Click it and Unblock the Notifications
Just In
Don't Miss
-
കനേഡിയൻ മല്ലൂസ്... ഈ പ്രവിശ്യയിൽ കൂടി ഇത്തരം കാറുകൾ ഓടിച്ചാൽ ചിലപ്പോൾ തടവ് വരെ കിട്ടിയേക്കാം -
'പ്രണയം മീനാക്ഷിയുമായി അല്ലേ?, ഗോകുലിന് മുമ്പേ മാധവിന്റെ കെട്ട് നടക്കും..., മാധവ് സുരേഷിന്റെ പ്രണയിനി ഇതാണോ?' -
IPL 2024: എല്ലാം തിരക്കഥ? 17ാം സീസണിലെ തട്ടിപ്പിന് തെളിവുണ്ട്? സഞ്ജുവിന്റെ രാജസ്ഥാനും പങ്ക്! -
സംഗീതമൊഴുകുന്ന കല്ലുകള്, 800 വര്ഷം പഴക്കമുള്ള വാസ്തുവിദ്യാ അത്ഭുതം; ഐരാവതേശ്വര ക്ഷേത്രം -
50 രൂപയിൽ താഴെയുള്ള പവർ സ്റ്റോക്ക്, ഒരു വർഷത്തെ നേട്ടം 400%, ഓഹരി കയ്യിലുണ്ടെങ്കിൽ വിൽക്കണോ...? -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും.. -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം
ഗള്‍ഫിലെ സാമ്പത്തിക തര്‍ക്കം: കാറിലെത്തിയ യുവാവിനെ തട്ടിക്കൊണ്ടുപോയ സംഘം പോലീസ് പിടിയില്‍
കണ്ണൂര്‍: കാറിലെത്തി പുതിയങ്ങാടി ബീച്ച് റോഡില്‍ നിന്നും പ്രവാസിയായ യുവാവിനെ തട്ടികൊണ്ടു പോയ സംഭവത്തില്‍ കൂട്ടാളിയെയും മുഖ്യപ്രതിയെയും പോലീസ് സംഘം പിടികൂടി. കോഴിക്കോട്ടെ താമരശ്ശേരിയില്‍ നിന്നാണ് പഴയങ്ങാടി എസ്.ഐ കെ. ഷാജുവിന്റെ നേതൃത്വത്തിലുള്ള സംഘം പിടികൂടിയത്. ഗള്‍ഫില്‍ നിന്നു രണ്ട്മാസം മുന്‍പ് നാട്ടിലെത്തിയ പുതിയങ്ങാടി ബീച്ച് റോഡില്‍ രിഫായിപള്ളിക്ക് സമീപത്തെ മണ്ടൂര്‍ ഹൗസില്‍ എം. മുഹമ്മദ് അസ്‌ലമി(32)നെയാണ് തട്ടി കൊണ്ടുപോയത്.
മുഖ്യ പ്രതിയായ താമരശ്ശേരി സ്വദേശി സാബു വര്‍ഗീസിനെയാണ് പൊലിസ് പിടികൂടിയത്. ബീച്ച് റോഡില്‍ കഴിഞ്ഞ ദിവസം രാവിലെ പത്തോടെ ബൈക്കില്‍ യാത്ര ചെയ്യുകയാരുന്ന അസ്ലമിനെ കോഴിക്കോട് റജിസ്‌ട്രേഷനിലുള്ള രïു ചുവന്ന മാരുതി സ്വിഫ്റ്റ് കാറുകളിലായി എത്തിയവരാണ് തട്ടികൊണ്ടുപോയത്. കാറില്‍ എത്തുന്നതും തട്ടികൊണ്ടു പോകുന്നതും റോഡിരികിലുള്ള വീട്ടിലെ സി.സി.ടി.വിയില്‍ നിന്നു പോലീസ് കണ്ടെത്തിയിരുന്നു. ബൈക്കും കൊണ്ടുപോയിരുന്നു. തട്ടിക്കൊണ്ടു പോയ കാറിന്റെ ഉടമ താമരശ്ശേരിയിലെ സാബു വര്‍ഗീസിന്റെ വീട്ടില്‍ പരിശോധന നടത്തിയെങ്കിലും ആരെയും കണ്ടെത്താനായില്ല. ഇതിനിടെ മുഹമ്മദ് അസ്ലമിനെ തട്ടിക്കൊണ്ടു പോയ സംഘം വീട്ടിലേക്ക് ഫോണ്‍ ചെയ്തതായി അന്വേഷണ സംഘത്തിന് വിവരം ലഭിച്ചു.
പോലീസ് പിന്തുടരുന്നെന്നു മനസ്സിലായതോടെ കൊടുവള്ളി പോലീസ് സ്റ്റേഷനു സമീപം മുഹമ്മദ് അസ്ലമിനെ ഇറക്കി വിടുകയായിരുന്നു.തുടര്‍ന്നു കാറില്‍ കടന്നുകളയാന്‍ ശ്രമിച്ച മുഖ്യ പ്രതിയെ പഴയങ്ങാടി എസ്.ഐ കെ. ഷാജുവും സംഘവും സാഹസികമായി പിടികൂടുകയായിരുന്നു. ഇവര്‍ സഞ്ചരിച്ചകാറും കസ്റ്റഡിയിലെടുത്തിട്ടുണ്ട്. അജ്മലിന്റെ സഹോദരന്‍ എം. അജ്‌നാസിന്റെ പരാതിയില്‍ പഴയങ്ങാടി പോലീസ് കേസെടുത്ത് അന്വേഷണം ഊര്‍ജിതമാക്കുകയായിരുന്നു. അസ്ലമിനെ ഇവര്‍ മര്‍ദ്ദിച്ചതായും ശരീരത്തില്‍ പരുക്കുകളുണ്ടെന്നും പോലീസ് അറിയിച്ചു. ഗള്‍ഫില്‍ നിന്നുള്ള സാമ്പത്തിക ഇടപാടിലെ തര്‍ക്കമാണ് തട്ടിക്കൊണ്ടുപോവലിന്റെ കാരണമെന്നും കേസില്‍ കൂടുതല്‍ പ്രതികള്‍ ഉള്ളതായും അവരെ ഉടന്‍ പിടികൂടുമെന്നും വളപട്ടണം സി.ഐ എം. രാജേഷ് പറഞ്ഞു.
