കണ്ണൂര് ഹജ്ജ് ക്യാംപില് നിന്നും ആദ്യ തീര്ത്ഥാടക സംഘം ജൂണ് നാലിന് യാത്രപുറപ്പെടും
തലശേരി: കണ്ണൂരില് ഹജ്ജ് തീര്ത്ഥാടനത്തിനുളള ഒരുക്കങ്ങള് അന്തിമഘട്ടത്തിലെത്തി. കണ്ണൂര്ഹജ്ജ് ക്യാമ്പില് നിന്നുള്ള ആദ്യ വിമാനം ജൂണ് നാലിന് പുലര്ച്ചെ 1.45ന് പുറപ്പെടും. നിലവിലെ ഷെഡ്യൂള് പ്രകാരം കേരളത്തില് നിന്നുള്ള ആദ്യ ഫ്ലൈറ്റ് ആകും കണ്ണൂരിലേത്.
കണ്ണൂര് അന്താരാഷ്ട്ര വിമാനത്താവളത്തിന്റെ കാര്ഗോ കോംപ്ലക്സിലാണ് താല്കാലികമായി ഹജ്ജ് ക്യാമ്പ് ഒരുക്കിയിട്ടുള്ളത്. 13 വിമാനങ്ങളാണ് അനുവദിച്ചിട്ടുള്ളത്. ഒരു വിമാനത്തില് 145 ഹാജിമാരാണ് യാത്ര ചെയ്യുക. യാത്രക്ക് 24 മണിക്കൂര് മുമ്പ് തന്നെ ഹാജിമാര് ക്യാമ്പില് എത്തിച്ചേരും. ജൂണ് 22നാണ് അവസാനത്തെ വിമാനം പുറപ്പെടുക. 2000ത്തോളം ഹാജിമാരാണ് കണ്ണൂര് ക്യാമ്പില് നിന്നും പോവുക. പൂര്ണമായും ഹരിത ചട്ടം പാലിച്ചായിരിക്കും ക്യാമ്പ്.
ഹജ്ജ് ക്യാമ്പുമായി ബന്ധപ്പെട്ട് രൂപീകരിച്ചിട്ടുള്ള റിസപ്ഷന്, പ്രോഗ്രാം, ഫുഡ്, അക്കമഡേഷന്, വളണ്ടിയര്, ഗതാഗതം, ഹെല്ത്ത് ആന്റ് സാനിറ്റേഷന്, ലൈറ്റ് ആന്റ് സൗണ്ട്, മീഡിയ, എന്നീ സബ് കമ്മിറ്റികളുടെ യോഗം വെള്ളിയാഴ്ച ചേര്ന്ന് തയ്യാറെടുപ്പുകള് വിലയിരുത്തി.
ഹജ്ജ് ക്യാമ്പിന്റെ സംഘാടക സമിതി ഓഫീസ് ഉദ്ഘാടനം മെയ് 21ന്രാവിലെ 10 മണിക്ക് വായാന്തോട് ജംഗ്ഷന് സമീപം കെ കെ ശൈലജ ടീച്ചര് എം എല് എ നിര്വഹിക്കും. മട്ടന്നൂര് സി ഡി എസ് ഹാളില് നടന്ന യോഗത്തില് സംസ്ഥാന ഹജ്ജ് കമ്മിറ്റി അംഗവും നീലേശ്വരം മുനിസിപ്പല് വൈസ് ചെയര്മാനുമായ പി പി മുഹമ്മദ് റാഫി, കണ്ണൂര് ഹജ്ജ് എംബാര്ക്കേഷന് നോഡല് ഓഫീസര് എം സി കെ അബ്ദുള് ഗഫൂര്, സംഘാടക സമിതി കണ്വീനര് സുബൈര് ഹാജി, മട്ടന്നൂര് നഗരസഭാ ചെയര്മാന് എന് ഷാജിത്ത് മാസ്റ്റര്, വിവിധ സബ്കമ്മിറ്റി ഭാരവാഹികള്, അംഗങ്ങള് തുടങ്ങിയവര് പങ്കെടുത്തു.
കണ്ണൂര് വിമാനത്താവളത്തില് ആദ്യമായാണ്ഹജ്ജ് എംബാര്ക്കേഷന് സൗകര്യം ലഭിക്കുന്നത്. അതുകൊണ്ടു തന്നെ തീര്ത്ഥാടകര്ക്ക് യാതൊരു വൈഷമ്യങ്ങളും നേരിടാതെ പരമാവധി സൗകര്യങ്ങളാണ് കിയാല് ഒരുക്കിയിട്ടുളളത്. വടക്കന് കേരളത്തിലെ രണ്ടായിരത്തോളം തീര്ത്ഥാടകരാണ് കണ്ണൂര് അന്താരാഷ്ട്ര വിമാനത്താവളത്തില് നിന്നും ഹജ്ജ് തീര്ത്ഥാടനത്തിനായി പോകുന്നത്. ദേശീയ ഹജ്ജ് കമ്മിറ്റി ചെയര്മാന് എ.പി അബ്ദുളളക്കുട്ടിയുടെ ഇടപെടല് കാരണമാണ് കണ്ണൂര് വിമാനത്താവളത്തെ ഹജ്ജ് പുറപ്പെടല് കേന്ദ്രമായി തെരഞ്ഞെടുക്കാന് ഇടയാക്കിയത്.
Click it and Unblock the Notifications
Sign in with Google