• search
കണ്ണൂര്‍ വാർത്തകൾക്ക്
നോട്ടിഫിക്കേഷൻ അനുവദിക്കൂ  

ഒറ്റക്കെട്ടായി കണ്ണൂര്‍; സമാനതകളില്ലാത്ത ദുരിതാശ്വാസ പ്രവര്‍ത്തനം

  • By desk

കണ്ണൂർ: കൈയിലെ കുഞ്ഞുസഞ്ചികളിലും പെട്ടികളിലും മുതല്‍ വലിയ വണ്ടികളില്‍ വരെ അവശ്യസാധനങ്ങളുമായി മനുഷ്യസ്നേഹികള്‍ ഇടതടവില്ലാതെ എത്തുകയാണ് കണ്ണൂര്‍ കലക്ടറേറ്റില്‍. കലക്ടറേറ്റ് ഓഡിറ്റോറിയത്തിലാകട്ടെ ഞായറിന്റെ ആലസ്യമില്ലാതെ ഉദ്യോഗസ്ഥരും വളണ്ടിയര്‍മാരും വിദ്യാര്‍ഥികളുമടക്കം സാധനങ്ങള്‍ തരംതിരിച്ച് പായ്ക്കറ്റുകളിലാക്കുന്ന തിരക്കിലും. കേരളം നേരിട്ട സമാനതകളില്ലാത്ത ദുരന്തത്തെ നേരിടാന്‍ സമാനതകളില്ലാത്ത ദുരിതാശ്വാസ പ്രവര്‍ത്തനത്തിനാണ് നാട് സാക്ഷ്യം വഹിക്കുന്നത്.

കേരളത്തെ സഹായിച്ചവര്‍ക്ക് നന്ദിയറിയിച്ച് മുഖ്യമന്ത്രി.... ജനജീവിതം സാധാരണഗതിയിലാക്കാന്‍ മുന്‍ഗണന

കലക്ടറേറ്റിലേക്ക് ഓരോരുത്തര്‍ കൊണ്ടുവന്ന ഭക്ഷ്യവസ്തുക്കളും മറ്റും തലയിലേറ്റിയും ചുമന്നും വലിപ്പച്ചെറുപ്പമില്ലാതെ എല്ലാവരും ഒറ്റ മനസ്സായി ഓഡിറ്റോറിയത്തിലെത്തിക്കുന്നു. ഓഡിറ്റോറിയത്തിന്റെ പല മൂലകളിലായി ഓരോ ഗ്രൂപ്പുകളായി ഇരുന്ന് ഇവ തരംതിരിച്ച് പാക്ക് ചെയ്യുന്നു. പാക്ക് ചെയതവ കയറ്റി അയക്കാനായി താഴേക്ക് വീണ്ടും കൊണ്ടുപോവുന്നു. ഒറ്റക്കെട്ടായി കേരളത്തിന്റെ നോവുന്ന മനസ്സിന്റെ മുറിവുണക്കാനായി പ്രയത്നിക്കുകയാണ് ഇവിടെ.

പലവിധ സാധനങ്ങള്‍ ഓരോ വ്യക്തികളും കൂട്ടായ്മകളും സംഘടനകളും അവരുടെ കഴിവിനനുസരിച്ച് എത്തിക്കുന്നു. ഇത് സ്വീകരിക്കുന്നതിനായി കലക്ടറേറ്റില്‍ ഹെല്‍പ്ഡെസ്‌ക് സംവിധാനം ഒരുക്കിയിട്ടുണ്ട്. ഇത് 24 മണിക്കൂറും പ്രവര്‍ത്തിക്കുന്നു.

ഞായറാഴ്ച നാല് ട്രക്ക് ഭക്ഷ്യവസ്തുക്കളും മറ്റും എറണാകുളം ജില്ലയിലേക്ക് കയറ്റിയയച്ചു. ഇതില്‍ ഒരു ലോഡ് കുപ്പിവെള്ളവും ബിസ്‌ക്കറ്റുമാണ്. 20,000 പാക്കറ്റ് ചപ്പാത്തിയും ഞായറാഴ്ച അയച്ചതിലുണ്ട്. ആവശ്യങ്ങള്‍ക്കനുസരിച്ച് കയറ്റിയക്കാനായി സാധനങ്ങള്‍ പാക്ക് ചെയ്യുന്നത് നിരന്തരം നടക്കുന്നു.

ശനിയാഴ്ച തൃശൂരിലേക്ക് അഞ്ച് ട്രക്കും വയനാടിലേക്ക് ഒരു ട്രക്കും സാധനങ്ങള്‍ കയറ്റി അയച്ചു. ബുധന്‍, വ്യാഴം, വെള്ളി ദിവസങ്ങളിലും വയനാട്ടിലേക്ക് നാല് ട്രക്കില്‍ ഭക്ഷ്യവസ്തുക്കളും മറ്റും അയച്ചിരുന്നു. പ്രളയബാധിത പ്രദേശങ്ങള്‍ കുടുങ്ങിക്കിടക്കുവര്‍ക്ക് താല്‍ക്കാലികാശ്വാസം നല്‍കുന്നതിനായി 2000 കിറ്റുകള്‍ തയ്യാറാക്കി അയച്ചിട്ടുണ്ട്. വെള്ളം, റൊട്ടി, ബിസ്‌ക്കറ്റ്, ഗ്ലൂക്കോസ് പൊടി എന്നിവയടങ്ങുന്ന കിറ്റുകളാണ് പ്രത്യേകമായി തയ്യാറാക്കി അയച്ചത്. ഡെപ്യൂട്ടി കലക്ടര്‍ സി എം ഗോപിനാഥന്റെ നേതൃത്വത്തിലാണ് സാധന സാമഗ്രികള്‍ സ്വീകരിക്കുന്നതും കയറ്റിയയക്കുന്നതും.

കൂടുതൽ കണ്ണൂര്‍ വാർത്തകൾView All

മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങൾക്കും സംഭാവന നൽകാം. ഇതാണ് സംഭാവനകൾ അയക്കാനുള്ള വിവരം.

Name of Donee: CMDRF
Account number : 67319948232
Bank: State Bank of India
Branch: City branch, Thiruvananthapuram
IFSC Code: SBIN0070028
Swift Code: SBININBBT08

English summary
Truck loads of relief materials collected at Kannur

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more