വിനീത് ശ്രീനിവാസൻ പാടി അഭിനയിക്കുന്ന കണ്ണൂരിന്റെ തീം സോങ് വരുന്നു
കണ്ണൂർ: മലബാറിന്റെ മലയും പുഴയും മനസ്സും കവര്ന്ന് മലബാര് റിവര് ക്രൂസ് ടൂറിസത്തിന്റെ തീം വിഡിയോ സോങ്. ചിത്രീകരണം അന്തിമ ഘട്ടത്തിലെത്തിയ പ്രമേയ ഗാനത്തില് കണ്ണൂരിന്റെ പച്ചപ്പ് മുഴുവന് ഒപ്പിയെടുക്കുന്ന ഏരിയല് ഷോട്ടുകളാണു ഹൈലൈറ്റ്. കണ്ണൂരിന്റെ അഭിമാനമായ കൈതപ്രം ദാമോദരന് നമ്പൂതിരിയും വിനീത് ശ്രീനിവാസനും നടന് വിനീതും മുന് ക്രിക്കറ്റര് ജെ.കെ മഹേന്ദ്രയുമെല്ലാം കണ്ണൂരിനു വേണ്ടി കൈകോര്ക്കുകയാണ് ഈ ഗാനത്തിലൂടെ.
കുടുംബത്തില് 2 സഹായികളെന്ന് ജോളി; സയനൈഡ് ഉപയോഗം ആ അറിയാവുന്നവര്, കൂടുതല് പേരെ ലക്ഷ്യമിട്ടു
മലബാറിലെ എട്ടു നദികളെ ബന്ധിപ്പിച്ചുകൊണ്ടുള്ള പ്രകൃതി സൗഹൃദ വിനോദസഞ്ചാര പദ്ധതിയായ മലനാട് മലബാര് റിവര് ക്രൂസ് ടൂറിസം പദ്ധതി കേന്ദ്ര-സംസ്ഥാന സര്ക്കാരുകള് ചേര്ന്നാണ് നടപ്പാക്കുന്നത്. കൈതപ്രം രചിച്ച് ഡോ. സി.വി രഞ്ജിത് സംവിധാനം ചെയ്ത ഗാനം വിനീത് ശ്രീനിവാസനാണ് പാടിയിരിക്കുന്നത്. മലനാട് പദ്ധതിയുടെ പ്രചാരകനായി ഗാന രംഗത്തില് വിനീത് ശ്രീനിവാസന് പാടിയഭിനയിക്കുകയും ചെയ്യുന്നു.
കൈതപ്രം, മട്ടന്നൂര് ശങ്കരന്കുട്ടി മാരാര്, സംവിധായകന് സലിം അഹമ്മദ്, ജെ.കെ മഹേന്ദ്ര, നടന്മാരായ വിനീത്, സന്തോഷ് കീഴാറ്റൂര് എന്നിവരും ഗാന രംഗത്തുണ്ട്. കണ്ണൂര് വിമാനത്താവളം വഴിയെത്തുന്ന വിദേശ വിനോദസഞ്ചാരികള് കണ്ണൂരിന്റെ മനോഹാരിതയും സംസ്കാരവും മലബാര് റിവര് ക്രൂസ് ടൂറിസം പദ്ധതിയുടെ ഭാഗമായി കണ്ടാസ്വദിക്കുന്നതാണ് പ്രമേയം. ഒന്നര വര്ഷമെടുത്താണ് ഗാനരംഗം ചിത്രീകരിച്ചതെന്നും അടുത്തമാസം തീം സോങ് ലോഞ്ച് ചെയ്യുമെന്നും ടൂറിസം പദ്ധതി രൂപകല്പന ചെയ്ത ആര്ക്കിടെക്റ്റ് ടി.വി മധുകുമാര് പറഞ്ഞു. 6 മിനിറ്റ് ദൈര്ഘ്യമുള്ള വീഡിയോയുടെ സംവിധാനവും ഡോ. സി.വി രഞ്ജിത്താണ് നിര്വഹിച്ചിരിക്കുന്നത്.