Click it and Unblock the Notifications
Just In
Don't Miss
-
IPL 2024: അന്ന് എന്നെ ചതിച്ചത് സംഗക്കാര! പഴി കേട്ടത് യുവതാരം; രാജസ്ഥാന് കോച്ചിനെതിരെ സെവാഗ് -
'വിന്നർ ലാലേട്ടൻ തന്നെ, ജിന്റോ ഭയങ്കര സംഭവമാണെന്ന് തോന്നിയില്ല, എല്ലാത്തിനും കാരണം ജാസ്മിന്റെ കയ്യിലിരുപ്പ്' -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കാസര്‍കോട്ടും സിപിഎമ്മില്‍ ഭിന്നത
കാസര്‍കോട്: ഒഞ്ചിയം, ഷൊര്‍ണൂര്‍ മോഡല്‍ വിഭാഗീയത കാസര്‍കോട്ടും സി പി എമ്മിനെ പിടികൂടുന്നു. കാസര്‍കോട്ട് ജില്ലയില്‍ പാര്‍ട്ടിയുടെ ശക്തികേന്ദ്രങ്ങളിലൊന്നായ ബേഡകത്താണ് ബ്രാഞ്ച് സെക്രട്ടറിമാരും ലോക്കല്‍ സെക്രട്ടറിമാരും ഉള്‍പ്പെടെ നൂറോളം പേര്‍ സി പി എമ്മില്‍ നിന്നും രാജിവെച്ചത്. ബേഡകം ഏരിയ കമ്മിറ്റിക്ക് കീഴിലെ ബേഡകം, കുറ്റിക്കോല്‍, പടുപ്പ് തുടങ്ങിയ സ്ഥലങ്ങളിലുള്ളവരാണ് പാര്‍ട്ടി വിട്ടവരില്‍ ഏറെയും.
സി ബാലനെ വീണ്ടും ഏരിയ കമ്മിറ്റി സെക്രട്ടറിയാക്കാന്‍ ജില്ലാ കമ്മിറ്റി തീരുമാനിച്ചതാണ് ഇപ്പോഴത്തെ പ്രശ്‌നങ്ങള്‍ക്ക് തുടക്കമിട്ടത്. സി ബാലനെ നേരത്തെ ഏരിയ സെക്രട്ടറി സ്ഥാനത്ത് നിന്നും മാറ്റിയതാണ്. ഇദ്ദേഹത്തെ വീണ്ടും ഏരിയ കമ്മിറ്റി സെക്രട്ടറിയാക്കുന്നത് അംഗീകരിക്കാനാവില്ല എന്ന നിലപാടിലാണ് വിമതര്‍.
കുറ്റിക്കോല്‍ പഞ്ചായത്ത് പ്രസിഡണ്ടും ഏരിയാ കമ്മിറ്റി മെമ്പറുമായ ഗോപാലന്‍ മാസ്റ്റര്‍, മുന്‍ ഏരിയ സെക്രട്ടറി പി ദിവാകരന്‍ തുടങ്ങിയ നേതാക്കള്‍ ജില്ലാ കമ്മിറ്റിയുടെ തീരുമാനത്തെ പരസ്യമായി വിമര്‍ശിച്ചിരുന്നു. എന്നാല്‍ എതിരഭിപ്രായം പറഞ്ഞവര്‍ നിലപാട് തിരുത്തണമെന്നാണ് ജില്ലാ കമ്മിറ്റിയുടെ തീരുമാനം. ഗോപാലന്‍ മാസ്റ്റര്‍ക്കും പി ദിവാകരനും പിന്തുണ അറിയിച്ചാണ് നൂറോളം പേര്‍ പാര്‍ട്ടി വിട്ടത്.
സി പി എമ്മില്‍ നിന്നും രാജിവെക്കുകയാണ് എന്ന് കാണിച്ച് ഏതാണ്ട് നൂറോളം പ്രവര്‍ത്തകര്‍ ജില്ലാ കമ്മിറ്റിക്ക് ബുധനാഴ്ച രാജിക്കത്ത് നല്‍കിയിരുന്നു. ബ്രാഞ്ച് സെക്രട്ടറിമാരും ലോക്കല്‍ സെക്രട്ടറിമാരും ഉള്‍പ്പെടെയുള്ളവരാണ് വ്യാഴാഴ്ച പാര്‍ട്ടി വിട്ടത്. പ്രശ്‌നം പരിഹരിക്കാമെന്ന് നേതാക്കള്‍ ഉറപ്പുനല്‍കിയിരുന്നെങ്കിലും പ്രവര്‍ത്തകര്‍ അത് കണക്കിലെടുക്കാന്‍ കൂട്ടാക്കുന്നില്ല. സ്ഥിതിഗതികള്‍ ചര്‍ച്ച ചെയ്യാന്‍ വ്യാഴാഴ്ച സി പി എം ഏരിയ കമ്മിറ്റി യോഗം ചേര്‍ന്നു.
