മാനസിക വൈകല്യമുള്ള യുവതിയെ തട്ടിക്കൊണ്ടുപോയി പീഡിപ്പിച്ചു: മൂന്ന് അറസ്റ്റിൽ, സംഭവം ശനിയാഴ്ച!!

Updated: Monday, September 28, 2020, 8:46 [IST]

കണ്ണൂർ: മാനസിക വൈകല്യമുള്ള പെൺകുട്ടിയെ തട്ടിക്കൊണ്ടുപോയി പീഡിപ്പിച്ച കേസിൽ കണ്ണൂരിൽ മൂന്ന് പേർ അറസ്റ്റിൽ. 22 കാരിയായ പെൺകുട്ടിയെയാണ് സംഘം ലൈംഗിക അതിക്രമത്തിന് ഇരയാക്കിയത്. അബൂബക്കർ, സിയാദ്, മുഹമ്മദ് ബാഷ എന്നിവരാണ് പിടിയിലായത്. പ്രതികളെ അറസ്റ്റ് ചെയ്തതിന് പിടികൂടിയതിന് പുറമേ പ്രതികളുടെ ബൈക്ക്, ഓട്ടോറിക്ഷ എന്നിവയും പോലീസ് കസ്റ്റഡിയിലെടുത്തിട്ടുണ്ട്. ഇക്കഴിഞ്ഞ ശനിയാഴ്ചയാണ് സംഭവം.

കടയിലേക്ക് സാധനങ്ങൾ വാങ്ങുന്നതിനായി പോയ പെൺകുട്ടി വീട്ടിലേക്ക് മടങ്ങിയെത്താത്തതിനെ തുടർന്നാണ് ബന്ധുക്കൾ പോലീസിനെ സമീപിച്ച് പരാതി നൽകുന്നത്. തുടർന്ന് പോലീസും നാട്ടുകാരും ചേർന്ന് പ്രദേശത്ത് തിരച്ചിൽ നടത്തിയതോടെയാണ് പെൺകുട്ടിയെ ബൈക്കിൽ കയറ്റിക്കൊണ്ടുപോകുന്നതായി നാട്ടുകാർ കണ്ടത്. ഇതോടെ ഇവർ ഇടപെട്ട് തടയുകയും ചെയ്തിരുന്നു. പെൺകുട്ടി കണ്ടെത്തിയതിന് ശേഷം സിഐ പി സുരേശന്റെ നേതൃത്വത്തിൽ ചോദ്യം ചെയ്തതോടെയാണ് പീഡിപ്പിക്കപ്പെട്ട വിവരം പുറത്തറിയുന്നത്.

സിയാദ് പെൺകുട്ടിയെ പ്രലോഭിപ്പിച്ച് ബൈക്കി കയറ്റിയ ശേഷം അരിമ്പ്ര- ചുഴലി റോഡിലെ ആളൊഴിഞ്ഞ ഷെഡിലെത്തിച്ച ശേഷം മുഹമ്മദിനെയും അബൂബക്കറിനെയും ഇവിടേക്ക് വിളിച്ചുവരുത്തുകയായിരുന്നു. ഇവിടെ വെച്ച് മൂന്നുപേരും ചേർന്ന് പെൺകുട്ടിയെ പീഡിപ്പിക്കുകയായിരുന്നു. നേരത്തെ പീഡനക്കേസിലും ആടിനെ മോഷ്ടിച്ച കേസിലും പ്രതിയായിരുന്നു. അറസ്റ്റ് ചെയ്ത് തളിപ്പറമ്പ് ഹാജരാക്കിയ ശേഷം പ്രതികളെ റിമാൻഡ് ചെയ്തിട്ടുണ്ട്.