സ്കൂൾ വിദ്യാർത്ഥിനിയുടെ ചിത്രങ്ങൾ മൊബൈലിൽ പകർത്തി പീഡിപ്പിച്ച 19 വയസുകാരൻ അറസ്റ്റിൽ
കണ്ണൂർ: സ്കൂൾ വിദ്യാർത്ഥിനിയുടെ ചിത്രങ്ങൾ മൊബൈലിൽ പകർത്തി ലൈംഗിക ചൂഷണത്തിനിരയാക്കിയ 19 വയസുകാരൻ അറസ്റ്റിൽ. പിണറായി പാറപ്രത്ത് വാടക വീട്ടില് താമസിച്ച് വരികയായിരുന്ന പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ച കേസിസാണ് അറസ്റ്റ്. കൂത്തുപറമ്പ് മൂന്നാംപീടികയിലെ അഭിജിത്തിനെയാണ് പോക്സോ വകുപ്പു പ്രകാരം പിണറായി പോലീസ് അറസ്റ്റ് ചെയ്തത്.
8 മണ്ഡലങ്ങളില് ബിജെപി വിജയം ഉറപ്പിക്കാന് ജെഡിഎസ് നീക്കം? തന്ത്രം ഇങ്ങനെ
17കാരിയായ പെണ്കുട്ടിയെ പ്രതി മൊബൈല് ഫോണ് വഴി പരിചയപ്പെടുകയായിരുന്നു. തുടര്ന്ന് പെണ്കുട്ടിയും കുടുംബവും താമസിക്കുന്ന പാറപ്രത്തെ വീട്ടിലെത്തി നിരന്തരം പീഡിപ്പിക്കുകയായിരുന്നു. പിന്നീട് മൊബൈല് ഫോണില് ചിത്രങ്ങള് പകര്ത്തി ഇത് കാണിച്ച് ഭീഷണിപ്പെടുത്തി പീഡിപ്പിച്ചെന്നാണ് പരാതി. കണ്ണൂര് ജില്ലയിലെ സ്കൂളുകളില് ഹയര് സെക്കണ്ടറി വിഭാഗത്തില് പഠിക്കുന്ന നാല് പെണ്കുട്ടികള് അടുത്തിടെ ആത്മഹത്യ ചെയ്തിരുന്നു.
ഇതേ തുടര്ന്ന് ജനമൈത്രി പോലീസും പ്രാദേശിക ഭരണകൂടങ്ങളും കുട്ടികള്ക്ക് കൗണ്സിലിംഗ് ഉള്പ്പെടെ നല്കി വരികയായിരുന്നു. കഴിഞ്ഞ ദിവസം ജില്ലാ പഞ്ചായത്ത് സംഘടിപ്പിച്ച ഇത്തരമൊരു കൗണ്സിലിംഗിനിടെയാണ് പീഡനത്തിന് ഇരയായ പെണ്കുട്ടി നടന്ന കാര്യങ്ങള് തുറന്ന് പറഞ്ഞത്. തുടര്ന്ന് പോലീസില് പരാതി നല്കുകയായിരുന്നു. പെണ്കുട്ടിയുടെ അച്ഛന് പത്ത് വര്ഷം മുമ്പേ മരന്നപ്പെട്ടിരുന്നു. പിന്നീട് ഇവരുടെ കുടുംബം വാടക വീട്ടുകളില് കഴിഞ്ഞ് വരികയായിരുന്നു. കഴിഞ്ഞ തിങ്കളാഴ്ചയും പ്രതി ഇത്തരത്തില് പീഡിപ്പിച്ചതായും പെണ്കുട്ടി പോലീസിന് മൊഴി നല്കി. പ്രതിയെ വൈകിട്ടോടെ കോടതിയില് ഹാജരാക്കി റിമാൻഡ് ചെയ്തു.