14 കാരിയെ പീഡിപ്പിച്ച് കൊന്നു, അമ്മയും കാമുകനും കുറ്റക്കാര്‍

കൊല്ലം: കൊല്ലത്ത് പതിനാലുകാരിയെ പീഡിപ്പിച്ച ശേഷം കൊലപ്പെടുത്തിയ കേസില്‍ പെണ്‍കുട്ടിയുടെ അമ്മയും കാമുകനും കുറ്റക്കാരെന്ന് കോടതി കണ്ടെത്തി. പത്തനാപുരം സ്വദേശികളായ സാവിത്രി, രാജീവ് എന്നിവരെയാണ് കൊല്ലം സെഷന്‍സ് കോടതി കുറ്റക്കാരായി കണ്ടെത്തിയത്. പ്രതികള്‍ക്കുള്ള ശിക്ഷ വെള്ളിയാഴ്ച വിധിയ്ക്കും. 2009 ലാണ് കേസിനാസ്പദമായ സംഭവം നടക്കുന്നത്.

14കാരിയായ പെണ്‍കുട്ടിയെ അമ്മയും കാമുകനും ചേര്‍ന്ന് വനത്തിനുള്ളിലേയ്ക്ക് കൂട്ടിക്കൊണ്ട് പോയി പീഡിപ്പിച്ച ശേഷം പാറയില്‍ തലയിടിച്ച് കൊലപ്പെടുത്തുകയായിരുന്നു. പെണ്‍കുട്ടിയുടെ അമ്മ സാവിത്രിയുടെ കാമുകനായ രാജീവിന് പെണ്‍കുട്ടിയുമായും അടുപ്പമുണ്ടായിരുന്നു. ഇയാള്‍ ഒട്ടേറെ തവണ പെണ്‍കുട്ടിയെ പീഡനത്തിന് ഇരയാക്കിയിട്ടുണ്ട്.

പെണ്‍കുട്ടിയ്ക്ക് മറ്റൊരാളുമായുള്ള അടുപ്പമാണ് കൊലപാതകത്തിലേയ്ക്ക് നയിച്ചത്. സാവിത്രിയുടെ കൂടി സഹായത്തോടെ പെണ്‍കുട്ടിയെ അലുമുക്ക് വനത്തിനുള്ളിലേയ്ക്ക് കൂട്ടി കൊണ്ട് പോവുകയായിരുന്നു. അവിടെ വച്ച് പീഡനത്തിനിരയാക്കുകയായിരുന്നു. തുടര്‍ന്ന് പെണ്‍കുട്ടിയുടെ തല പാറയിലിടിച്ച് കൊലപ്പെടുത്തുകയായിരുന്നു.

പെണ്‍കുട്ടിയുടെ അച്ഛന്‍ ഇഴരുമായി അകന്ന് കഴിയുകായിരുന്നു. രാജീവും സാവിത്രിയും മരിച്ച കുട്ടിയും ഒരുമിച്ചായിരുന്നു താമസം. കേസില്‍ പ്രതികള്‍ കുറ്റക്കാരാണെന്ന് കണ്ടെത്തിയ കോടതി ശിക്ഷ വെള്ളിയാഴ്ച വിധിയ്ക്കും.

English summary

14 Year old girl murdered: Mother and lover convicted