ഹോട്ട്സ്പോട്ട് പട്ടികയില് പുതുതായി 13 പ്രദേശങ്ങള് കൂടി; സംസ്ഥാനത്ത് 124 ഹോട്ട്സ്പോട്ടുകള്
തിരുവനന്തപുരം: കേരളത്തില് കൊവിഡ് കേസുകളുടെ എണ്ണം വര്ധിക്കുകയാണ്. ഇന്ന് പുതുതായി 118 പേര്ക്കാണ് കൊവിഡ് സ്ഥിരീകരിച്ചിരിക്കുന്നത്. ഈ സാഹചര്യത്തില് നിയന്ത്രണങ്ങളും ശക്തമാക്കേണ്ടതുണ്ട്.
കേരളത്തില് ഇന്ന് 13 പ്രദേശങ്ങളെയാണ് ഹോട്ട്സ്പോട്ട് പട്ടികയില് ഉള്പ്പെടുത്തിയിരിക്കുന്നത്.കോട്ടയം ജില്ലയിലെ കോട്ടയം മുന്സിപ്പാലിറ്റി (കണ്ടൈന്മെന്റ് സോണ്: വാര്ഡ് 36), പള്ളിക്കത്തോട് (8), കറുകച്ചാല് (7), മലപ്പുറം ജില്ലയിലെ വട്ടക്കുളം (എല്ലാ വാര്ഡുകളും),എടപ്പാള് (എല്ലാ വാര്ഡുകളും), ആലങ്കോട് (എല്ലാ വാര്ഡുകളും), പൊന്നാനി മുന്സിപ്പാലിറ്റിയിലെ (1, 2, 3, 50, 51 എന്നീ വാര്ഡുകളൊഴികെ), മാറഞ്ചേരി (എല്ലാ വാര്ഡുകളും), പുല്പ്പറ്റ (7), ആലപ്പുഴ ജില്ലയിലെ അരൂര് (1), ചെന്നിത്തല (14), എറണാകുളം ജില്ലയിലെ പാറക്കടവ് (8), കൊച്ചി കോര്പറേഷന് (67) എന്നിവയാണ് പുതിയ ഹോട്ട് സ്പോട്ടുകള്.
നിലവില് 124 ഹോട്ട് സ്പോട്ടുകളാണ് ഉള്ളത്.
ഇന്ന് സംസ്ഥാനത്ത് ഏറ്റവും കൂടുതല് പേര്ക്ക് കൊവിഡ് സ്ഥിരീകരിച്ചിരിക്കുന്നത് കണ്ണൂര് ജില്ലയിലാണ്. കണ്ണൂര് ജില്ലയില് 26 പേര്ക്കും തൊട്ടുപിറകിലായി തൃശൂരില് 17 പേര്ക്കും കൊവിഡ് സ്ഥിരീകരിച്ചു.
കൊല്ലം, ആലപ്പുഴ ജില്ലകളില് 10 പേര്ക്ക് വീതവും, തിരുവനന്തപുരം ജില്ലയില് 9 പേര്ക്കും, എറണാകുളം, കോഴിക്കോട് ജില്ലകളില് 7 പേര്ക്ക് വീതവും, കാസര്ഗോഡ് ജില്ലയില് 6 പേര്ക്കും, കോട്ടയം, മലപ്പുറം, വയനാട് ജില്ലകളില് 5 പേര്ക്ക് വീതവും, ഇടുക്കി, പാലക്കാട് ജില്ലകളില് 4 പേര്ക്ക് വീതവും, പത്തനംതിട്ട ജില്ലയില് 3 പേര്ക്കുമാണ് രോഗം സ്ഥിരീകരിച്ചത്.
14 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. മലപ്പുറം ജില്ലയിലെ 5 സ്വകാര്യ ആശുപത്രി ജീവനക്കാര്ക്കും, കോട്ടയം ജില്ലയിലെ 4 പേര്ക്കും, തിരുവനന്തപുരം, ആലപ്പുഴ, തൃശൂര്, കണ്ണൂര്, പാലക്കാട് എന്നീ ജില്ലകളിലുള്ള ഓരോരുത്തര്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
ഇന്ന് 42 പേരുടെ പരിശോധന ഫലം നെഗറ്റീവായിട്ടുണ്ട്. കോഴിക്കോട് ജില്ലയില് നിന്നുള്ള 7 പേരുടെയും (പാലക്കാട്-1), ഇടുക്കി ജില്ലയില് നിന്നുള്ള 6 പേരുടെയും, ആലപ്പുഴ, കോട്ടയം, തൃശൂര്, കാസര്ഗോഡ് ജില്ലകളില് നിന്നുള്ള 5 പേരുടെ വീതവും, പാലക്കാട് ജില്ലയില് നിന്നുള്ള 3 പേരുടെയും, പത്തനംതിട്ട ജില്ലയില് നിന്നുള്ള 2 പേരുടെയും, തിരുവനന്തപുരം, എറണാകുളം (കോട്ടയം), വയനാട്, കണ്ണൂര് ജില്ലകളില് നിന്നുള്ള ഓരോരുത്തരുടെയും പരിശോധനാഫലമാണ് നെഗറ്റീവ് ആയത്.
Click it and Unblock the Notifications
Sign in with Google