ഇരിട്ടിയില് കാറിലെത്തിയ സംഘം അംഗപരിമതിയായ വിദ്യാര്ഥിനിയെ തട്ടിക്കൊണ്ടുപോകാന് ശ്രമിച്ചു
ഇരിട്ടി: കാറിലെത്തിയ സംഘം സ്കൂള് വിദ്യാര്ഥിനിയെ തട്ടിക്കൊïു പോകാന് ശ്രമിച്ച സംഭവത്തില് പൊലിസ് അന്വേഷണം ശക്തമാക്കി. പായം വട്ട്യറ എരുമത്തടത്തില് കഴിഞ്ഞ ദിവസം കാറിലെത്തിയ സംഘം സ്കൂള് വിദ്യാര്ഥിനിയെ തട്ടിക്കൊണ്ടുപോകാന് ശ്രമിച്ച സംഭവത്തിലാണ് അക്രമികളേയും വാഹനത്തേയും കണ്ടെത്താന് ഇരിട്ടി പോലീസ് അന്വേഷണം ശക്തമാക്കിയത്.
ഇതിന്റെ ഭാഗമായി ഇരിട്ടി സബ്ബ് ഡിവിഷണല് പരിധിയിലെ പോക്കറ്റ് റോഡുകള് ഉള്പ്പെടെ പ്രധാന റോഡുകളിലെ വാഹനം കടന്നു പോകാന് സാധ്യതയുള്ള എല്ലാ പ്രദേശങ്ങളിലെയും സിസി ടിവി ദൃശ്യങ്ങളുള്പ്പെടെ ശേഖരിക്കാന് പൊലിസ് വിദഗ്ദരുടെ സഹായം തേടും. അന്വേഷണത്തിന്റെ ഭാഗമായി അക്രമത്തിനിരയായ വിദ്യാര്ഥിനിയില് നിന്നും സമീപവാസികളില് നിന്നും മൊഴിയെടുക്കും. ആവശ്യമെങ്കില് അക്രമികളുടെ രേഖാചിത്രം തയ്യാറാക്കുമെന്നും അന്വേഷണോദ്യോഗസ്ഥനായ ഇരിട്ടി സബ്ബ് ഇന്സ്പെക്ടര് ദിനേശന് കൊതേരി പറഞ്ഞു. ഇരിട്ടി ഹയര് സെക്കന്ഡറി സ്ക്കൂള് എട്ടാം ക്ലാസ് വിദ്യാര്ത്ഥിനിയെയാണ് വ്യാഴാഴ്ച്ച വൈകുന്നേരം വാഗണര് കാറില് പിന്തുടര്ന്നെത്തി രണ്ടംഗ സംഘം കാറില് കയറ്റി കൊണ്ടുപോകാന് ശ്രമിച്ചത്.
സ്കൂള് വിട്ട് സ്കൂള് ബസ്സില് എരുമത്തടം ജംഗ്ഷനിലിറങ്ങി. സഹപാഠികളായ മറ്റു മൂന്നു വിദ്യാര്ഥികള്ക്കൊപ്പം പോക്കറ്റ് റോഡിലൂടെ വീട്ടിലേക്ക് നടന്നു പോകവേ പിന്നാലെ കാറിലെത്തിയ സംഘം ഇവരുടെ മുന്നില് കാര് നിര്ത്തുകയും ഇതിലേക്ക് ബലം പ്രയോഗിച്ച് വലിച്ചു കയറ്റുവാന് ശ്രമിക്കുകയുമായിരുന്നു. ഇതോടെ കൂടെ ഉണ്ടായിരുന്ന മറ്റു വിദ്യാര്ഥികള് കരയുകയും ബഹളം വെക്കുകയും ചെയ്തതിനെ തുടര്ന്ന്. സമീപ വാസികള് ഓടിയെത്തിയതോടെ അക്രമിസംഘം കാറുമായി കടന്നുകളയുകയായിരുന്നു. കാറിലുണ്ടായിരുന്നവര് കുട്ടിയുടെ കഴുത്തിന് പിടിച്ച് വലിക്കുകയും മുഖത്തടിക്കുകയും ചെയ്തതായി കുട്ടികള് മൊഴി നല്കി. പിടിവലിയിലും മറ്റും കഴുത്തിന് പരിക്കേറ്റ് അവശയായ അംഗ പരിമിതയായ വിദ്യാര്ഥിനി ഇരിട്ടി താലൂക്ക് ആശുപത്രിയില് ചികിത്സ തേടിയിരുന്നു.