Click it and Unblock the Notifications
Just In
Don't Miss
-
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
സംസ്ഥാനത്ത് ഇന്ന് 15 മിനുട്ട് വൈദ്യുതി നിയന്ത്രണം, സമയക്രമം ഇങ്ങനെ
തിരുവനന്തപുരം: ഒരിടവേളയ്ക്ക് ശേഷം കേരളത്തില്‍ വീണ്ടും വൈദ്യുതി നിയന്ത്രണം തിരിച്ചെത്തി. കല്‍ക്കരി ക്ഷാമം വൈദ്യുതി ഉല്‍പ്പാദന നിലയങ്ങളുടെ പ്രവര്‍ത്തനത്തെ ബാധിച്ചതിനാല്‍ സംസ്ഥാനത്ത് ഇന്ന് വൈദ്യുതി നിയന്ത്രണം ഏര്‍പ്പെടുത്തും. ഇന്ന് വൈകീട്ടാണ് നിയന്ത്രണമുണ്ടായിരിക്കുകയെന്ന് കെഎസ്ഇബി അറിയിച്ചു. ഇന്ന് വൈകീട്ട് 6.30 മുതല്‍ 11.30 വരെയുള്ള സമയത്ത് 15 മിനുട്ട് വൈദ്യുതി നിയന്ത്രണമാണ് ഏര്‍പ്പെടുത്തുന്നത്. കേന്ദ്ര പൂളില്‍ നിന്നും കേരളത്തിന് ലഭിക്കേണ്ട വൈദ്യുതിയില്‍ കുറവുണ്ടാകുന്ന സാഹചര്യത്തിലാണ് നിയന്ത്രണമേര്‍പ്പെടുത്തുന്നത്. അതേസമയം വിപണിയില്‍ വൈദ്യുതി ലഭിക്കുന്നതിന് അനുസരിച്ച് നിയന്ത്രണ സമയത്തില്‍ വ്യത്യാസമുണ്ടാകും.
അതേസമയം നഗരമേഖലകളെയും ആശുപത്രികള്‍ ഉള്‍പ്പെടെയുള്ള അവശ്യസേവന മേഖലകളിലും വൈദ്യുതി നിയന്ത്രണം ഉണ്ടായിരിക്കില്ല. സംസ്ഥാനത്തിന് ഇന്ന് 4580 മെഗാവാട്ട് വൈദ്യുതിയാണ് രാത്രി വരെ വേണ്ടി വരിക എന്നാണ് കണക്ക്. എന്നാല്‍ കേരളത്തിന് വൈദ്യുതി നല്‍കുന്ന ജാര്‍ഖണ്ഡിലെ മൈഥോണ്‍ പവര്‍ സ്റ്റേഷനിലെ കല്‍ക്കരി ക്ഷാമം മൂലം ഉല്‍പ്പാദനം കുറച്ചിട്ടുണ്ട്. ഇതോടെ കേരളത്തിന് കിട്ടേണ്ട വൈദ്യുതിയില്‍ 400 മുതല്‍ 500 മെഗാവാട്ട് വരെ വൈദ്യുതിയുടെ കുറവുണ്ടാകും. ഈ പ്രതിസന്ധിയെ നേരിടാന്‍ വൈദ്യുതി നിയന്ത്രണമല്ലാതെ മറ്റ് മാര്‍ഗങ്ങളില്ല. നേരത്തെ ജാര്‍ഖണ്ഡിലും ഇതേ പോലെ വൈദ്യുതി പ്രതിസന്ധി രൂക്ഷമായിരുന്നു.
പരമാവധി വൈദ്യുതി വാങ്ങി നിയന്ത്രണ സമയം കുറയ്ക്കാനാണ് നോക്കുന്നതെന്ന് അധികൃതര്‍ പറഞ്ഞു. സംസ്ഥാനത്തെ ആഭ്യന്തര ഉല്‍പ്പാദനവും ഉപഭോഗവും തമ്മില്‍ 400 മെഗാവാട്ടിന്റെ വ്യത്യാസമമുണ്ട്. ദീര്‍ഘകാല കരാറുകളില്‍ നിന്നല്ലാതെ പവര്‍ എക്‌സ്‌ചേഞ്ചില്‍ നിന്ന് ബോര്‍ഡിന് വൈദ്യുതി കിട്ടുന്നില്ല. കല്‍ക്കരി ക്ഷാമം മൂന്ന് നിലയങ്ങളുടെ പ്രവര്‍ത്തനത്തെ ബാധിച്ചതിനാല്‍ 78 മെഗാവാട്ട് വൈദ്യുതി ലഭിക്കുന്നില്ല. ഇതോടൊപ്പം ബംഗാളിലെ നിലയത്തിലെ സാങ്കേതിക പ്രശ്‌നം കൊണ്ട് 135 മെഗാവാട്ട് വൈദ്യുതിയുടെ കുറവുമുണ്ട്. കടുത്ത ചൂട് കാരണം ഉപഭോഗം കൂടുന്നതിനാല്‍ കേരളം പവര്‍ എക്‌സ്‌ചേഞ്ചിനെ കൂടുതലായി ആശ്രയിക്കുന്ന മാസം കൂടിയാണിത്.
ഏപ്രില്‍-മെയ് മാസങ്ങളില്‍ പൊതുവേ വൈദ്യുതി ഉപഭോഗം കൂടാറുണ്ട്. എന്നാല്‍ ഉല്‍പ്പാദകരുമായി നേരത്തെ കരാര്‍ വെക്കാറില്ല. വേനല്‍ മഴ ലഭിക്കുന്നതിനാല്‍ ചില ദിവസങ്ങളില്‍ ഉപഭോഗം കുറയാറുമുണ്ട്. അതേസമയം രാജ്യത്തെ വിവിധ താപനിലയങ്ങളില്‍ കല്‍ക്കരി ക്ഷാമം മൂലം വൈദ്യുതി ഉല്‍പ്പാദനത്തില്‍ കുറവ് വന്നിട്ടുണ്ട്. ഇതുമൂലം കഴിഞ്ഞ കുറച്ച് ദിവസങ്ങളായി വിവിധ സംസ്ഥാനങ്ങളില്‍ പവര്‍കട്ട് ഏര്‍പ്പെടുത്തിയിരുന്നു. പതിനാല് സംസ്ഥാനങ്ങളില്‍ ഒരു മണിക്കൂറിലേറെ പവര്‍ കട്ടോ ലോഡ് ഷെഡ്ഡിംഗോ ഏര്‍പ്പെടുത്തിയിട്ടുണ്ട്. കോഴിക്കോട് നല്ലളത്തുള്ള താപവൈദ്യുതി നിലയത്തില്‍ ഉല്‍പ്പാദനം തുടങ്ങാന്‍ തീരുമാനിച്ചിട്ടുണ്ട്. ഇതോടെ പ്രതിസന്ധി താല്‍ക്കാലികമായി ഒഴിവാക്കാനുമെന്നാണ് പ്രതീക്ഷ.
Recommended Video
