തമിഴ്നാട് സ്വദേശിനിയെ തട്ടിക്കൊണ്ടുപോയി പീഡിപ്പിച്ച സംഭവം: മൊഴികൾ പരസ്പര വിരുദ്ധമെന്ന് പൊലിസ്

തലശേരി: പഴനിയിൽ ദർശനത്തിനെത്തിയപ്പോൾ ഒരു സംഘമാളുകൾ തട്ടിക്കൊണ്ടുപോയി മാനഭംഗപ്പെടുത്തിയതിനു ശേഷം അവശനിലയിൽ ഉപേക്ഷിച്ച യുവതിയുടെയും ഭർത്താവിൻ്റെയും മൊഴിയിൽ പരസ്പര വൈരുദ്ധ്യമെന്ന് അന്വേഷണ സംഘം. ഇതോടെ ഈ കേസിൽ ദുരൂഹതയേറിയിരിക്കുകയാണ്. സംഭവത്തിൽ ഇരുവരുടെയും മൊഴിയിൽ പൊരുത്തക്കേടുകളുള്ളതിനാൽ കുടുതൽ അന്വേഷണത്തിന് ഒരുങ്ങുകയാണ് ജില്ലയിലെ പോലീസ്.

എന്നാൽ സംഭവം നടന്നത് തമിഴ്നാട്ടിലായതിനാൽ അതിവേഗം അന്വേഷണം പൂർത്തിയാക്കി കേസ് കൈമാറേണ്ടതുണ്ട് പീഡിപ്പിക്കപ്പെട്ട യുവതിയുടെ മൊഴി മജിസ്ട്രേറ്റ് ഏറ്റെടുത്തതിന് ശേഷം അതുരേഖപ്പെടുത്തിയതിനു ശേഷം മാത്രമേ അന്വേഷണം തമിഴ്നാട് പൊലിസിന് കൈമാറുകയുള്ളു. യുവതിക്ക് നേരെയുള്ള ലൈംഗികാതിക്രമത്തിന് നേതൃത്വം നൽകിയ അജ്ഞാതനെ കുറിച്ച് ഇവർ മൊഴി നൽകിയിട്ടുണ്ടെങ്കിലും ഇയാൾ ആരാണെന്ന് പോലീസിന് വ്യക്തമല്ല.

ഭ​ർ​ത്താ​വി​നു ഡ്രൈവിങ് ലൈ​സ​ൻ​സ് എ​ടു​ക്കു​ന്ന​തി​നാ​യി സ്വ​ന്തം നാ​ടാ​യ ഡി​ണ്ടി​ഗ​ല്ലി​ലേ​ക്കു പോ​കാ​ൻ പ​ഴ​നി​യി​ലെ​ത്തി​യ ദ​മ്പ​തി​ക​ളോട് ക്ഷേ​ത്ര ദ​ർ​ശ​നം ന​ട​ത്തി പൊ​യ്ക്കൂ​ടേ​യെ​ന്നു ചോ​ദി​ച്ചു മു​റി​യെ​ടു​ക്കാ​ൻ അ​ഞ്ജാ​ത​ൻ പ്രേ​രി​പ്പി​ച്ച​താ​യി യുവതി മൊഴി നൽകിയിട്ടുണ്ട്. ഈക്കാര്യം ഇവരുടെ ഭർത്താവും അന്വേഷണത്തിൽ സമ്മതിച്ചിട്ടുണ്ട്. ഈ വ്യക്തിയെ ക​ണ്ടെ​ത്തി​യാ​ൽ കേ​സ് തെളിയിക്കാനാവുമെന്ന നിഗമനത്തിലാണ്. പോ​ലീ​സ്. ഇ​തി​ന്‍റെ ഭാ​ഗ​മാ​യി പ​ഴ​നി അ​ടി​വാ​ര​ത്തെ സം​ഭ​വം ന​ട​ന്നു​വെ​ന്നു പ​റ​യു​ന്ന പ്ര​ദേ​ശ​ത്തെ സി​സി ടി​വി ദൃ​ശ്യ​ങ്ങ​ൾ പ​ഴ​നി പോ​ലീ​സ് മുഖേനെ ശേഖരിക്കാൻ ശ്രമിക്കുന്നുണ്ട്.

ജ​ന​ത്തി​ര​ക്കേ​റി​യ പ്രദേശമാണ് പഴനിയിലെ അ​ടി​വാ​രം. ഇവിടെ നിന്ന് യുവതിയെ ത​ട്ടി​ക്കൊ​ണ്ട് പോ​യെന്ന മൊഴി യിൽ തമിഴ്നാട് പോലീസിന് സംശയമുണ്ട്. സം​ഭ​വ​ങ്ങ​ൾ​ക്കു ശേ​ഷം ര​ണ്ട് വ​ഴി​ക്കാ​യ ദ​മ്പ​തി​ക​ൾ ഉ​ദു​മ​ൽ പേ​ട്ട റെ​യി​ൽവേ സ്റ്റേ​ഷ​നി​ൽ അ​പ്ര​തീ​ക്ഷി​ത​മാ​യി ക​ണ്ടു മു​ട്ടി​യെ​ന്ന മൊ​ഴി​യും പോലീൽ സംശയമുയർത്തിയിട്ടുണ്ട്.
പീ​ഡ​ന സം​ഭ​വം ന​ട​ന്നു പ​തി​നേ​ഴ് ദി​വ​സം ക​ഴി​ഞ്ഞാ​ണ് യു​വ​തി ഭ​ർ​ത്താ​വി​നോ​ടു പീ​ഡ​ന വി​വ​രം പ​റ​ഞ്ഞ​തെ​ന്ന മൊ​ഴി ഉ​ൾ​പ്പെ​ടെ ദ​മ്പ​തി​ക​ളു​ടെ മൊ​ഴി​ക​ളി​ൽ ഏ​റെ വൈ​രു​ധ്യ​ങ്ങ​ൾ ഉ​ള്ള​താ​യി പോ​ലീ​സ് പ്രാ​ഥ​മി​ക അ​ന്വ​ഷ​ണ​ത്തി​ൽ ക​ണ്ടെ​ത്തിയിട്ടുണ്ട്.

ആ​ദ്യ ഭ​ർ​ത്താ​വി​ൽ നാ​ല് പെ​ൺ​മ​ക്ക​ളു​ള്ള യു​വ​തി​യെ പീ​ഡി​പ്പി​ച്ച കേ​സി​ൽ കേ​ര​ള – ത​മി​ഴ്നാ​ട് പോ​ലീ​സ് സം​യു​ക്ത​മാ​യാ​ണ് അ​ന്വ​ഷ​ണം ന​ട​ത്തി വ​രു​ന്ന​ത്. സി​റ്റി പോ​ലീ​സ് ക​മ്മീ​ഷ​ണ​ർ ആ​ർ. ഇ​ള​ങ്കോ ഡി​ണ്ടി​ഗ​ൽ ജി​ല്ലാ പോ​ലീ​സ് ചീ​ഫു​മാ​യി കേ​സി​ന്‍റെ വി​ശ​ദാം​ശ​ങ്ങ​ൾ ച​ർ​ച്ച ചെ​യ്തിട്ടുണ്ട്. ഇ​തി​നെത്തു​ട​ർന്നു പ​ഴ​നി പോ​ലീ​സും സം​ഭ​വ​ത്തി​ൽ അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ണ്ട്. ത​ല​ശേ​രി എ​സി​പി മൂ​സ വ​ള്ളി​ക്കാ​ട​ൻ, സി​ഐ സ​ന​ൽ​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് ഇ​വി​ടെ കേ​സ​ന്വേ​ഷി​ച്ചു വ​രു​ന്ന​ത്. 164 പ്ര​കാ​രം യു​വ​തി​യു​ടെ മൊ​ഴി രേ​ഖ​പ്പെ​ടു​ത്ത​ൽ ഉ​ൾ​പ്പെ​ടെ​യു​ള്ള ന​ട​പ​ടി ക്ര​മ​ങ്ങ​ൾ പൂ​ർ​ത്തി​യാ​ക്കി​യ ശേ​ഷം കേ​സ് ത​മി​ഴ്നാ​ട് പോ​ലീ​സി​ന് കൈ​മാ​റാനാണ് തീരുമാനം.

യു​വ​തി പീ​ഡ​ന​ത്തി​നി​ര​യാ​യ വി​വ​രം ത​ങ്ങ​ളോ​ടു ദ​മ്പ​തി​ക​ൾ പ​റ​ഞ്ഞി​ട്ടി​ല്ലെ​ന്നും 6500 രൂ​പ ത​ട്ടി​യെ​ടു​ത്ത വി​വ​രം മാ​ത്ര​മാ​ണ് പ​റ​ഞ്ഞ​തെ​ന്നും പ​ഴ​നി പോ​ലീ​സ് കേ​ര​ള പോ​ലീ​സി​നെ അ​റി​യി​ച്ചിട്ടുണ്ട്.ഇവരുടെ രണ്ടാം ഭർത്താവുമായി യുവതി നിരന്തരം കലഹത്തിലായിരുന്നുവെന്ന് ഇവർ താമസിക്കുന്നതലശേരി റെയിൽവേ സ്റ്റേഷൻ പരിസരത്തെ അയൽവാസികൾ മൊഴി നൽകിയിട്ടുണ്ട്.ഇവർ പഴനിയിലേക്ക് തിരിക്കും മുൻപേ പരസ്പരം കലഹത്തിലേർപ്പെട്ടതായും അയൽവാസികൾ രണ്ടു പേരെയും താക്കീത് ചെയ്തതായും പൊലിസിന് വിവരം ലഭിച്ചിട്ടുണ്ട്. ഇതൊക്കെ പരിഗണിച്ചാണ് പൊലിസ് കേസന്വേഷണം നടത്തുന്നത്.സംഭവത്തിന് ശേഷം ഗുരുതരമായി പരുക്കേറ്റ യുവതി പരിയാരത്തെ ഗവ.മെഡിക്കൽ കോളേജിൽ ചികിത്സയിലാണ്.

English summary

Police about Tamil Nadu native woman absconded and attacked in Tamil Nadu