കൊറഗ വിഭാഗത്തിലെ ആദ്യ എംഫില് ബിരുദധാരി; ബിരുദത്തിന് രാഷ്ട്രപതിയുടെ വിരുന്ന് സല്ക്കാരം, ഇന്ന് ഈ യുവതി ജീവിക്കുന്നത് ബീഡി തെറുത്ത്
കാസര്കോട്: ആദിവാസി വിഭാഗമായ കൊറഗ വിഭാഗത്തില് നിന്നുള്ള ആദ്യ എംഫില് ബിരുദധാരിയുടെ ഉപജീവന മാര്ഗം ഇന്ന് ബീഡി തെറുപ്പ്. കാസര്കോട് ജില്ലയിലെ വോര്ക്കാടി സ്വദേശി മീനാക്ഷിക്കാണ് ഈ ദുരനുഭവം. ബീഡി തെറുപ്പ് പത്താം ക്ലാസ് മുതല് ആരംഭിച്ചതാണ്. ഇങ്ങനെ ബീഡി തെറുത്ത് കഷ്ടപ്പെട്ടാണ് ഉയര്ന്ന ബിരുദമെല്ലാം കരസ്ഥമാക്കിയതും. ലക്ഷ്യം ഉയര്ന്ന വിദ്യാഭ്യാസം മാനദണ്ഡമാകുന്ന ഒരു ജോലി നേടുക എന്നതും. എന്നാല് പഠനം പൂര്ത്തിയാക്കിയിട്ടും ബീഡി തെറുത്ത് ഉപജീവനം കണ്ടെത്തേണ്ടി വരികയാണ് സംവരണ വിഭാഗത്തില് നിന്നുള്ള ഈ യുവതി.
ജോലിയാവശ്യവുമായി ജില്ലാ കലക്ടര് അടക്കമുള്ളവരെ പോയി കണ്ട് സംസാരിച്ചിരുന്നു. എന്നാല് പി.എസ്.സി എഴുതിയെടുക്കുക തന്നെ വേണമെന്നാണ് അവരുടെ അഭിപ്രായം. മീനാക്ഷിയെപ്പോലുള്ളവര് മത്സരിക്കേണ്ടിവരിക മറ്റു ഗോത്രവിഭാഗങ്ങളില് നിന്നും വരുന്നവരോടാണ്. സാമൂഹികമായും സാമ്പത്തികമായും കൊറഗരെക്കാള് മെച്ചപ്പെട്ട അവസ്ഥയിലാണ് മറ്റെല്ലാ വിഭാഗങ്ങളും. കൊറഗ വിഭാഗത്തില്പ്പെട്ട രണ്ടു പേര് മാത്രമാണ് നിലവില് സര്ക്കാര് ജോലിയിലുള്ളത്.
ഒരാള് ക്ലറിക്കല് പോസ്റ്റിലാണ്, മറ്റൊരാള് എല്.പി സ്കൂളിലെ അധ്യാപകനും. കേരളത്തില് ഏഴോളം പഞ്ചായത്തുകളിലായി ആയിരത്തിനാന്നൂറില് താഴെ മാത്രം അംഗങ്ങളുള്ള പ്രാക്തനഗോത്രവിഭാഗമാണ് കൊറഗ വംശം. തങ്ങളുടെ വിഭാഗത്തില് ആരും സ്വപ്നംപോലും കാണാന് കഴിയാത്ത ബിരുദങ്ങള് മകള് ഓരോന്നായി നേടി മുന്നേറിയപ്പോള്, കൂലിപ്പണിക്കാരായ മീനാക്ഷിയുടെ മാതാപിതാക്കള് ശേഖരയും തുക്കുറുവും ഏറെ പ്രതീക്ഷയോടെയാണ് അത് നോക്കി കണ്ടിരുന്നത്.
കാസര്കോട് ഗവണ്മെന്റ് കോളേജില് നിന്നും കന്നഡയില് എം.എ നേടിയ ശേഷം, കണ്ണൂര് സര്വകലാശാലയില് നിന്നും എം.ഫില് നേടിയത് കൊറഗരുടെ ഭാഷയേയും സംസ്കാരത്തേയും കുറിച്ചു പഠിച്ചാണ്. പഠിച്ച വിഷയത്തില് ഗവേഷണം ചെയ്യാന് അതിയായ താല്പര്യമുണ്ടെങ്കിലും, തനിക്കിപ്പോള് ആവശ്യം ഒരു ജോലിയാണെന്ന് മീനാക്ഷി പറയുന്നു. പഠനകാലത്ത് ബി.എഡ് ഒരു വര്ഷത്തെ കോഴ്സായിരുന്നെങ്കിലും, പിന്നീട് തൊട്ടടുത്ത അധ്യയന വര്ഷം മുതല് രണ്ടു വര്ഷത്തെ കോഴ്സാക്കി മാറ്റിയിരുന്നു.
ഒരാള്ക്കു വേണ്ടി ഒരു പരീക്ഷ മാത്രം വീണ്ടും നടത്താനാകില്ലെന്നാണ് സര്വകലാശാലയുടെ പക്ഷം. ഇതോടെ അധ്യാപികയായി ജീവിക്കാനുള്ള വഴിയും അടഞ്ഞു. 2014 ല് എംഫില് പൂര്ത്തിയാക്കിയപ്പോള് അന്നത്തെ രാഷ്ട്രപതി പ്രണബ് മുഖര്ജി രാഷ്ട്രപതി ഭവനില് നടക്കുന്ന വിരുന്ന് സത്കാരത്തിനായ് മീനാക്ഷിയെ ക്ഷണിച്ചിരുന്നു. അപ്പോഴൊക്കെയും തനിക്കര്ഹിക്കുന്ന ജോലി ലഭിക്കുമെന്നായിരുന്നു മീനാക്ഷിയുടെ വലിയ പ്രതീക്ഷയുണ്ടായിരുന്നത്. മീനാക്ഷിയുടെ അവസ്ഥ ചൂണ്ടിക്കാട്ടി അധികൃതരുമായി ചര്ച്ച ചെയ്യാനുള്ള ഒരുക്കത്തിലാണ് സുഹൃത്തുകളും അധ്യാപകരുമടക്കമുള്ളവര്.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google