ശബ്ദമലിനീകരണ നിയന്ത്രണവുമായി പൊലിസ് : ഉത്സവാഘോഷങ്ങൾക്ക് തിരിച്ചടിയാവുമെന്ന് ആശങ്ക
കണ്ണൂര്: ഉത്സവങ്ങൾ തുടങ്ങിയ സാഹചര്യത്തിൽ വടക്കേ മലബാറിൽ ഉച്ചഭാഷിണി നിയന്ത്രണം കര്ശനമായി നടപ്പിലാക്കാന് ഡിഐജിയുടെ ഉത്തരവ്. ഉച്ചഭാഷിണി നിയന്ത്രണ വ്യവസ്ഥകള് ലംഘിച്ചാണ് ഭൂരിഭാഗം പരിപാടികളും നടത്തുന്നതെന്ന പരാതി വ്യാപകമായതിനെ തുടർന്നാണ് നിയമം കര്ശനമായി നടപ്പിലാക്കാന് കണ്ണൂർ റേഞ്ചിന് കീഴിലെ ജില്ലാ പോലീസ് മേധാവിക്കും ഡിവൈഎസ്പിമാര്ക്കും ഡിഐജി നിര്ദേശം നല്കിയത്.
കേരള നോയിസ് പൊല്യൂഷന് (റെഗുലേഷന് ആന്ഡ് കണ്ട്രോള്) റൂള്സ് 2000, കേരള സര്ക്കാരിന്റെ 2002-ലെ വിജ്ഞാപനം, കേരള പോലീസ് ആക്ടിലെ 77-ാം വകുപ്പ് എന്നിവ പ്രകാരമാണ് നിലവില് വിവിധ സംഘടനകളും സ്ഥാപനങ്ങളും മറ്റും സംഘടിപ്പിക്കുന്ന പരിപാടികള്ക്ക് ഉച്ചഭാഷിണി ഉപയോഗിക്കാനുള്ള അനുമതിപത്രം നല്കുന്നത്.
ഇതുപ്രകാരം രാത്രി 10 മണിക്കും രാവിലെ 6 മണിക്കും ഇടയിലുള്ള സമയത്ത് അടച്ച ഓഡിറ്റോറിയം, സമ്മേളന ഹാള്, കമ്മ്യൂണിറ്റി ഹാള്, വിദ്യാലയങ്ങള് എന്നിവ ഒഴികെയുള്ള സ്ഥലങ്ങളില് ഉച്ചഭാഷിണികള് പ്രവര്ത്തിപ്പിക്കാന് പാടില്ല. കൂടാതെ പൊതു നിരത്തുകളില് ഓടിക്കൊണ്ടിരിക്കുന്ന വാഹനങ്ങളിലും നിരോധിത മേഖലകളിലും ഉച്ചഭാഷിണി ഉപയോഗിക്കാന് പാടില്ലെന്നും ഉപയോഗിക്കുന്ന ഉച്ചഭാഷിണിയുടെ ശബ്ദത്തിന്റെ തോത് എത്രയാവണമെന്നതിനെ കുറിച്ചും വ്യവസ്ഥകള് നിലവിലുണ്ട്.
ശബ്ദ മലിനീകരണത്തിനെതിരെ ശക്തമായ നടപടി സ്വീകരിക്കാത്തതിന്റെ പേരില് ഹൈക്കോടതി ശക്തമായി വിമര്ശനമുന്നയിച്ചതും പരിഗണിച്ചാണ് ഡിഐജിയുടെ ഉത്തരവ്. ഇതിന്റെ ഭാഗമായി ഫെബ്രുവരി 15 വരെ ഉച്ചഭാഷിണി പ്രവര്ത്തിക്കുന്നതുമായി ബന്ധപ്പെട്ട് പൊതു ജനങ്ങള്ക്കിടയില് സബ് ഡിവിഷനല് പോലീസ് ഓഫീസര്മാരുടെ നേതൃത്വത്തില് ബോധവല്ക്കരണം നടത്തുകയും ആരാധനാലയങ്ങള്, കലാ സാംസ്കാരിക സംഘടനകള്, ആര്ട്സ് ആന്റ് സ്പോര്ട്സ് ക്ലബ്ബുകള്, രാഷ്ര്ടീയ പാര്ട്ടി പ്രതിനിധികള് എന്നിവരുടെ അടിയന്തര യോഗം വിളിച്ചു ചേര്ക്കുകയും ചെയ്യും.
ഫെബ്രുവരി 15 മുതല് നടപടികള് കര്ശനമായി നടപ്പിലാക്കും. വ്യവസ്ഥകള് ലംഘിക്കുന്നവര്ക്കെതിരെ കേരള നോയിസ് പൊലൂഷന് (റഗുലേഷന് ആന്ഡ് കണ്ട്രോള്), എന്വയോണ്മെന്റ് (പ്രൊട്ടക്ഷന്) ആക്ട് 1986-ലെ വകുപ്പ് 15 (1) എന്നീ ശിക്ഷാ വകുപ്പുകള് പ്രകാരവും 2011-ലെ കേരള പോലീസ് ആക്ട് 77 വകുപ്പിലെ നിര്ദേശങ്ങള്ക്കനുസരിച്ചും കര്ശനമായ നടപടികള് സ്വീകരിക്കാനാണ് ഡി.ഐ.ജിയുടെ ഉത്തരവ്. നിര്ദേശങ്ങള് കര്ശനമായി പാലിക്കുന്നുണ്ടെന്ന് ജില്ലാ പോലീസ് മേധാവിമാര് ഉറപ്പുവരുത്തണമെന്നും ഉത്തരവില് വ്യക്തമാക്കുന്നുണ്ട്. നിയമം കർശനമാക്കുന്നതോടെ വടക്കെ മലബാറിൽ നടന്നുകൊണ്ടിരിക്കുന്ന ഉത്സവാഘോഷങ്ങൾക്കും സാംസ്കാരിക പരിപാടികൾക്കും വൻ തിരിച്ചടിയാകുമെന്നാണ് സൂചന.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google