കണ്ണൂരിൽ രണ്ടിടങ്ങളിൽ അഞ്ജാത മൃതദേഹങ്ങൾ കണ്ടെത്തി: വനത്തിൽ കണ്ടെത്തിയത് സ്ത്രീ വേഷം ധരിച്ച നിലയിൽ!!

ക​ണ്ണൂ​ർ: കണ്ണൂർ ജില്ലയിലെ രണ്ടിടങ്ങളിൽ നിന്നായി സ്ത്രീയുടെയും പുരുഷന്റെയും അഞ്ജാത മൃതദേഹങ്ങൾ കണ്ടെത്തി. കണ്ണൂർ നഗരത്തിനടുത്തെ ചിറക്കലും പയ്യാവൂർ കുന്നത്തൂർ പാടിക്കടുത്തെ വനത്തിലുമാണ് മൃതദേഹങ്ങൾ കണ്ടെത്തിയത്. ഇതിൽ പയ്യാവൂരിലെ മൃതദേഹം സാരിപുതച്ച പുരുഷന്റെതാണ്. ഈ കാര്യത്തിൽ ദുരൂഹതയുണ്ടെന്നാണ് പോലീസ് പറയുന്നത്.

ചിറക്കൽ റെ​യി​ൽ​വേ സ്റ്റേ​ഷ​ന് സ​മീ​പമാണ് കഴിഞ്ഞ ദിവസംഅ​ജ്ഞാ​ത യു​വ​തി​യു​ടെ മൃ​ത​ദേ​ഹം ക​ണ്ടെ​ത്തി​യത്. വള​പ​ട്ട​ണം സി​ഐ എം ​കൃ​ഷ്ണ​ന്‍റെ നേ​തൃ​ത്വ​ത്തി​ലാ​ണ് പോലീസ് അന്വേഷണം നടത്തുന്നത് ഇവർ ട്രെ​യി​നി​ൽ നി​ന്നും വീ​ണ് മ​രി​ച്ച​ത​ല്ലെ​ന്ന നി​ഗ​മ​ന​ത്തി​ലാ​ണ് പോ​ലീ​സ്. ക​ണ്ണൂ​ർ ഗ​വ.​മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ യു​വ​തി​ യു​ടെ മൃ​ത​ദേ​ഹം പോ​സ്റ്റു​മോ​ർ​ട്ടം ചെ​യ്തിട്ടുണ്ടെങ്കിലും റി​പ്പോ​ർ​ട്ട് പോ​ലീ​സ് സ​ർ​ജ​ൻ ഇതുവരെ പു​റ​ത്തു​വി​ട്ടി​ട്ടി​ല്ല. സം​ഭ​വ​സ്ഥ​ലം നേ​രി​ട്ട് കാ​ണ​ണ​മെ​ന്ന് സ​ർ​ജ​ൻ അ​റി​യ​ച്ച​തി​നെ തു​ട​ർ​ന്നാ​ണ്.

കഴിഞ്ഞ ദിവസം വൈകു​ന്നേ​രം പോ​ലീ​സ് സ​ർ​ജ​ൻ സം​ഭ​വ​സ്ഥ​ല​ത്തെ​ത്തി നേ​രി​ട്ട് പ​രി​ശോ​ധ​ന ന​ട​ത്തി. മ​ര​ണം സം​ഭ​വി​ക്കു​മ്പോൾ വെ​ള്ളം കു​ടി​ച്ച​താ​യി പോ​സ്റ്റു​മോ​ർ​ട്ടം റി​പ്പോ​ർ​ട്ടി​ൽ സൂ​ച​ന​യു​ണ്ട്. മൃ​ത​ദേ​ഹം ക​ണ്ടെ​ത്തി​യ​ത് ഒ​ഴു​ക്കു​ള്ള ഓ​വു​ചാ​ലി​ൽ നി​ന്നാ​ണ്. ബ​ലം പ്ര​യോ​ഗി​ച്ച് വെ​ള്ളം കു​ടി​പ്പി​ച്ച​താ​ണോ എ​ന്നും സം​ശ​യ​മു​ണ്ട്. മു​ഖം തി​രി​ച്ച​റി​യാ​ൻ സാ​ധി​ക്കാ​ത്ത വി​ധ​ത്തി​ൽ അ​ഴു​കി​യ നി​ല​യി​ലാ​ണ്. അ​തി​നാ​ൽ യു​വ​തി ധ​രി​ച്ച വ​സ്ത്ര​ങ്ങ​ളും ആ​ഭ​ര​ണ​ങ്ങ​ളും ഉ​പ​യോ​ഗി​ച്ചാ​ണ് തി​രി​ച്ച​റി​യാ​ൻ ശ്ര​മി​ക്കു​ന്ന​ത്.

ക​ഴി​ഞ്ഞ​ദി​വ​സം ഉ​ച്ച​ക​ഴി​ഞ്ഞ് 3.30 ഓ​ടെ​യാ​ണ് ചി​റ​ക്ക​ൽ റെ​യി​ൽ​വേ സ്റ്റേ​ഷ​ന് സ​മീ​പം വ​ട​ക്ക് ഭാ​ഗ​ത്ത് 200 മീ​റ്റ​ർ അ​ക​ല​ത്തി​ലാ​യി ഓ​വു​ചാ​ലി​ൽ മൃ​ത​ദേ​ഹം ക​ണ്ടെ​ത്തി​യ​ത്. മറ്റൊരു സംഭവത്തിൽ കു​ന്ന​ത്തൂ​ർ​പാ​ടി മു​ത്ത​പ്പ​ൻ ആ​രൂ​ഡ​ത്തി​ന് സ​മീ​പം വ​ന​ത്തി​ൽ നി​ന്ന് സ്ത്രീ ​വേ​ഷ​ത്തി​ൽ ക​ണ്ടെ​ത്തി​യ അ​ജ്ഞാ​ത മൃ​ത​ദേ​ഹം പിന്നീട് പു​രു​ഷ​ന്‍റേ​തെ​ന്ന് വ്യ​ക്ത​മാ​വുകയായിരുന്നു. പ​രി​യാ​രം മെ​ഡി​ക്ക​ൽ കോ​ള​ജി​ൽ ന​ട​ത്തി​യ പോ​സ്റ്റ്മോ​ർ​ട്ടം റി​പ്പോ​ർ​ട്ട് ഫോ​റ​ൻ​സി​ക് സ​ർ​ജ​ൻ പി. ​ഗോ​പാ​ല​കൃ​ഷ്ണ​പ്പി​ള്ള പ​യ്യാ​വൂ​ർ പോ​ലീ​സി​ന് കൈ​മാ​റി. 34 വ​യ​സ് ക​ണ​ക്കാ​ക്കു​ന്ന മൃ​ത​ദേ​ഹ​ത്തി​ന് മൂ​ന്ന് മാ​സ​ത്തോ​ളം പ​ഴ​ക്ക​മു​ണ്ട്.

മൃ​ത​ദേ​ഹ​ത്തി​ന് സ​മീ​പ​ത്ത് നി​ന്ന് വി​ഷ​ക്കു​പ്പി ക​ണ്ടെ​ത്തി​യി​രു​ന്നെ​ങ്കി​ലും മ​ര​ണ​കാ​ര​ണം വ്യ​ക്ത​മാ​യി​ട്ടി​ല്ല. ഇ​തേ​ത്തു​ട​ർ​ന്ന് കൂ​ടു​ത​ൽ പ​രി​ശോ​ധ​ന​യ്ക്കാ​യി ആ​ന്ത​രി​കാ​വ​യ​വ​ങ്ങ​ൾ കോ​ഴി​ക്കോ​ട് കെ​മി​ക്ക​ൽ ലാ​ബി​ലേ​ക്ക് അ​യ​ച്ചു. അ​തേ സ​മ​യം മൃ​ത​ദേ​ഹം മ​ല​പ്പ​ട്ടം സ്വ​ദേ​ശി​യു​ടേ​താ​ണെ​ന്നാ​ണ് പോ​ലീ​സ് ന​ൽ​കു​ന്ന സൂ​ച​ന. എ​ന്നാ​ൽ ഇ​ക്കാ​ര്യവും സ്ഥി​രീ​ക​രി​ച്ചി​ട്ടി​ല്ല.

ബ​ന്ധു​ക്ക​ൾ മൃ​ത​ദേ​ഹം പ​രി​ശോ​ധി​ച്ചെ​ങ്കി​ലും പൂ​ർ​ണ​മാ​യും അ​ഴു​കി​യ​തി​നാ​ൽ തി​രി​ച്ച​റി​യാ​ൻ ക​ഴി​ഞ്ഞി​ല്ല. ഇ​തോ​ടെ ഡി​എ​ൻ​എ പ​രി​ശോ​ധ​ന​യി​ലൂ​ടെ ആ​ളെ തി​രി​ച്ച​റി​യാ​നു​ള്ള ശ്ര​മ​ത്തി​ലാ​ണ് പോ​ലീ​സ്. ഇ​തി​നാ​യി മ​ല​പ്പ​ട്ടം സ്വ​ദേ​ശി​യു​ടെ ഡി​എ​ൻ​എ അ​ടു​ത്ത ദി​വ​സം ശേ​ഖ​രി​ക്കും. മൃ​ത​ദേ​ഹ​ത്തി​ന് സ​മീ​പ​ത്ത് നി​ന്ന് ര​ണ്ട് മൊ​ബൈ​ൽ ഫോ​ണു​ക​ളും സിം ​കാ​ർ​ഡു​ക​ളും ക​ണ്ടെ​ത്തി​യി​ട്ടു​ണ്ട്. ഇ​തോ​ടെ സൈ​ബ​ർ സെ​ൽ​വ​ഴി സിം ​ഉ​ട​മ​യെ ക​ണ്ടെ​ത്താ​നും പോ​ലീ​സ് ശ്ര​മി​ക്കു​ന്നു​ണ്ട്. പ​യ്യാ​വൂ​ർ എ​സ്ഐ പി​സി ര​മേ​ശ​ന്‍റെ നേ​തൃ​ത്വ​ത്തി​ലാ​ണ് കേ​സ് അ​ന്വേ​ഷി​ക്കു​ന്ന​ത്. ശ​നി​യാ​ഴ്ച്ച ഉ​ച്ച​യ്ക്കാ​ണ് വ​ന​ത്തി​നു​ള്ളി​ൽ വി​റ​ക് ശേ​ഖ​രി​ക്കാ​ൻ പോ​യ നാ​ട്ടു​കാ​ർ മൃ​ത​ദേ​ഹം ക​ണ്ട​ത്. സാ​രി​യും ബ്ലൗ​സും അണിഞ്ഞ വേ​ഷ​ത്തി​ലാ​യി​രു​ന്നു മൃ​ത​ദേ​ഹം.

English summary

Two deadbodies found from Kannur