ജനസംഖ്യയുടെ 12.8 ശതമാനം പേര്ക്കും ശാസ്ത്രീയ ചികിത്സ വേണ്ട മാനസിക പ്രശ്നമുള്ളവര്: മന്ത്രി വീണ ജോര്ജ്
തിരുവനന്തപുരം: കേരളത്തില് മൊത്തം ജനസംഖ്യയുടെ 12.8 ശതമാനത്തോളം ആളുകള് ശാസ്ത്രീയമായ ചികിത്സ ആവശ്യമുള്ള മാനസിക ആരോഗ്യ പ്രശ്നങ്ങള് ഉള്ളവരാണെന്ന് ആരോഗ്യമന്ത്രി വീണ ജോര്ജ്. പക്ഷേ ഇതില് 15 ശതമാനം ആളുകള് മാത്രമാണ് ശാസ്ത്രീയമായ ചികിത്സ തേടുന്നത്. ചികിത്സാ കേന്ദ്രങ്ങളുടെയോ ചികിത്സാ സൗകര്യങ്ങളുടെയോ അഭാവം കൊണ്ടല്ല. എന്നാല് അതിലേക്ക് ആളുകള് എത്തപ്പെടുന്നില്ല എന്നതാണ് കാരണമെന്ന് മന്ത്രി വ്യക്തമാക്കി. ലോക മാനസികാരോഗ്യ ദിനാചരണത്തിന്റെ ഭാഗമായി ഇന്ത്യന് സൈക്യാട്രിക് സൊസൈറ്റി കേരള ഘടകം 'സ്നേഹ കവചം' എന്ന പേരില് സംഘടിപ്പിച്ച പരിപാടിയില് സംസാരിക്കുകയായിരുന്നു മന്ത്രി.
ഈ അവസരത്തില് മാനസിക ആരോഗ്യ സാക്ഷരതയുമായി ബന്ധപ്പെട്ട പ്രവര്ത്തനങ്ങള് സമൂഹത്തില് ഊര്ജിതമാക്കേണ്ടത് അനിവാര്യമായ ഒരു സാഹചര്യമായി കാണുകയാണ്. ഈയൊരു ദൗത്യം എല്ലാവരുടേയും സഹകരണത്തോടെ ഊര്ജ്ജസ്വലമായി ആരോഗ്യ വകുപ്പ് ഏറ്റെടുക്കുകയാണെന്നും ആരോഗ്യമന്ത്രി വ്യക്തമാക്കി.
മാനസിക ആരോഗ്യ സാക്ഷരത അനിവാര്യമാണ്. ഏത് സമൂഹത്തിന്റെ നിലനില്പ്പിനും പുരോഗതിക്കും അനിവാര്യമാണ് ആളുകളുടെ ശാരീരികവും മാനസികവുമായ ആരോഗ്യം. ശരീരത്തിന്റെ ആരോഗ്യത്തിനൊപ്പം തന്നെ വളരെ പ്രധാനപ്പെട്ടതാണ് മനസിന്റെ ആരോഗ്യവും. അസ്വസ്ഥതകളും വേദനകളും രോഗങ്ങളും തിരിച്ചറിയുന്നതിനും യഥാസമയം ചികിത്സ തേടാനും എല്ലാവരും ശ്രദ്ധിക്കാറുണ്ട്. പക്ഷേ മനസിന്റെ ആരോഗ്യ പ്രശ്നങ്ങള്, രോഗലക്ഷണങ്ങള്, രോഗാവസ്ഥകള് എന്നിവ തിരിച്ചറിയുന്നതിനും ശാസ്ത്രീയമായ ചികിത്സ തേടുന്നതിനും ഭൂരിപക്ഷം ആളുകള്ക്കും കഴിയുന്നില്ല എന്നുള്ളത് ഒരു യാഥാര്ത്ഥ്യമാണ്. മാനസികാരോഗ്യം സംബന്ധിച്ചിട്ടുള്ള കൃത്യമായ അവബോധം ഭൂരിപക്ഷം ആളുകള്ക്കും ഇല്ല എന്നുള്ളതാണ് ഇതിന് പ്രധാനമായി ചൂണ്ടിക്കാണിക്കാനുള്ളത്. അതോടൊപ്പം തന്നെ മാനസികാരോഗ്യം സംബന്ധിച്ചിട്ടുള്ള തെറ്റായ ധാരണകളും സമൂഹത്തില് നിലനില്ക്കുന്നുണ്ട്.
കോവിഡ് മഹാമാരിയുടെ പശ്ചാത്തലത്തില് ലോകത്തിലെ സാമൂഹിക സാമ്പത്തിക ക്രമങ്ങള് മാറിയിട്ടുണ്ട്. ഈയൊരു സാഹചര്യത്തില് ആളുകള് സംഘര്ഷങ്ങളിലൂടെ കടന്നു പോകുന്നുണ്ട്. വിദ്യാഭ്യാസ രംഗത്തും മാറ്റം വന്നു. ഓണ് ലൈന് പഠനത്തില് കൂടുതല് കുഞ്ഞുങ്ങള് എത്തപ്പെട്ട സാഹചര്യവുമുണ്ട്. സാമൂഹിക ഇടപെടലിലൂടെയും മറ്റുമുള്ള സാധാരണ രീതിയിലുള്ള വളര്ച്ച കുഞ്ഞുങ്ങള്ക്ക് നഷ്ടപ്പെടുന്നുണ്ട് എന്നത് ഏറ്റവും പ്രധാനപ്പെട്ട കാര്യമാണ്.
Recommended Video
റിതു എന്താ ഒരു ലുക്ക്; സൂപ്പര് ഹോട്ട് ലുക്കെന്ന് ആരാധകര്, പുതിയ ഫോട്ടോഷൂട്ട് വൈറല്
പ്രാഥമിക ആരോഗ്യതലം മുതല് തന്നെ മാനസികാരോഗ്യവുമായി ബന്ധപ്പെട്ടുള്ള പ്രവര്ത്തനങ്ങള് ഊര്ജിതപ്പെടുത്താന് സംസ്ഥാന ആരോഗ്യ വകുപ്പ് ആലോചിക്കുന്നു. അതോടൊപ്പം തന്നെ മാനസികാരോഗ്യ കേന്ദ്രങ്ങള്, മെഡിക്കല് കോളേജുകളിലെ മാനസികാരോഗ്യ വിഭാഗങ്ങള് എന്നിവയുടെ പ്രവര്ത്തനങ്ങള് ശക്തിപ്പെടുത്തും. ഒപ്പം ഗവേഷണങ്ങള്ക്കും പ്രാധാന്യം നല്കുമെന്നും മന്ത്രി വ്യക്തമാക്കി.
Click it and Unblock the Notifications
Sign in with Google