സംസ്ഥാനത്ത് ഇന്ന് ഹോട്ട്സ്പോട്ട് ഇടുക്കിയില് മാത്രം; ആശുപത്രിയില് പ്രവേശിപ്പിച്ചത് 948 പേരെ
തിരുവനന്തപുരം: കേരളത്തില് ഇന്ന് കൊറോണ സാമ്പിള് പരിശോധന എണ്ണം കുറഞ്ഞു. രോഗികളുടെ എണ്ണത്തിലും കുറവ്. 35000ത്തിലധികം സാമ്പിളുകള് പരിശോധിച്ചപ്പോള് 3100ലധികം പേര്ക്ക് കൊറോണ രോഗം സ്ഥിരീകരിച്ചു. സാധാരണ 50000ത്തിലധികം സാമ്പിളുകള് പരിശോധിക്കാറുണ്ട്. ഇന്ന് ഒരു പുതിയ ഹോട്ട് സ്പോട്ടാണുള്ളത്. ഇടുക്കി ജില്ലയിലെ ഉപ്പുതറ (കണ്ടെന്മെന്റ് സോണ് സബ് വാര്ഡ് 12, 13) ആണ് പുതിയ ഹോട്ട് സ്പോട്ട്. ഇന്ന് 2 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ നിലവില് ആകെ 440 ഹോട്ട് സ്പോട്ടുകളാണുള്ളത്.
സംസ്ഥാനത്ത് ഇന്ന് 3110 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 443, കോഴിക്കോട് 414, മലപ്പുറം 388, കോട്ടയം 321, കൊല്ലം 236, തിരുവനന്തപുരം 222, ആലപ്പുഴ 186, പാലക്കാട് 176, തൃശൂര് 168, കണ്ണൂര് 160, ഇടുക്കി 141, പത്തനംതിട്ട 131, വയനാട് 76, കാസര്ഗോഡ് 48 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. 20 പേര് മരിച്ചു. ഇതോടെ ആകെ മരണം 3322 ആയി.
ഇന്ന് രോഗം സ്ഥിരീകരിച്ചവരില് 45 പേര് സംസ്ഥാനത്തിന് പുറത്ത് നിന്നും വന്നവരാണ്. 2730 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 295 പേരുടെ സമ്പര്ക്ക ഉറവിടം വ്യക്തമല്ല. എറണാകുളം 402, കോഴിക്കോട് 397, മലപ്പുറം 377, കോട്ടയം 293, കൊല്ലം 230, തിരുവനന്തപുരം 150, ആലപ്പുഴ 178, പാലക്കാട് 60, തൃശൂര് 162, കണ്ണൂര് 137, ഇടുക്കി 133, പത്തനംതിട്ട 105, വയനാട് 69, കാസര്ഗോഡ് 37 എന്നിങ്ങനേയാണ് സമ്പര്ക്കത്തിലൂടെ രോഗം ബാധിച്ചത്.
40 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 3922 പേരുടെ പരിശോധനാഫലം നെഗറ്റീവ് ആയി. 63,346 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 7,47,389 പേര് ഇതുവരെ കോവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 1,99,398 പേരാണ് ഇപ്പോള് നിരീക്ഷണത്തിലുള്ളത്. 948 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google