കേരളത്തിൽ ഇന്ന് 121പേർക്ക് കോവിഡ്!! ഒരു മരണം! ഏറ്റവും കൂടുതൽ രോഗികൾ തൃശ്ശൂരിൽ! 79 പേർക്ക് രോഗമുക്തി
തിരുവനന്തപുരം; കേരളത്തില് ഇന്ന് 121 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന്. തൃശൂര് ജില്ലയില് നിന്നുള്ള 26 പേര്ക്കും, കണ്ണൂരിൽ നിന്നുള്ള 14 പേര്ക്കും, പത്തനംതിട്ട, മലപ്പുറം ജില്ലകളില് നിന്നുള്ള 13 പേര്ക്ക് വീതവും, പാലക്കാട് ജില്ലയില് നിന്നുള്ള 12 പേര്ക്കും, കൊല്ലത്ത് നിന്നുള്ള 11 പേര്ക്കും, കോഴിക്കോട്നിന്നുള്ള 9 പേര്ക്കും, ആലപ്പുഴ, ഇടുക്കി, എറണാകുളം ജില്ലകളില് നിന്നുള്ള 5 പേര്ക്ക് വീതവും, തിരുവനന്തപുരം, കാസര്ഗോഡ് ജില്ലകളില് നിന്നുള്ള 4 പേര്ക്ക് വീതവുമാണ് രോഗം സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 78 പേര് വിദേശ രാജ്യങ്ങളില് നിന്നും 26 പേര് മറ്റ് സംസ്ഥാനങ്ങളില് നിന്നും വന്നതാണ്. കുവൈറ്റ്- 24, സൗദി അറേബ്യ- 14, യു.എ.ഇ.- 13, ഖത്തര്- 13, ഒമാന്- 7, ബഹറിന്- 3, നൈജീരിയ- 2, മലേഷ്യ- 1, റഷ്യ- 1 എന്നിങ്ങനേയാണ് മറ്റ് രാജ്യങ്ങളില് നിന്നും വന്നവര്. തമിഴ്നാട്- 10, കര്ണാടക- 6, ഡല്ഹി- 5, മഹാരാഷ്ട്ര- 4, ഹരിയാന- 1 എന്നിങ്ങനേയാണ് മറ്റ് സംസ്ഥാനങ്ങളില് നിന്നും വന്നവര്. 5 പേര്ക്ക് സമ്പര്ക്കത്തിലൂടെയാണ് രോഗം സ്ഥിരീകരിച്ചത്. എറണാകുളം ജില്ലയിലെ 2 പേര്ക്കും, കൊല്ലം, ഇടുക്കി, പാലക്കാട് ജില്ലകളിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്. 3 ആരോഗ്യ പ്രവര്ത്തകര്ക്കും രോഗം ബാധിച്ചു. തൃശൂര് ജില്ലയിലെ രണ്ടും എറണാകുളം ജില്ലയിയിലെ ഒന്നും ആരോഗ്യ പ്രവര്ത്തകര്ക്കാണ് രോഗം ബാധിച്ചത്. ഇതുകൂടാതെ കണ്ണൂര് ജില്ലയിലെ 9 സി.ഐ.എസ്.എഫ്.കാര്ക്കും രോഗം ബാധിച്ചു.
ഇതുകൂടാതെ 24 ന് മരിച്ച മലപ്പുറം ജില്ലയില് മരണമടഞ്ഞ തമിഴ്നാട് സ്വദേശിയായ അരസാകരന്റെ (55) തുടര് പരിശോധനഫലം ഇന്ന് പോസിറ്റീവ് ആയിട്ടുണ്ട്.രോഗം സ്ഥിരീകരിച്ച് ചികിത്സയിലായിരുന്ന 79 പേരുടെ പരിശോധനാഫലം നെഗറ്റീവ് ആയി. കൊല്ലം ജില്ലയില് നിന്നുള്ള 18 പേരുടെയും, കണ്ണൂര് ജില്ലയില് നിന്നുള്ള 13 പേരുടെയും, ആലപ്പുഴ, കോട്ടയം, കോഴിക്കോട് ജില്ലകളില് നിന്നുള്ള 8 പേരുടെ വീതവും, മലപ്പുറം ജില്ലയില് നിന്നുള്ള 7 പേരുടെയും, തൃശൂര് ജില്ലയില് നിന്നുള്ള 5 പേരുടെയും, എറണാകുളം ജില്ലയില് നിന്നുള്ള 4 പേരുടെയും (ആലപ്പുഴ-1, കൊല്ലം-1), തിരുവനന്തപുരം, പാലക്കാട് ജില്ലകളില് നിന്നുള്ള 3 പേരുടെ വീതവും, കാസര്കോട് ജില്ലയില് നിന്നുള്ള 2 പേരുടെയും പരിശോധനാഫലം ആണ് നെഗറ്റീവ് ആയത്. ഇതോടെ 2057 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 2229 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 1,80,617 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,77,955 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 2662 പേര് ആശുപത്രികളിലും നിരീക്ഷണത്തിലാണ്. 281 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 5244 സാമ്പിളുകളാണ് പരിശോധിച്ചത്. റുട്ടീന് സാമ്പിള്, ഓഗ്മെന്റഡ് സാമ്പിള്, സെന്റിനല് സാമ്പില്, പൂള്ഡ് സെന്റിനില്, സി.ബി. നാറ്റ്, ട്രൂ നാറ്റ് എന്നിവ ഉള്പ്പെടെ ഇതുവരെ ആകെ 2,24,737 സാമ്പിളുകളാണ് പരിശോധനയ്ക്കായി അയച്ചത്. ഇതില് 2774 സാമ്പിളുകളുടെ പരിശോധനാ ഫലം വരാനുണ്ട്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 46,689 സാമ്പിളുകള് ശേഖരിച്ചതില് 45,065 സാമ്പിളുകള് നെഗറ്റീവ് ആയി.
ഇന്ന് 3 പുതിയ ഹോട്ട് സ്പോട്ടുകളാണുള്ളത്. തൃശൂര് ജില്ലയിലെ ചാലക്കുടി മുന്സിപ്പാലിറ്റി (കണ്ടൈന്മെന്റ് സോണ്: വാര്ഡ് 16,19,21,30,31,35,36), ശ്രീനാരായണപുരം(7,8), മലപ്പുറം ജില്ലയിലെ പൊന്നാനി താലൂക്ക് (മുഴുവനും) എന്നിവയാണ് പുതിയ ഹോട്ട് സ്പോട്ടുകള്.
അതേസമയം 3 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. കൊല്ലം ജില്ലയിലെ കൊല്ലം കോര്പറേഷന് (42, 44, 45), കല്ലുവാതുക്കല് (8, 10, 11, 13), പാലക്കാട് ജില്ലയിലെ വിളയൂര് (13) എന്നിവയേയാണ് കണ്ടൈന്മെന്റ് സോണില് നിന്നും ഒഴിവാക്കിയത്. നിലവില് ആകെ 118 ഹോട്ട് സ്പോട്ടുകളാണ് ഉള്ളത്.
Click it and Unblock the Notifications
Sign in with Google