തീർഥക്കരയിൽ പുലിയോ? പശുക്കിടാവിന് നേരെ ആക്രമണം..കഴുത്തിൽ ആഴത്തിൽ മുറിവ്

കാസർഗോഡ്; തീർഥക്കരയിൽ പശുവിന് നേരെ ആക്രമണം. തൊഴുത്തിൽ കെട്ടിയ പശുക്കിടാവിനെയാണ് കടിച്ച് കൊണ്ടുപോകാൻ ശ്രമിച്ചത്. എന്നാൽ വീട്ടുകാർ എഴുന്നേറ്റതോടെ ശ്രമം ഉപേക്ഷിച്ചു.പുലിയുടെ ആക്രമണമാണെന്നാണ് നാട്ടുകാർ ആരോപിക്കുന്നത്. പശുക്കിടാവിൻറെ കഴുത്തിൽ ആഴത്തിലുള്ള മുറിവുകളുണ്ട്.

കഴിഞ്ഞ ദിവസം പുലർച്ചെയായിരുന്നു സംഭവം. പശുവിന്റെ കരച്ചിൽ കേട്ട് വീട്ടുകാർ ഉണർന്ന് നോക്കിയപ്പോൾ ഇരുട്ടിൽ പുലിയുടേതെന്നു സംശയിക്കുന്ന കണ്ണുകൾ കണ്ടതായി പറയുന്നു. പശുവിനെ കെട്ടിയിട്ടതിനാലാണ് വലിച്ച് കൊണ്ടുപോകാൻ സാധിക്കാതിരുന്നത്. രണ്ട് വയസുള്ള പശുവാണ് ആക്രമിക്കപ്പെട്ടത്. പല്ല് കൊണ്ടുള്ള 8 മുറിവുകൾ കഴുത്തിലുണ്ട്.2 പല്ലുകൾ തമ്മിൽ 5 സെമീ അകലമുണ്ടെന്ന് ഡോക്ടർ പറഞ്ഞു.

പുലിയെ കൃത്യമായി തിരിച്ചറിഞ്ഞിട്ടില്ലെങ്കിലും തീർഥക്കരയിൽ പുലിയുടെ ആക്രമണം പതിവാണ്. രണ്ട് മാസം മുൻപായിരുന്നു ഇവിടെ പുലിയുടെ ആക്രമണം ഉണ്ടായത്. അന്ന് സമീപത്തെ വീട്ടിൽ നിന്നും 2 മാസം പ്രായമായ പട്ടിയെ പുലി കടിച്ചിരുന്നു. നാട്ടുകാരിൽ പലരും പുലിയെ നേരിട്ട് കണ്ടിട്ടുണ്ട്. മേഖലയിൽ കഴിഞ്ഞ കുറച്ച് ദിവസങ്ങളായി കാട്ടാനയുടെ ആക്രമണം ഉണ്ട്. 3 ദിവസം മുൻപ് വീട്ടുമുറ്റത്തു പോലും ആനയെത്തിയിരുന്നു.

English summary

Kasargod; tiger may attacked calf in kasargod