പാര്ട്ടി കോണ്ഗ്രസിനുപയോഗിച്ച സ്റ്റേഡിയം കേടാക്കി; സിപിഎമ്മിന് പിഴ ചുമത്തി കണ്ണൂര് കോര്പ്പറേഷന്
കണ്ണൂര്: സി പി ഐ എം പാര്ട്ടി കോണ്ഗ്രസിന് ഉപയോഗിച്ച സ്റ്റേഡിയം മലിനമാക്കിയതിന് സി പി ഐ എമ്മിന് പിഴ ചുമത്തി കണ്ണൂര് കോര്പറേഷന്. കണ്ണൂരില് ഈ വര്ഷം നടന്ന സി പി ഐ എം പാര്ട്ടി കോണ്ഗ്രസിന്റെ ഭാഗമായുള്ള സെമിനാറിന് ഉപയോഗിച്ച ജവഹര് സ്റ്റേഡിയം മലിനമാക്കിയതിന് ആണ് കണ്ണൂര് കോര്പ്പറേഷന് പിഴ ഈടാക്കാന് തീരുമാനിച്ചത്.
നേരത്തെ സി പി ഐ എമ്മിന് 47,000 രൂപ പിഴ ഇടാനായിരുന്നു കണ്ണൂര് കോര്പ്പറേഷന് തീരുമാനിച്ചിരുന്നത്. എന്നാല് പിന്നീട് ജവഹര് സ്റ്റേഡിയം ഉപയോഗിക്കുന്നതിന് വേണ്ടി സെക്യൂരിറ്റി ഡെപ്പോസിറ്റായി സി പി ഐ എം നല്കിയ 25,000 രൂപ തിരിച്ച് നല്കേണ്ടതില്ല എന്നും കണ്ണൂര് കോര്പ്പറേഷന് കൗണ്സില് തീരുമാനം എടുത്തിരിക്കുകയാണ്.
പ്രതിപക്ഷത്തിന്റെ കടുത്ത എതിര്പ്പ് അവഗണിച്ചാണ് സി പി ഐ എമ്മില് നിന്ന് പിഴ ഈടാക്കാന് കണ്ണൂര് കോര്പ്പറേന് തീരുമാനിച്ചിരിക്കുന്നത്. യു ഡി എഫാണ് കണ്ണൂര് കോര്പ്പറേഷന് ഭരിക്കുന്നത്. എല് ഡി എഫാണ് പ്രതിപക്ഷത്ത്.
ആകെയുള്ള 55 സീറ്റില് യു ഡി എഫിന് 34 ഉം എല് ഡി എഫിന് 19 ഉം എന് ഡി എയ്ക്ക ഒരു സീറ്റുമാണ് ഉള്ളത്. അതേസമയം ഏപ്രില് 9 നായിരുന്നു സി പി ഐ എം പാര്ട്ടി കോണ്ഗ്രസിനോട് അനുബന്ധിച്ച് സെമിനാര് നടത്തിയിരുന്നത്.
മുഖ്യമന്ത്രി പിണറായി വിജയന്, തമിഴ്നാട് മുഖ്യമന്ത്രി എം കെ സ്റ്റാലിന്, മുന് കോണ്ഗ്രസ് നേതാവ് കെ വി തോമസ് എന്നിവരായിരുന്നു സെമിനാറില് പങ്കെടുത്ത് സംസാരിച്ചിരുന്നത്. കണ്ണൂര് ഇതാദ്യമായാണ് പാര്ട്ടി കോണ്ഗ്രസിന് വേദിയായത്.
30000 പേരെ ഉള്ക്കൊള്ളുന്ന കണ്ണൂര് ജവഹര് സ്റ്റേഡിയത്തിലെ പ്രതലം പുല്ത്തകിടിയാക്കിയാണ് സജ്ജമാക്കിയിട്ടുള്ളത്. പ്രധാനമായും ഫുട്ബോള് മത്സരങ്ങള്ക്കാണ് കണ്ണൂര് ജവഹര് സ്റ്റേഡിയം വേദിയാകാറുള്ളത്.
Click it and Unblock the Notifications
Sign in with Google