വനിതാ ലീഗ് പ്രവര്ത്തകരുടെ ആഹ്ലാദപ്രകടനത്തിന് വിലക്കേര്പ്പെടുത്തിയിട്ടില്ല: ഷാഹുല് ഹമീദ്
പാനൂര്: വടകര പാര്ലമെന്റ് മണ്ഡലത്തില് യുഡിഎഫ് സ്ഥാനാര്ത്ഥിയായി വിജയിച്ച ഷാഫി പറമ്പിലിന്റെ പാനൂരിലെ സ്വീകരണ പരിപാടിയില് വനിതാ ലീഗ് പ്രവര്ത്തകര്ക്ക് വിലക്ക് ഏര്പ്പെടുത്തിയെന്ന ഓഡിയോ സന്ദേശം പുറത്തായതിന് പിന്നാലെ വിശദീകരണവുമായി മുസ്ലീം ലീഗ് കൂത്തുപറമ്പ് മണ്ഡലം ജനറല് സെക്രട്ടറി പികെ ഷാഹുല് ഹമീദ് രംഗത്ത്. അടുക്കും ചിട്ടയുമുള്ള ആഘോഷം മതിയെന്നാണ് ശബ്ദ സന്ദേശത്തിലൂടെ താന് ഉദ്ദേശിച്ചത്.
തന്റെ സന്ദേശം തെറ്റിദ്ധരിപ്പിക്കും വിധം പ്രചരിപ്പിക്കുകയായിരുന്നെന്നും ഷാഹുല് പറഞ്ഞു. വനിതാ ലീഗ് പ്രവര്ത്തകര് അഭിവാദ്യം അര്പ്പിച്ചാല് മാത്രം മതി. ആവേശതിമിര്പ്പിന് മതപരമായ നിയന്ത്രണം അനുവദിക്കുന്നില്ല. വനിതാ പ്രവര്ത്തകര് ആക്ഷേപം വരാതെ ജാഗ്രത പുലര്ത്തണം. മറ്റ് രാഷ്ട്രീയ പാര്ട്ടിയിലെ വനിതകള് കാണിക്കുന്ന ആവേശം നമുക്ക് പാടില്ലെന്നായിരുന്നു ഷാഹുല് ഹമീദിന്റെ വാട്സാപ്പ് ഗ്രൂപ്പുകളിലൂടെയുളള നിര്ദ്ദേശം.
വോട്ടെണ്ണല് ദിവസം ഷാഫി പറമ്പില് വിജയിച്ചതിനെ തുടര്ന്ന് പാനൂരില് വനിതാ ലീഗ് പ്രവര്ത്തകര് നൃത്തം ചെയ്ത് ആഘോഷിച്ചിരുന്നു. ഇതിന്റെ ദൃശ്യങ്ങള് സോഷ്യല് മീഡിയയില് പ്രചരിച്ചതിന് പിന്നാലെയാണ് വിവാദ നിര്ദേശവുമായി മുസ്ലിം ലീഗ് പ്രാദേശിക നേതൃത്വം രംഗത്തുവന്നത്. എന്നാല് സംഭവം സോഷ്യല് മീഡിയയില് വിവാദമായതിനെ തുടര്ന്നാണ് ലീഗ് നേതൃത്വത്തിന്റെ പിന്മാറ്റം.
മുസ്ലിം ലീഗ് വനിതാ പ്രവര്ത്തകരുടെ ആഹ്ളാദപ്രകടനത്തിന് വിലക്ക് ഏര്പ്പെടുത്തിയെതിനെ നിരവധി പേര് വിമര്ശനുവുമായി രംഗത്തുവന്നിരുന്നു. ഇതു രാഷ്ട്രീയ വിവാദമായതിനെ തുടര്ന്നാണ് വിശദീകരണവുമായി പാനൂരിലെ പ്രാദേശിക നേതൃത്വം തന്നെ രംഗത്തുവന്നതെന്നാണ് സൂചന. നേരത്തെ തെരഞ്ഞെടുപ്പുകാലത്ത് സോഷ്യല്മീഡിയയിലൂടെ ഇരുമുന്നണികളും ചേരിപ്പോര് നടത്തിയതിന്റെ അലയൊലികള് സംഘര്ഷാവസ്ഥ സൃഷ്ടിച്ചിരുന്നു.
ഇതിനു ശേഷമാണ് മറ്റൊരുവിവാദം കൂടിയുണ്ടാവുന്നത്. സംഭവത്തില് മുസ്ലിം ലീഗ് ജില്ലാ നേതൃത്വം ഇടപെട്ടതിനെ തുടര്ന്നാണ് വിവാദ പ്രസ്താവന തിരുത്താന് മുസ്ലിം ലീഗ് പ്രാദേശിക നേതൃത്വം തയ്യാറായത്.
-
'അതൊരു തീക്കളിയാണ്, അങ്ങനെയായിരുന്നെങ്കിൽ ഞാൻ കാവ്യയെ വിവാഹം കഴിക്കില്ലാർന്നു';ദിലീപ് -
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ?
Click it and Unblock the Notifications
Sign in with Google