വളപട്ടണത്തെ കവര്ച്ച: പ്രതികളെ തേടി പൊലിസ് ഇതരസംസ്ഥാനങ്ങളിലേക്ക് അന്വേഷണമാരംഭിച്ചു
വളപട്ടണം: വളപട്ടണം പൊലിസ് സ്റ്റേഷന് പരിധിയിലെ മന്നയില് വ്യാപാരിയുടെ വീട്ടില് നിന്ന് ഒരുകോടി രൂപയും 300 പവന് സ്വര്ണ-വജ്രാഭരണങ്ങളും മോഷണം പോയ കേസില് പ്രതികളെ തപ്പി പ്രത്യേക അന്വേഷണ സംഘം ഇതരസംസ്ഥാനങ്ങളിലേക്കും അന്വേഷണം. വളപട്ടണം റെയില്വെ സ്റ്റേഷനില് നിന്നും പ്രതികള് തൊട്ടടുത്ത കര്ണാടകയിലെ മംഗളൂരിലേക്ക് പോയിട്ടുണ്ടാകാമെന്നാണ് പൊലിസ് നിഗമനം. ഇതുവഴി ആന്ധ്രാപ്രദേശ്, മഹാരാഷ്ട്ര, യുപി എന്നിവടങ്ങളിലേക്കും കടക്കാനും സാധ്യതയുണ്ട്.
മോഷണവിവരം വൈകിയറിഞ്ഞതും വളപട്ടണം റെയില്വെ സ്റ്റേഷനില് സിസിടിവി ക്യാമറകള് ഇല്ലാത്തതും അന്വേഷണത്തെ പ്രതികൂലമായി ബാധിച്ചിട്ടുണ്ട്. കണ്ണൂരിലെയും തൊട്ടടുത്ത ഇതരസംസ്ഥാനങ്ങളിലെയും റെയില്വെ സ്റ്റേഷനുകളിലെ സിസിസിടിവി ക്യാമറകള് പൊലിസ് പരിശോധിച്ചുവരികയാണ്. കൂടാതെ നവംബര് 19-മുതല് 21 വരെ മോഷണം നടന്ന അരിവ്യാപാരി അഷ്റഫിന്റെ വീടിന്റെ പരിസരത്തെ ഫോണ് കോളുകളും പരിശോധിക്കുന്നുണ്ട്.
നിലവില് വീട്ടില് കവര്ച്ച നടത്തിയ മുഖംമൂടി സംഘത്തിന്റെ സിസിടിവി ദൃശ്യങ്ങളല്ലാതെ മറ്റു തുമ്പൊന്നും പൊലിസിന് ലഭിച്ചിട്ടില്ല. കവര്ച്ചയ്ക്ക് പിന്നില് അന്തര് സംസ്ഥാന പ്രൊഫഷനല് മോഷണ സംഘമാണെന്ന നിഗമനത്തിലാണ് പൊലിസ്. മോഷ്ടാവ് കവര്ച്ച നടത്തിയ വീട്ടില് രണ്ടുതവണയെത്തിയതായി പൊലിസിന് സിസിടിവി ദൃശ്യങ്ങളില് നിന്നുംവ്യക്തമായിട്ടുണ്ട്, കഴിഞ്ഞ ബുധനാഴ്ച്ച പുലര്ച്ചെ മൂന്നുമണിക്ക് മോഷ്ടാവ് വീട്ടില് പ്രവേശിച്ചിരുന്നു. അന്ന് ഓണ് ചെയ്ത ലൈറ്റ് ഓഫാക്കിയിരുന്നില്ല. തൊട്ടുപിറ്റേന്ന് വീട്ടില് നിന്നും ഒരു കെട്ടുമായി പ്രതി പുറത്തിറങ്ങുന്ന ദൃശ്യവും ലഭിച്ചിട്ടുണ്ട്. ഇതില് നിന്നാണ് മോഷ്ടാക്കള് രണ്ടുതവണ വീട്ടിലെത്തിയിരുന്നതായി പൊലിസ് സ്ഥിരീകരിച്ചത്. രണ്ടാമത്തെ തവണ ലൈറ്റ് ഓഫാക്കിയാണ് ഇറങ്ങിയത്. രണ്ടുതവണയും മുഖം മൂടിയും ധരിച്ചിരുന്നു. വീടിനകത്ത് കയറി അലമാരയില് നിന്ന് താക്കോലെടുത്താണ് പണവും ആഭരണങ്ങളും കവര്ന്നത്.
പൊളളാച്ചിയില് ഒരു സുഹൃത്തിന്റെ വിവാഹത്തിന് പോയി ഞായറാഴ്ച്ച മടങ്ങിവന്നപ്പോഴാണ് മോഷണവിവരം വീട്ടുകാര് അറിയുന്നത്. ഇതേ തുടര്ന്ന് പൊലിസില് വിവരമറിയിക്കുകയും വളപട്ടണം പൊലിസ് ഇന്സ്പെക്ടര് കെ.വി സുമേഷിന്റെ നേതൃത്വത്തില് അന്വേഷണം നടത്തുകയുമായിരുന്നു. കണ്ണൂര് എ.സി.പി ടി.കെ രത്നകുമാറിന്റെ നേതൃത്വത്തിലാണ് ഇപ്പോള് അന്വേഷണം ഏകോപിപ്പിക്കുന്നത്.
-
'ലോക ജനതയെ കൊന്ന് ഇസ്ലാമിക ശരീഅത് നടപ്പാക്കാനായിരുന്നു ഇറാൻ്റെ ലക്ഷ്യം,യുഎസും ഇസ്രായേലും ചെയ്തതിൽ തെറ്റില്ല' -
സാധാരണക്കാരന്റെ ബജറ്റിൽ ഐഫോൺ; വിപണി പിടിക്കാൻ 17e എത്തി -
ഹിസ്ബുള്ളയെ വേരോടെ പിഴുതെറിയാൻ ഇസ്രയേൽ; ലബനനിൽ കരയുദ്ധം ആരംഭിച്ചു -
ഇറാനിലെ ട്രാഫിക് ക്യാമറകൾ ഇസ്രായേലിന്റെ കയ്യിൽ! ആയത്തുള്ള ഖാംനഇയെ വധിച്ചത് ഇങ്ങനെ -
സൗദി അറേബ്യയിൽ നിന്നും യുഎഇയിലും നിന്നും ക്രൂഡ് ഓയിൽ വരില്ല?; ഇന്ത്യ പെടും..പെട്രോൾ വില കത്തികയറും? -
ജിദ്ദയില്നിന്ന് 10 സര്വീസുകളുമായി ഇന്ഡിഗോ: സര്വീസുകള് ഭാഗികമായി ആരംഭിച്ചു: മുന്ഗണന ഇവര്ക്ക് -
ഇന്ന് ബ്ലെഡ് മൂണ്, 2026 ലെ ആദ്യ പൂർണ ചന്ദ്രഗ്രഹണം; എപ്പോൾ കാണാം? വിശദമായി അറിയാം -
സ്വർണ വില വൈകീട്ട് വീണ്ടും കുറഞ്ഞു; ഇന്ന് വിലയിടിഞ്ഞത് രണ്ട് തവണ..80,000ത്തിലേക്കെങ്കിലും കുറയാതെ എങ്ങനെ? -
ഹോളി ആഘോഷത്തിനിടെ പശുവിനെ മദ്യം കുടിപ്പിച്ച് യുവാക്കൾ; ഞെട്ടിക്കുന്ന വീഡിയോ -
'മോഹൻലാലിന് പട്ടാളത്തിൽ നിന്നും അഞ്ച് പൈസയുടെ ഗുണമില്ല, കള്ള് കുപ്പി പോലും കിട്ടില്ല';മേജർ രവി -
യേശുദാസ് കഴിഞ്ഞ ജൻമത്തിൽ പൂജാരി, ലെന സന്യാസി..ഏഴരശനിയുടെ കാലത്ത് വിവാഹം';ആലപ്പി അഷ്റഫ് പറയുന്നു -
മുൻ കേന്ദ്രമന്ത്രി കെ പി ഉണ്ണികൃഷ്ണൻ അന്തരിച്ചു; ഓർമ്മയായത് രാഷ്ട്രീയ കേരളത്തിന്റെ കരുത്തുറ്റ ശബ്ദം
Click it and Unblock the Notifications
Sign in with Google