അഴിമതി തടയാന്‍ കണ്ണൂരില്‍ മൊബൈല്‍ ആപ്പ്, വി ആര്‍ കണ്ണൂര്‍ ആപ്പില്‍ അഴിമതി അലര്‍ട്ട്

കണ്ണൂര്‍: കണ്ണൂരില്‍ അഴിമതി തടയാന്‍ വിആര്‍ കണ്ണൂര്‍ ആപ്പില്‍ അഴിമതി അലര്‍ട്ട് സംവിധാനവും. അഴിമതി വിവരങ്ങള്‍ കലക്ടറെ നേരിട്ട് അറിയിക്കാവുന്ന വിധത്തിലാണ് ഈ ഓണ്‍ലൈന്‍ ആപ്പ്. ഇ ഗവേണന്‍സ് സുഗമമാക്കാന്‍ ജില്ലാ ഭരണകൂടം നടപ്പിലാക്കിയ ആപ്പില്‍ അഴിമതി അലര്‍ട്ട് ഇന്ന് മുതല്‍ ആരംഭിക്കും.

ജില്ലയില്‍ പ്രവര്‍ത്തിക്കുന്ന ഏത് സര്‍ക്കാര്‍ സ്ഥാപനവുമായി ബന്ധപ്പെട്ട പരാതികള്‍ വി ആര്‍ കണ്ണൂര്‍ ആപ്പില്‍ നല്‍കാം. ഇതില്‍ അയയ്ക്കുന്ന ആളുകളുടെ വിവരങ്ങള്‍ കലക്ടര്‍ക്ക് മാത്രമേ അറിയാന്‍ സാധിക്കു. അതിനാല്‍ ജനങ്ങള്‍ക്ക് അഴിമതി വിവരങ്ങള്‍ മടികൂടാതെ പങ്കുവയ്ക്കാം. കൂടാതെ ജനങ്ങള്‍ക്ക് സര്‍ക്കാര്‍ ഓഫീസുകളുടെ പ്രവര്‍ത്തനത്തെ കുറിച്ച് അഭിപ്രായം രേഖപ്പെടുത്താനുള്ള റേറ്റ് ആന്റ് റിവ്യു യും ഇതില്‍ ഏര്‍പ്പെടുത്തിയിട്ടുണ്ട്.

നാഷണല്‍ ഇന്‍ഫര്‍മാറ്റിക്‌സ് സെന്ററാണ് വിആര്‍ കണ്ണൂര്‍ ആപ്പ് തയ്യാറക്കിയിരിക്കുന്നത്. കണ്ണൂരിലെ മാതൃകയില്‍ എല്ലാ ജില്ലയിലേക്കും ഇത് വ്യാപിപ്പിക്കാന്‍ ശ്രമം നടക്കുന്നുണ്ട്. കണ്ണൂരിലെ മാതൃക വന്‍വിജയമാണെന്നാണ് ജില്ലാ ഭരണകൂടം പറയുന്നത്. ജില്ലയിയെ ഏത് ഓഫീസില്‍ എന്ത് സേവനങ്ങള്‍ ലഭ്യമാകണെമെന്ന വിവരങ്ങളും ആപ്പിലൂട ലഭ്യമാകുന്നുണ്ട്.

English summary

We are kannur mobile application is adding an additional feature for finding corruption among government offices