അറക്കല് രാജ കുടുംബം: സുല്ത്താന് ആദിരാജ മറിയം ചെറിയ ബീകുഞ്ഞി ബീവി സ്ഥാനമേല്ക്കും
കണ്ണൂര് സിറ്റി: അറക്കല് രാജ കുടുംബത്തിന്റെ നാല്പതാമത് അധികാരിയായി സുല്ത്താന് ആദിരാജ മറിയുമ്മ ചെറിയ ബീകുഞ്ഞി ബീവി 2019 ബുധനാഴ്ച വൈകിട്ട് ആറുമണിക്ക് നടക്കുന്ന ലളിതമായ ചടങ്ങില് ദൈവനാമത്തില് ഔദ്യോഗികമായി സ്ഥാനമേറ്റെടുക്കും. അറക്കല് രാജ കുടുംബത്തിന്റെ 39-ാംമത് സ്ഥാനി ആദിരാജ ഫാത്തിമ മുത്ത് ബീവിയുടെ വിയോഗത്തെ തുടര്ന്നാണ് പുതിയ അധികാര കൈമാറ്റം.
കണ്ണൂര് സിറ്റി അറക്കല് കെട്ടിനകത്ത് ബീവിയുടെ സ്വവസതിയായ അല്മാര് മഹലില് വെച്ചാണ് അറക്കല് രാജകീയ പാരമ്പര്യമനുസരിച്ചുള്ള സ്ഥാനാരോഹണ ചടങ്ങുകള് നടക്കുക. മദ്രാസ് പോര്ട്ട് അഡ്മിനിട്രേറ്റിവ് ഓഫീസറായി വിരമിച്ച മര്ഹൂം എ.പി ആലിപ്പിയാണ് ഭര്ത്താവ്. മദ്രാസ് പോര്ട്ട് സൂപ്രണ്ട് ആദിരാജ അബ്ദുല് ഷുക്കൂര്, ആദിരാജ നസീമ, ആദിരാജ റഹീന എന്നിവര് മക്കളാണ്. അറക്കല് രാജ കുടുംബത്തിലെ മുതിര്ന്ന അംഗങ്ങളും സാമൂഹ്യ സാംസ്കാരിക രാഷ്ട്രീയ മാധ്യമ രംഗത്തെ പ്രമുഖര് ഉള്പ്പെടെ പങ്കെടുക്കുന്ന സ്ഥാനാരോഹണ ചടങ്ങില് ആദിരാജ അബ്ദുല് ഷുക്കൂര് അധ്യക്ഷത വഹിക്കും.
സ്ഥാനിയായിരുന്ന മര്ഹൂം ഫാത്തിമ മുത്ത് ബീവിയുടെ മകള് ഖദീജ സോഫിയ ആദിരാജ, ബീവിയുടെ പ്രതിനിധിയായി കണ്ണൂര് സിറ്റി ജുമാ മസ്ജിദ് ഉള്പ്പെടെയുള്ള പൈതൃക സ്ഥാപനങ്ങളുടെ ഉത്തര വാദിത്വം വഹിച്ച പൗത്രന് ആദിരാജ ഈംത്യസ് അഹമ്മദ്, അറക്കല് മ്യൂസിയം ചെയര്മാന് ആദിരാജ മുഹമ്മദ് റാഫി എന്നിവര് പരിപാടികള്ക്ക് നേതൃത്വം നല്കും.
ലളിതമായ ഇഫ്താര് വിരുന്നോടെ സ്ഥാനാരോഹണ പരിപാടികള് സമാപിക്കും ബ്രിട്ടീഷ് കൊളോണിയല് ആധിപത്യത്തോടെ രാജകീയ അധികാരങ്ങള് നഷ്ടമായെങ്കിലും കഴിഞ്ഞ പതിനാല് നൂറ്റാണ്ടായി കണ്ണൂര്, ലക്ഷദ്വീപ്, മാലിദ്വീപ് ഉള്പ്പെടെയുള്ള പ്രദേശങ്ങളില് ആത്മീയ രാഷ്ട്രീയ സാംസ്കാരിക രംഗത്ത് അധികാരവും നേതൃത്വവും നല്കിയ പ്രൗഡമായ പാരമ്പര്യമുള്ള അറക്കല് രാജ കുടുംബത്തിന് പോര്ച്ചുഗീസ് അധിനിവേശ വിരുദ്ധ പോരാട്ട രംഗത്ത് ഐതിഹാസികമായ അടയാളപ്പെടുത്തലുകളാണ് ഉള്ളത്. അക്കല് രാജ കുടുംബത്തെ കുറിച്ചും കണ്ണൂര് സിറ്റിയുടെ പൈതൃകത്തെ കുറിച്ചും ഗവേഷണ പഠനങ്ങളില് ഏര്പ്പെട്ടിട്ടുള്ള വിവിധ സര്വ്വകലാശാല വിദ്യാര്ത്ഥികളും, ചരിത്ര ഗവേഷകരും സ്ഥാനാരോഹണ ചടങ്ങില് പങ്കെടുക്കും.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google