽ അക്രമ കേസിലെ പ്രതിയും, സംഭവം കണ്ണൂരിൽ!! ഓടി രക്ഷപ്പെട്ടത് മൂന്നുപേർ!!
കണ്ണൂര്: ബൈക്കില് സഞ്ചരിക്കുകയായിരുന്ന യുവാവിനെ ആയുധങ്ങളുമായി പിടികൂടിയ സംഭവത്തില് പോലീസ് മറ്റ് പ്രതികള്ക്കായും അന്വേഷണം ഊര്ജ്ജിതമാക്കി. സംഭവത്തില് ഓടി രക്ഷപ്പെട്ടവരെ കുറിച്ച് പോലീസിനു വ്യക്തമായ വിവരം ലഭിച്ചുകഴിഞ്ഞു. ഇതില് കണ്ണൂര് സിറ്റി സ്റ്റേഷന് പരിധിയില് അക്രമ കേസില് പ്രതിയായിരുന്ന ബിലാല്, നഫ്സല്, നസിം എന്നിവരും ഉള്പ്പെട്ടതായി പോലീസിനു വിവരം ലഭിച്ചിട്ടുണ്ട്.
എൻസിപി- കോൺഗ്രസ്- ശിവസേന സഖ്യത്തിന് സർക്കാർ രൂപീകരിക്കാൻ വഴിയൊരുക്കണം: ബിജെപിയോട് താക്കറെ
പിടിയിലായ പള്ളിപ്രം സ്വദേശി മുഹമ്മദ് ഫസിം (23) ചക്കരക്കല് പൊലീസ് സ്റ്റേഷന് പരിധിയില് തീവയ്പ്പ്, കൊലപാതക ശ്രമ കേസുകളിലെ പ്രതിയാണെന്ന് പോലീസ് അറിയിച്ചു. കഴിഞ്ഞ ദിവസമാണ് കണ്ണൂര് ടൗണ് പോലീസ് നടത്തിയ വാഹന പരിശോധനയില് ആയുധങ്ങളുമായി മുഹമ്മദ് ഫസിം പിടിയിലായത്. മൂന്നുപേര് സംഭവ സ്ഥലത്ത് നിന്ന് ഓടി രക്ഷപ്പെടുകയായിരുന്നു.
മുഹമ്മദ് ഫസിം എസ്ഡിപിഐ പ്രവര്ത്തകനാണെന്നും രാഷ്ട്രീയ അക്രമമാണോ പ്രതികള് ഉദ്ദേശിച്ചതെന്നും അന്വേഷിക്കുന്നുണ്ടെന്നും പോലീസ് അറിയിച്ചു. ഫസീമിനെ കസ്റ്റഡിയില് വാങ്ങി ചോദ്യം ചെയ്യും. വടിവാള്, സര്ജിക്കല് ബ്ലേഡുകള്, ഇരുമ്പുപാര എന്നിവയാണ് ഇയാളില് നിന്ന് പിടികൂടിയത്. ബൈക്കിന്റെ നമ്പര് വ്യാജമാണോയെന്നും പരിശോധിക്കുന്നുണ്ട്. പിടിയിലായ മുഹമ്മദ് ഫസിം റിമാന്ഡിലാണ്