കാസർഗോഡ് വൻ കവർച്ച; എടിഎമ്മിൽ നിറയ്ക്കാനെത്തിച്ച 50 ലക്ഷം പട്ടാപ്പകൽ കവർന്നു
കാസർഗോഡ്: മഞ്ചേശ്വരം ഉപ്പളയിൽ സ്വകാര്യ ബാങ്കിന്റെ എ ടി എമ്മിൽ നിറയ്ക്കാൻ എത്തിച്ച 50 ലക്ഷം രൂപ കൊള്ളയടിച്ചു, ബുധനാഴ്ച ഉച്ചയോടെ ആണ് സംഭവം. ആക്സിസ് ബാങ്കിന്റെ എ ടി എമ്മിലേക്ക് പണവുമായി വന്ന വാഹനത്തിൽ നിന്നാണ് 50 ലക്ഷം രൂപയാണ് കവർന്നത്. സംഭവത്തിൽ പോലീസ് അന്വേഷണം ആരംഭിച്ചു.
ഉപ്പള ബസ് സ്റ്റാന്റിന്റെ മുൻവശത്തുള്ള എ ടി എമ്മിലേക്ക് നിറയ്ക്കാനാണ് സ്വകാര്യ ഏജൻസിയുടെ വാഹനത്തിൽ പണമെത്തിച്ചിരുന്നത്. വാഹനത്തിന്റെ ഏറ്റവും പിറകിലെ അറയിലാണ് പണം സൂക്ഷിച്ചിരുന്നത്. വാഹനം ഉപ്പളയിൽ എത്തിയപ്പോൾ ഇവിടെ നിറയ്ക്കാൻ 50 ലക്ഷം രൂപയുടെ രണ്ട് കെട്ടുകൾ ജീവനക്കാർ ഇതിൽ നിന്ന് വാഹനത്തിന്റെ മധ്യഭാഗത്തെ സീറ്റിൽ എടുത്തുവെച്ചു. തുടർന്ന് ആദ്യത്തെ 50 ലക്ഷം .
എ ടി എമ്മിൽ നിറയ്ക്കാനായി ജീവനക്കാർ വാഹനം ലോക്ക് ചെയ്ത് എ ടി എം കൗണ്ടറിലേക്ക് പോയി. ഈ സമയം വാഹനത്തിലെ സീറ്റിൽ വെച്ചിരുന്ന 50 ലക്ഷം രൂപയാണ് വാഹനത്തിന്റെ ചില്ല് തകർത്ത് മോഷ്ടാവ് കവർന്നത്. ചുവന്ന ടീ ഷർട്ട് ധരിച്ചെത്തിയ ആളാണ് വാഹനത്തിൽ നിന്ന് പണം കൊള്ളയടിച്ചതെന്നാണ് സൂചന. സംഭവത്തിന് ശേഷം ഇയാൾ ഉപ്പള ബസ് സ്റ്റാൻഡ് ഭാഗത്തേക്ക് പോയതായും പറയുന്നു. സംഭവത്തിൽ പ്രതിക്കായി പോലീസ് വ്യാപകമായി തിരച്ചൽ നടത്തി വരികയാണ്.
Click it and Unblock the Notifications
Sign in with Google