സംസ്ഥാനത്ത് കനത്ത മഴ തുടരുന്നു... കാസർഗോഡ്, കോഴിക്കോട്, കണ്ണൂർ ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി!
കാസര്കോട്: സംസ്ഥാനത്ത് കനത്തമഴ തുടരുന്ന പശ്ചാത്തലത്തില് കാസര്കോട്, കോഴിക്കോട്, കണ്ണൂര് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധി ആയിരിക്കുമെന്ന് ജില്ലാ കലക്ടര്മാര് അറിയിച്ചു. അംഗന്വാടികള്ക്കും കേന്ദ്രീയ വിദ്യാലയങ്ങള്ക്കും ഐ.സി.എസ്.ഇ, സി.ബി.എസ്.ഇ വിദ്യാലയങ്ങള്ക്കും അവധി ബാധകമാണ്.
കാലവര്ഷം ശക്തമായി തുടരുകയും ദുരന്ത നിവാരണ അതോറിറ്റി റെഡ് അലര്ട്ട് പ്രഖ്യാപിക്കുകയും ചെയ്ത സാഹചര്യത്തിലാണിത്. കാസര്കോട്ടെയും കോഴിക്കോട്ടെയും വിദ്യാഭ്യാസ സ്ഥാപനങ്ങള്ക്കു ഇന്നാണ് കലക്ടര്മാര് അവധിപ്രഖ്യാപിച്ചത്. സര്വകലാശാല പരീക്ഷകള്ക്ക് മാറ്റമുണ്ടാകില്ലെന്നും കലക്ടര്മാര് അറിയിച്ചു. പത്തനംതിട്ട ജില്ലയില് ദുരിതാശ്വാസ ക്യാമ്പ് പ്രവര്ത്തിക്കുന്ന തിരുവല്ല തിരുമൂലപുരം സെന്റ് തോമസ് എച്ച്.എസ്.എസ്സിന് തിങ്കളാഴ്ച അവധി പ്രഖ്യാപിച്ചിട്ടുണ്ടെന്ന് ജില്ലാ കലക്ടര് അറിയിച്ചിരുന്നു.
കോട്ടയം ജില്ലയില് കോട്ടയം നഗരസഭയിലേയും, ആര്പ്പൂക്കര, അയ്മനം, തിരുവാര്പ്പ്, കുമരകം പഞ്ചായത്തുകളിലേയും പ്രൊഫഷണല് വിദ്യാഭ്യാസ സ്ഥാപനങ്ങള് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് തിങ്കളാഴ്ച അവധി പ്രഖ്യാപിച്ചിട്ടുണ്ട്. മഴ ശക്തമായ കോഴിക്കോട്, കണ്ണൂര്, വയനാട് ജില്ലകളില് ഇന്ന് റെഡ് അലര്ട്ടും എറണാകുളം, ഇടുക്കി, തൃശ്ശൂര്, മലപ്പുറം, കാസര്കോട് എന്നിവിടങ്ങളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്.
Click it and Unblock the Notifications
Sign in with Google