രാജ്യത്ത് നടക്കുന്നത് ശാസ്ത്രബോധത്തിനെതിരെയുളള കടന്നാക്രമണങ്ങള്: എസ്ആര്പി
കണ്ണൂര്: വികസനക്ഷേമ- വികസന രംഗങ്ങളില് ഇടപെടുന്നതോടൊപ്പം ജനങ്ങള്ക്കിടയില് ശാസ്ത്രബോധം വളര്ത്തിയെടുക്കാന് തീവ്രമായ ഇടപെടല് വേണന്ന് മുതിര്ന്ന സിപിഎം നേതാവ് എസ് രാമചന്ദ്രന് പിള്ള. ശാസ്ത്ര ബോധത്തിന് എതിരായ കടന്നാക്രമണങ്ങള് രാജ്യമെങ്ങും ബോധപൂര്വം നടത്തിക്കൊണ്ടിരിക്കുന്ന കാലമാണിത്. പരിണാമ സിദ്ധാന്തം പോലും പഠിക്കേണ്ടതില്ലെന്ന് പറയുന്നു. ഇതിന് പിന്നില് വ്യക്തമായ അജണ്ടകളുണ്ട്. ഇത് മറികടക്കണമെങ്കില് ശാസ്ത്ര ബോധം വളര്ത്തണം.
വ്യവസായിക-കാര്ഷിക മുന്നേറ്റത്തോടൊപ്പം നാട്ടില് നാം ആഗ്രഹിക്കുന്ന പുരോഗതി കൈവരിക്കണമെങ്കില് ഇത് അനിവാര്യമാണെന്നും കണ്ണൂരില് പാട്യം സ്മാരക പഠന ഗവേഷണ കേന്ദ്രം നായനാര് അക്കാദമിയില് സംഘടിപ്പിച്ച വികസന സെമിനാര് ഉദ്ഘാടനം ചെയ്ത് എസ്ആര്പി പറഞ്ഞു.
ആധുനിക ലോക ക്രമത്തോടൊപ്പം കേരളത്തെ എത്തിക്കാനുള്ള പരിശ്രമമാണ് കേരളത്തില് നടക്കുന്നത്. എറണാകുളത്ത് നടന്ന സിപിഐ എം സംസ്ഥാന സമ്മേളനത്തില് ഇതിനനുരൂപമായ ഒരു വികസന-ക്ഷേമ പരിപ്രേക്ഷ്യമാണ് തയ്യാറാക്കിയത്. അതിനനുസരിച്ചുള്ള തുടര് മുന്നേറ്റമാണ് സംസ്ഥാനത്ത് കാണുന്നത്. ഇത്തരം പ്രവര്ത്തനങ്ങള് നടക്കുമ്പോള് നമ്മുടെ തദ്ദേശ-സഹകരണ സ്ഥാപനങ്ങള്ക്ക് നിര്ണ്ണായകമായ പങ്ക് വഹിക്കാനുണ്ട്.
കാര്ഷിക- വ്യാവസായിക മേഖലകളില് ഇടപെടാന് നാം ശ്രമിക്കുമ്പോള് മല്സരിക്കേണ്ടി വരുന്നത് കോര്പ്പറേറ്റുകളുമായാണ്. അത്തരം മല്സരത്തിനിറങ്ങുമ്പോള് സകല മേഖലകളിലും വൈദഗ്ധ്യം വര്ധിപ്പിക്കേണ്ടയിരിക്കുന്നു. അതല്ലെങ്കില് മല്സരത്തില് ജയിക്കാനാകില്ല. അതിനായി തദ്ദേശ- സഹകരണ സ്ഥാപനങ്ങള് നടത്തുന്ന എല്ലാ പ്രവര്ത്തനങ്ങളിലും വൈദഗ്ധ്യം വര്ധിപ്പിക്കണം. പ്രഫഷണലിസം കൈവരിക്കണം.
സംസ്ഥാനത്തിന്റെ പൊതു വികസന കാര്യങ്ങളില് കണ്ണൂര് ജില്ലയ്ക്ക് നേതൃപരമായ പങ്ക് വഹിക്കാനുണ്ട്. സാമൂഹ്യ-സാംസ്കാരിക-രാഷ്ട്രീയ രംഗങ്ങളിലെല്ലാം കണ്ണൂര് ഇതിനകം നേതൃപരമായ പങ്ക് വഹിച്ചിട്ടുണ്ട്. കേരളത്തിന്റെ സാമൂഹ്യ-സാംസ്കാരികമേഖലകളിലെല്ലാം കണ്ണൂരിന്റെ സംഭാവന മാതൃകാപരമാണെന്ന് എസ്. ആര്.പി പറഞ്ഞു.ശാസ്ത്ര - സാങ്കേതിക മേഖലയിലെ വളര്ച്ചക്കെതിരെ സംഘടിതമായ കടന്നാക്രമണമാണ് നടന്നുകൊണ്ടിരിക്കുന്നത്. രാജ്യത്ത് അന്ധവിശ്വാസങ്ങളും അനാചാരങ്ങളും പ്രചരിപ്പിക്കുകയാണ്.
ജനങ്ങളില് ശാസ്ത്ര ബോധം വളര്ത്തി ഇതിനെ നേരിടാനാവണം. കണ്ണൂരിന്റെ വളര്ച്ചക്ക് മുതല് കൂട്ടാവുന്ന വിമാനതാവളത്തിന്റെ വളര്ച്ചാ പുരോഗതി നിഷേധിക്കുന്ന നയത്തിനെതിരെ ജനങ്ങളെ അണിനിരത്തി നേരിടാനാവണം. അഴീക്കല് തുറമുഖ വികസനവും ജില്ലയുടെ വികസന കുതിപ്പില് നിര്ണ്ണായകമാവുമെന്ന് എസ്ആര്പി അഭിപ്രായപ്പെട്ടു. മുന് ആരോഗ്യ വകുപ്പ് മന്ത്രി പികെ ശ്രീമതി അധ്യക്ഷത വഹിച്ചു. പ്ലാനിംഗ് ബോര്ഡ് വൈസ് ചെയര്മാന് ഡോ. വി കെ രാമചന്ദ്രന് മുഖ്യ പ്രഭാഷണം നടത്തി. സംഘാടക സമിതി ജനറല് കണ്വീനര് പി ഹരീന്ദ്രന് , കെ വി സുമേഷ് എം എല് എ, ജില്ലാ പഞ്ചായത്ത് പ്രസിഡണ്ട് പിപി ദിവ്യ, സിപിഎം ജില്ലാ സെക്രട്ടറി എംവി ജയരാജന്, പി ജയരാജന്, ടിവി രാജേഷ്, പ്രൊഫ. എ സാബു തുടങ്ങിയവര് പങ്കെടുത്തു.
വികസന സെമിനാറിനോടനുബന്ധിച്ച് ജൂലായ് 29-ന് നടക്കുന്ന ഓപ്പണ് ഫോറം മുഖ്യമന്ത്രി പിണറായി വിജയന് ഉദ്ഘാടനം ചെയ്യും. എല്ഡിഎഫ് സംസ്ഥാന കണ്വീനര് ഇ പി ജയരാജന് അധ്യക്ഷനാവും. വൈകീട്ട് നടക്കുന്ന സമാപന സമ്മേളനം കെ കെ ശൈലജ എം എല് എ യുടെ അധ്യക്ഷതയില് സി പി എം സംസ്ഥാന സെക്രട്ടറി എം വി ഗോവിന്ദന് മാസ്റ്റര് ഉദ്ഘാടനം ചെയ്യും. 2000 ത്തോളം പേര് പങ്കെടുക്കുന്ന സെമിനാറില് 209 പ്രബന്ധങ്ങള് അവതരിപ്പിച്ചു. ഏഴ് വേദികളില് ഒരേസമയം പ്രബന്ധാവതരണവും ചര്ച്ചയും നടന്നു.
-
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം"
Click it and Unblock the Notifications
Sign in with Google