സംസ്ഥാനത്ത് വീണ്ടും കൊവിഡ് മരണം; മരിച്ചത് കാസര്കോട് സ്വദേശി, ജില്ലയില് നാല് മരണം
കാസര്കോട്: സംസ്ഥാനത്ത് ഒരു കൊവിഡ് മരണം കൂടി റിപ്പോര്ട്ട് ചെയ്തു. കാസര്കോട് പടന്നക്കാട് സ്വദേശി നബീസ (75) ആണ് മരിച്ചത്. പരിയാരം മെഡിക്കല് കോളേജില് ചികിത്സയിലായിരുന്നു. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 55ആയി. കാസര്കോട് ജില്ലയില് മാത്രം നാല് പേരാണ് കൊവിഡ് ബാധിച്ച് മരിച്ചിരിക്കുന്നത്.
Recommended Video
കൊവിഡ് ബാധിച്ച ഇവര് നേരത്തെ കാഞ്ഞങ്ങാട് ജില്ല ആശുപത്രിയില് ചികിത്സയിലായിരുന്നു. എന്നാല് രോഗം മൂര്ച്ഛിച്ചതിനെ തുടര്ന്ന് പരിയാരത്തേക്ക് മാറ്റുകയായിരുന്നു. വാര്ധക്യ സഹജമായ അവശതകളല്ലാതെ മറ്റ് അസുഖങ്ങള് ഒന്നും തന്നെ ഉണ്ടായിരുന്നില്ല.
അതേസമയം, സംസ്ഥാനത്ത് ഇന്നലെ 885 പേര്ക്കാണ് കൊവിഡ് സ്ഥിരീകരിച്ചത്. 968 പേര്ക്കാണ് രോഗമുക്തി. 724 പേര്ക്ക് സമ്പര്ക്കത്തിലൂടെയാണ് രോഗം സ്ഥിരികരിച്ചത്. ഉറവിടം അറിയാത്ത 56 കേസുകള് ഉണ്ട്. വിദേശത്ത് നിന്ന് വന്ന 64 പേര്ക്കും മറ്റ് സംസ്ഥാനങ്ങളില് നിന്ന് വന്ന 68 പേര്ക്കും രോഗം സ്ഥിരീകരിച്ചു. 24 ആരോഗ്യ പ്രവര്ത്തകര്ക്കും രോഗം സ്ഥിരീകരിച്ചിട്ടുണ്ട്. സംസ്ഥാനത്ത് ഇന്ന് നാല് കൊവിഡ് മരണം റിപ്പോര്ട്ട് ചെയ്തിട്ടുണ്ട്. ഇതുവരെ 16995 പേര്ക്കാണ് രോഗം സ്ഥിരീകരിച്ചത്. പോസിറ്റീവ് ആയവരുടെ ജില്ല തിരിച്ചുള്ള കണക്കുകള് ഇങ്ങനെ-തിരുവനന്തപുരം 167, കൊല്ലം 133, കാസര്ഗോഡ് 106, കൊഴിക്കോട് 82, എറണാകുളം 69,മലപ്പുറം 58 , പാലക്കാട് 58, കോട്ടയം 50, ആലപ്പുഴ 44, തൃശ്ശൂര് 33, ഇടുക്കി 29, പത്തനംതിട്ട 23, കണ്ണൂര്18, വയനാട് 15.
Click it and Unblock the Notifications
Sign in with Google