Click it and Unblock the Notifications
Just In
Don't Miss
-
Daily Rashi Phalam: ഇന്ന് നേട്ടങ്ങള് നിറഞ്ഞ ദിവസം ഈ രാശിക്ക് സ്വന്തം - ടെസ്ലയുടെ കുറ്റപ്പെടുത്തല് ഫലം കണ്ടു; ഇറക്കുമതി ചുങ്കം കുറയ്ക്കാന് തീരുമാനിച്ച് കേന്ദ്ര സര്ക്കാര്
- INDvENG: മിന്നും സെഞ്ച്വറി, വമ്പന് നേട്ടവുമായി രാഹുല്- ശാസ്ത്രിക്കൊപ്പം! മൂന്നാമന്
- പ്രൊപ്പോസ് ചെയ്തപ്പോള് ഇനി ആ കാര്യം മിണ്ടരുതെന്ന് താക്കീത് ചെയ്ത് ശ്രീദേവി; ബോണിയുമായുള്ള പ്രണയകഥ ഇങ്ങനെ
- കുഞ്ഞൻ ബൊലേറോയെ കൂടുതൽ മോടിയാക്കാം, പുത്തൻ ആക്സസറികളുമായി മഹീന്ദ്ര
- കാര്ഗില് യുദ്ധത്തിലെ താരം, ലോകത്തിലെ ഏറ്റവും തണുപ്പേറിയ രണ്ടാമത്തെ മനുഷ്യവാസസ്ഥലം.. ദ്രാസ് അത്ഭുതപ്പെടുത്തും
- വൺപ്ലസ് നോർഡ് സ്മാർട്ട്ഫോണിന്റെ പ്രീ-ഓർഡർ ജൂലൈ 15 മുതൽ ആമസോൺ വഴി ലഭ്യമാകും
നീലേശ്വരത്ത് വ്യാപാര സ്ഥാപനങ്ങൾ ഞായറാഴ്ച അടച്ചിടും; കർശന നിയന്ത്രണങ്ങൾ
കാസർഗോഡ്; നീലേശ്വരം നഗരസഭയിൽ കോവിഡ് പ്രതിരോധ നടപടികൾ ഊർജിതമാക്കാൻ നഗരസഭാതല ജാഗ്രതാസമിതി യോഗം തീരുമാനിച്ചു. നഗരസഭയിൽ കോവിഡ് കേസുകൾ വർധിച്ചു വരുന്ന സാഹചര്യത്തിൽ വാക്സിനേഷൻ കൂടുതൽ ആളുകളിൽ എത്തിക്കാനും യോഗത്തിൽ തിരുമാനമായി.വ്യാപാരസ്ഥാപനങ്ങൾ ഞായറാഴ്ചകളിൽ പൂർണമായും അടച്ചിടും. ആളുകൾ പരമാവധി വീടിനകത്ത് നിന്നും പുറത്തിറങ്ങാതെ ഇരിക്കണമെന്ന് യോഗം നിർദേശിച്ചു.
വിവാഹം, മരണം, ഗൃഹപ്രവേശം, മതപരമായ ചടങ്ങുകൾ എന്നിവ പൂർണമായും കോവിഡ് നിയന്ത്രണങ്ങൾക്ക് വിധേയമായി നടത്തേണ്ടതാണ്. വിവാഹം, ഗൃഹപ്രവേശം, വിവാഹ നിശ്ചയം എന്നിവയിൽ പങ്കെടുക്കുന്നവരുടെ ലിസ്റ്റ് തയ്യാറാക്കി മുൻകൂട്ടി നഗരസഭയെയും പോലീസിനെയും അറിയിക്കേണ്ടതാണ്. കലാകായിക വിനോദങ്ങൾ നഗരസഭാ പരിധിയിൽ പൂർണമായും നിരോധിക്കും.
വ്യാപാര സ്ഥാപനങ്ങൾ രാത്രി 9 മണി വരെ മാത്രമെ പ്രവർത്തിക്കാൻ പാടുള്ളൂവെന്നും കോവിഡ് മാനദണ്ഡങ്ങൾ പൂർണ്ണമായും പാലിച്ചുകൊണ്ടു മാത്രമെ പ്രവർത്തിക്കുവാൻ പാടുള്ളൂവെന്നും തീരുമാനിച്ചു. വാക്സിൻ ലഭ്യതയനുസരിച്ച് കൂടുതൽ വാക്സിനേഷൻ ക്യാമ്പുകൾ നഗരസഭയുടെ വിവിധ ഭാഗങ്ങളിൽ നടത്താനും തീരുമാനിച്ചു.
അതേസമയം ജില്ലയിൽ ഇന്ന് 676 പേർ കൂടി കോവിഡ്-19 പോസിറ്റീവായി. ചികിത്സയിലുണ്ടായിരുന്ന 184 പേർ കോവിഡ് നെഗറ്റീവായതായി ജില്ലാ മെഡിക്കൽ ഓഫീസർ (ഹെൽത്ത്) ഡോ. എ.വി. രാംദാസ് അറിയിച്ചു. നിലവിൽ 4554 പേരാണ് കോവിഡ് ചികിത്സയിലുള്ളത്.
പാലക്കാട് 11 സ്വകാര്യ ആശുപത്രികളിൽ 10 ശതമാനം ബെഡ് കോവിഡ് രോഗികൾക്ക്