കാസർഗോഡ് ഇന്ന് 6 പേർക്ക് രോഗം; മുഴുവൻ പേരും എത്തിയത് വിദേശത്ത് നിന്ന്
കാസർഗോഡ്; ജില്ലയില് ഇന്ന് ആറ് പേര്ക്ക് കൂടി കോവിഡ് 19 സ്ഥിരീകരിച്ചു.രോഗം സ്ഥിരീകരിച്ച എല്ലാവരും വിദേശത്ത് നിന്നെത്തിയവരാണെന്ന് ജില്ലാ മെഡിക്കല് ഓഫീസര് ഡോ എ വി രാംദാസ് അറിയിച്ചു. ഇന്ന് മൂന്ന് പേർക്കാണ് രോഗമുക്തി. രോഗികളുട വിവരങ്ങൾ ഇങ്ങനെ
ജൂണ് 13 ന് കുവൈത്തില് നിന്ന് വന്ന 35 വയസുള്ള പനത്തടി പഞ്ചായത്ത് സ്വദേശി, ജൂണ് 14 ന് കുവൈത്തില് നിന്നെത്തിയ 48 വയസുള്ള വലിയ പറമ്പ പഞ്ചായത്ത് സ്വദേശിനി, ജൂണ് 16 ന് ഷാര്ജയില് നിന്നു വന്ന 32 വയസുള്ള ഉദുമ പഞ്ചായത്ത് സ്വദേശി, 40 വയസുള്ള കാഞ്ഞങ്ങാട് നഗരസഭ സ്വദേശി, ജൂണ് 15 ന് ദുബായില് നിന്നു വന്ന 25 വയസുള്ള അജാനൂര് പഞ്ചായത്ത് സ്വദേശിനി, ജൂണ് 19 ന് ദുബായില് നിന്നു വന്ന 45 വയസുള്ള ചെമ്മനാട് പഞ്ചായത്ത് സ്വദേശി എന്നിവര്ക്കാണ് കോവിഡ് പോസിറ്റീവായത്.
Recommended Video
പരിയാരം മെഡിക്കല് കോളേജില് ചികിത്സയിലായിരുന്ന മൂന്നു പേര്ക്ക് ഇന്ന് (ജൂണ് 24) കോവിഡ് നെഗറ്റീവായി. കുവൈത്തില് നിന്നെത്തി ജൂണ് 16 ന് കോവിഡ് സ്ഥിരീകരിച്ച 34 വയസുള്ള കാഞ്ഞങ്ങാട് നഗരസഭാ സ്വദേശി, ദുബായില് നിന്നെത്തി ജൂണ് 17 ന് കോവിഡ് പോസിറ്റീവായ 26 വയസുള്ള കാഞ്ഞങ്ങാട് നഗരസഭാ സ്വദേശിനി, ഖത്തറില് നിന്നെത്തി ജൂണ് 16 ന് കോവിഡ് പോസറ്റീവായ 24 വയസുള്ള പടന്ന പഞ്ചായത്ത് സ്വദേശിനി എന്നിവര്ക്കാണ് കോവിഡ് നെഗറ്റീവായത്.
അതേസമയം സംസ്ഥാനത്ത് ഇന്ന് 152 പേർക്കാണ് കൊവിഡ് സ്ഥിരീകരിച്ചത്. രോഗം സ്ഥിരീകരിച്ചവരിൽ 98 പേർ വിദേശത്ത് നിന്ന് എത്തിയവരാണ്. 46 പേർ മറ്റ് സംസ്ഥാനങ്ങളിൽ നിന്ന് വന്നവരാണ്. 81 പേർ രോഗമുക്തി നേടി. 3603 പേർക്കാണ് സംസ്ഥാനത്ത് ഇതുവരെ രോഗം സ്ഥിരീകരിച്ചത്. സമ്പർക്കത്തിലൂടെ 8 പേർക്കാണ് രോഗം.
പത്തനംതിട്ട-25, കൊല്ലം-18, കണ്ണൂര്-17 പാലക്കാട്-16, തൃശ്ശൂര്-15, ആലപ്പുഴ-15, മലപ്പുറം-10, എറണാകുളം-8, കോട്ടയം-7, ഇടുക്കി-6. കാസര്കോട്-6, തിരുവനന്തപുരം-4, കോഴിക്കോട്-3, വയനാട്-2 എന്നിങ്ങനെയാണ് ജില്ല തിരിച്ചുള്ള കണക്കുകൾ. മറ്റ് സംസ്ഥാനങ്ങളിൽ നിന്ന് വന്നവരിൽ ഡല്ഹി-15, പശ്ചിമ ബെംഗാള്-12, മഹാരാഷ്ട്ര-5, തമിഴ്നാട്-5, കര്ണാടക-4, ആന്ധ്രപ്രദേശ്-3, ഗുജറാത്ത്-1 ഗോവ-1 പേർക്കാണ് രോഗം സ്ഥിരീകരിച്ചത്.
സൗദിയിൽ നിന്ന് വരുന്ന പ്രവാസികൾക്ക് പിപിഇ കിറ്റ് നിർബന്ധം; പ്രവാസികൾക്കുള്ള നിർദ്ദേശങ്ങൾ ഇങ്ങനെ