കേരളത്തില് ഇന്ന് 111 പേര്ക്ക് കൊവിഡ് സ്ഥിരീകരിച്ചു; ആരോഗ്യപ്രവര്ത്തകര്ക്കും കൊവിഡ്
തിരുവനന്തപുരം: കേരളത്തില് ഇന്ന് 111 പേര്ക്ക് കൊവിഡ് സ്ഥിരീകരിച്ചു. ജൂണ് 1 ന് 57 പേര്ക്കും പിന്നീട് 86, 82,94 എന്നീ നിരക്കിലാണ് കൊവിഡ് സ്ഥിരീകരിച്ചത്. മുഖ്യമന്ത്രി വാര്ത്ത സമ്മേളനത്തിലാണ് ഇക്കാര്യം അറിയിച്ചത്. സ്ഥിതി രൂക്ഷമാവുന്നുവെന്നാണ് ഇത് കാണിക്കുന്നത് എന്നും മുഖ്യമന്ത്രി പറഞ്ഞു.
ഇന്ന് രോഗം സ്ഥിരീകരിച്ചവരില് 50 പേര് വിദേശത്ത് നിന്നും 48 പേര് മറ്റ് സംസ്ഥാനങ്ങളില് നിന്നും എത്തിയവരാണ്. 10 പേര്ക്കാണ് സമ്പര്ക്കത്തിലൂടെ രോഗം ബാധിച്ചത്.
മൂന്ന് ആരോഗ്യ പ്രവര്ത്തകര്ക്കും കൊവിഡ് സ്ഥിരീകരിച്ചു. മറ്റ് സംസ്ഥാനങ്ങളില് നിന്നും വന്നവരില് 25 പേര് മഹാരാഷ്ട്ര, തമഴിനാട് 10, കര്ണ്ണാടക 3, ഇത്തര്പ്രദേശ്, ഹരിയാന, ലക്ഷ്യദ്വീപ് എന്നിവിടങ്ങളില് 1 വീതം, ദില്ലി-4, ആന്ധപ്രദേശ് 3 എന്നീ നിരക്കിലാണ്.
സംസ്ഥാനത്ത് ഇന്ന് 22 പേര് കൊവിഡ് മുക്തി നേടി. അതില് തിരുവനന്തപുരം 1, ആലപ്പുഴ 4, എറണാരകുളം 4, തൃശൂര് 5 കോഴിക്കോട് 1 കാസര്ഗോഡ് 7 നിരക്കിലാണ് കൊവിഡ് മുക്തി നേടിയവരുടെ എണ്ണം.
രോഗം സ്ഥിരീകരിച്ചവരുടെ എണ്ണം ജില്ല തിരിച്ച് നോക്കുമ്പോള് പാലക്കാട് 40, മലപ്പുറം 18, പത്തനംതിട്ട 11, എറണാകുളം 10, തൃശൂര് 8, ആലപ്പുഴ, തിരുവനന്തപുരം 5, കോഴിക്കോട് 4, ഇടുക്കി 3 കൊല്ലം 2 വയനാട് 3. കോട്ടയം, കാസര്ഗോഡ് എന്നിവിടങ്ങളില് ഒരാള്ക്കുമാണ് കൊവിഡ് സ്ഥിരീകരിച്ചത്.
3597 സാമ്പിളുകളാണ് ഇന്ന് പരിശോധിച്ചത്. ഇതുവരെ 1697 പേര്ക്കാണ് സംസ്ഥാനത്ത് കൊവിഡ് സ്ഥിരീകരിച്ചത്. അതില് 973 പേര് നിലവില് ചികിത്സയില് കഴിയുകയാണ്. 177106 പേര് നിരീക്ഷണത്തിലുള്ളത്. 1545 പേര് ആശുപത്രികളിലാണ് നിരീക്ഷണത്തില് കഴിയുന്നത്. ഇന്ന് മാത്രം 247 പേരെ ആശപത്രിയില് പ്രവേശിപ്പിച്ചു. ഇതുവരെ 79074 സാമ്പിളികളാണ് പരിശോധനക്കയച്ചത്. അതില് 74769 എണ്ണം രോഗബാധയില്ലായെന്ന് ഉറപ്പാക്കിയിട്ടുണ്ട്.
128 ഹോട്ട്സ്പോര്ട്ടുകളാണ് സംസ്ഥാനത്തുള്ളത്. വയനാട് 3, കണ്ണൂര്, കോഴിക്കോട് ഓരോന്ന് വീതമാണ് പുതിയ ഹോട്ട്സ്പോര്ട്ടുകള്. സംസ്ഥാനത്ത് ആന്റി ബോഡി ടെസ്റ്റുകള് വ്യാപിക്കുകയാണെന്നും മുഖ്യമന്ത്രി പറഞ്ഞു.
Click it and Unblock the Notifications
Sign in with Google