പൊള്ളലേറ്റ രജീഷും മരണത്തിന് കീഴടങ്ങി ,ദക്ഷതേജും സൂര്യതേജും തനിച്ചായി
തലശേരി: പാനൂര് പത്തായക്കുന്നില് സഹോദരന് തീ കൊളുത്തിയതിനെ തുടര്ന്ന് കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ച യുവാവ് മരിച്ചു. പത്തായക്കുന്നിലെ ശ്രീനാരായണത്തില് രജീഷ് (43) ആണ് മരിച്ചത്. ഭാര്യയെ രക്ഷപ്പെടുത്താനുള്ള ശ്രമത്തിനിടെ ശരീരത്തില് അന്പത് ശതമാനത്തോളം പൊള്ളലേറ്റ രജീഷ് (43) ഗുരുതരാവസ്ഥയില് മെഡിക്കല് കോളേജില് ചികിത്സയിലായിരുന്നു.
സുബിനയെ പൊള്ളലേല്പ്പിച്ച ശേഷം മുറിയില് കയറി തൂങ്ങിയ രജീഷിന്റെ ജേഷ്ഠന് രഞ്ജിത്ത്( 47) ആശുപത്രിയില് കൊണ്ടുപോകുന്നതിനിടെ മരിച്ചിരുന്നു. സഹോദരന്റെ ക്രൂരതയില് മക്കള്ക്ക് അമ്മ മാസങ്ങള്ക്ക് മുമ്പ് നഷ്ടപ്പെട്ടു. ഇന്നലെ അച്ഛനുമില്ലാതായി.
പത്തായക്കുന്ന് നൊച്ചോളി മടപ്പുര പരിസരത്ത് ശ്രീനാരായണത്തില് സഹോദരന് രഞ്ജിത്ത് കാട്ടിയ ക്രൂരതയില് അമ്മ നഷ്ടപ്പെട്ട മക്കളായ ദക്ഷതേജിനെയും, സൂര്യതേജിനേയും ഇന്നലെ ഉച്ഛക്ക് ശേഷം അച്ഛനും തനിച്ചാക്കി എന്നന്നേക്കുമായി പോയി. ഇതോടെ കുടുംബ കലഹം മൂന്നുപേരുടെ ജീവനെടുത്തു.
ജൂണ് 2ന് രാത്രി ഏഴു മണിയോടെ രജീഷും ഭാര്യ സുബിനയും മകന് ദക്ഷതേജും ഭക്ഷണം കഴിച്ചു കൊണ്ടിരിക്കെ ജേഷ്ഠന് രഞ്ജിത്ത് സുബിനയുടെ ശരീരത്തില് തിന്നര് തൂവി തീ കൊളുത്തുകയായിരുന്നു. ഉടന് തന്നെ രജീഷ് ഭാര്യ സുബിനയുടെ ശരീരത്തില് പടര്ന്നു പിടിച്ച തീയണക്കാന് ശ്രമിക്കുന്നതിനിടെ ശരീരത്തില് ഗുരുതരമായി പൊള്ളലേറ്റു.സമീപത്തുണ്ടായിരുന്ന മകന് ദക്ഷതേജിനും പൊള്ളലേറ്റു.
അമ്മ നളിനി അടുക്കളയില് ഭക്ഷണം പാചകം ചെയ്യുകയായിരുന്നു.ഗുരുതരമായി പൊള്ളലേറ്റ മൂന്നു പേരെയും നാട്ടുകാര് ആശുപത്രിയിലെത്തിച്ചു. ഉടന് രഞ്ജിത്തിനെ നാട്ടുകാര് പരതുന്നതിനിടെ വീട്ടിനകത്ത് തൂങ്ങിയ നിലയിലാണ് കണ്ടെത്തിയത്.പിറ്റെ ദിവസം രഞ്ജിത്തിന്റെ മൃതദേഹം ശ്മശാനത്തില് കൊണ്ടു പോകുന്നതിന് അല്പം മുമ്പാണ് സുബിനയുടെ മരണവാര്ത്ത ബന്ധുക്കളും നാട്ടുകാരും അറിഞ്ഞത്.
സുബിനയുടെ മൃതദേഹം താനക്കോട്ടൂരുള്ള വീട്ടുവളപ്പില് സംസ്കരിക്കുകയായിരുന്നു. ഗുരുതരമായിപൊള്ളലേറ്റ രജീഷും മകന് ദക്ഷതേജും ഒരു മാസത്തിലേറെയായി കോഴിക്കോട് മെഡിക്കല് കോളേജില്ചികിത്സയിലായിരുന്നു. ശനിയാഴ്ച്ച ഉച്ചക്ക് ശേഷമാണ് രജീഷ് മരണപ്പെട്ടത്.പരേതനായ തയ്യില് നാരായണന്റെയും നളിനിയുടെയും മകനാണ് രജീഷ്
Click it and Unblock the Notifications
Sign in with Google