• search
  • Live TV
കണ്ണൂര്‍ വാർത്തകൾക്ക്
നോട്ടിഫിക്കേഷൻ അനുവദിക്കൂ  

സഹനസമര പദയാത്രയുമായി സതീശൻ ജനമധ്യത്തിലിറങ്ങുന്നു, പദയാത്ര ഉദ്ഘാടനം രമേശ് ചെന്നിത്തല!

  • By Desk

കണ്ണൂര്‍: കെ സുധാകരൻ എം പി ക്ക് പിന്നാലെ സഹനസമര പദയാത്രയുമായി ജില്ലാ കോൺഗ്രസ് അധ്യക്ഷൻ സതീശൻ പാച്ചേനിയും. കഴിഞ്ഞ ദിവസം കെ.സുധാകരൻ എം പി നടത്തിയ രാഷ്ട്ര രക്ഷാ മാർച്ച് വൻ വിജയമായതിനെ തുടർന്നാണ് ജില്ലാ കോൺഗ്രസ് അധ്യക്ഷൻ കൂടിയായ സതീശൻ പാച്ചേനിയും ജനമധ്യത്തിലേക്കിറങ്ങുന്നത്. കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ നയങ്ങള്‍ക്കെതിരെയും പൗരത്വ ഭേദഗതി നിയമം പിന്‍വലിക്കണമെന്ന് ആവശ്യപ്പെട്ടുമാണ് ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ ഡിസിസി പ്രസിഡന്റ് സതീശന്‍ പാച്ചേനി നയിക്കുന്ന 28 ദിവസം നീണ്ടുനിൽ ക്കുന്ന സഹനസമര പദയാത്ര 28-ന് തുടങ്ങും.

ഇരിക്കൂർ പടിയൂരിൽ വ്യാപക അക്രമം: ഒൻപത് ചെങ്കൽ ലോറികളും എടിഎം കൗണ്ടറും തകർത്തു!!

മാഹിപ്പാലത്തിന് സമീപത്ത് വച്ച് 28-ന് രാവിലെ 9.30-ന് സഹനസമര പദയാത്ര പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. 28 മുതല്‍ ഫെബ്രവരി 24 വരെയാണ് പദയാത്ര ജില്ലയില്‍ പര്യടനം നടത്തുന്നത്. ഉദ്ഘാടന പരിപാടിയില്‍ രാഷ്ട്രീയ-സാമൂഹ്യ-സാംസ്‌ക്കാരിക മേഖലയിലെ പ്രമുഖരും എംപിമാരായ കെ സുധാകരന്‍, കെ. മുരളീധരന്‍, രാജ്‌മോഹന്‍ ഉണ്ണിത്താന്‍ തുടങ്ങിയവരും, എംഎല്‍എമാരായ കെ സി ജോസഫ്, അഡ്വ. സണ്ണി ജോസഫ് തുടങ്ങിയ നേതാക്കളും ജില്ലയിലെ കെപിസിസി ഭാരവാഹികളായ വി.എ നാരായണന്‍, സുമാ ബാലകൃഷ്ണന്‍, അഡ്വ. സജീവ് ജോസഫ്, പ്രൊഫ. എ.ഡി മുസ്തഫ ഉള്‍പ്പെടെയുള്ള മറ്റ് പ്രധാനപ്പെട്ട നേതാക്കളും ഉദ്ഘാടന ചടങ്ങില്‍ പങ്കെടുക്കും.

സഹനസമര പദയാത്രയുടെ കോ-ഓര്‍ഡിനേറ്ററായി ഐഎന്‍ടിയുസി ദേശീയ സെക്രട്ടറി കെ സുരേന്ദ്രനും, സഹ കോ-ഓര്‍ഡിനേറ്റര്‍മാരായി കെപിസിസി നിര്‍വ്വാഹക സമിതി അംഗങ്ങളായ അഡ്വ. മാര്‍ട്ടിന്‍ ജോര്‍ജ്ജിനേയും ചന്ദ്രന്‍ തില്ലങ്കേരിയെയും നിയമിച്ചു. ജോയിന്റ് കോ-ഓര്‍ഡിനേറ്റര്‍മാരായി ഡിസിസി ജനറല്‍ സെക്രട്ടറിമാരായ സുരേഷ് ബാബു എളയാവൂരും എംപി വേലായുധനും ചുമതല നിര്‍വ്വഹിക്കും. ഡിസിസി അധ്യക്ഷന്‍ നയിക്കുന്ന സഹനസമര പദയാത്രയുടെ ഭാഗമായി ജില്ലയിലെ രക്തസാക്ഷി കുടുംബങ്ങളില്‍ സന്ദര്‍ശനം നടത്തി കുടുംബാംഗങ്ങളുടെ ആശിര്‍വാദങ്ങളേറ്റ് വാങ്ങും.

ജില്ലയിലെ മത-സാമൂഹ്യ-സാംസ്‌ക്കാരിക- രാഷ്ട്രീയ രംഗത്തെ പ്രമുഖരെ സന്ദര്‍ശിച്ച് പദയാത്രയുടെ ഉദ്യേശ ലക്ഷ്യങ്ങള്‍ വിശദീകരിക്കുകയും സഹനസമര പദയാത്രക്ക് അനുഗ്രഹങ്ങള്‍ തേടുകയും ചെയ്യും. പദയാത്ര കടന്നുപോകുന്ന വിവിധ പ്രദേശങ്ങളിലെ റാങ്ക് ജേതാക്കള്‍, ശാസ്ത്ര സാങ്കേതിക മേഖലയിലെ പ്രതിഭകള്‍, കലാകാരന്മാര്‍ സാഹിത്യകാരന്മാര്‍, സ്‌പോര്‍ട്‌സ് പ്രതിഭകള്‍, മികച്ച കര്‍ഷകര്‍, വ്യവസായ പ്രമുഖര്‍, ഗ്രന്ഥശാലാ പ്രവര്‍ത്തകര്‍, ഡോക്ടറേറ്റ് നേടിയവര്‍, മതപണ്ഡിതര്‍, സാമൂഹ്യരംഗത്തെ പ്രമുഖര്‍ ജില്ലാ, സംസ്ഥാന സ്‌കൂള്‍ കലോത്സവ വിജയികള്‍ തുടങ്ങിയ സാമൂഹ്യ-സാംസ്‌ക്കാരിക-ശാസ്ത്ര സാങ്കേതിക-വൈജ്ഞാനിക-കാര്‍ഷിക-വ്യാവസായിക-സ്‌പോര്‍ട് മേഖലയിലെ പ്രമുഖരെ ആദരിക്കുന്ന പ്രതിഭാ സംഗമങ്ങള്‍ സംഘടിപ്പിക്കുമെന്ന് സതീശന്‍ പാച്ചേനി പറഞ്ഞു. വാർത്ത സമ്മേളനത്തിൻ കെ. സുരേന്ദ്രന്‍, മാര്‍ട്ടിന്‍ ജോര്‍ജ്ജ്, ചന്ദ്രന്‍ തില്ലങ്കേരി എന്നിവരും പങ്കെടുത്തു.

English summary
Satheeshan Pacheni to cordinates Sahanasamara Padayaathra
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more