Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
തൃശൂരില്‍ 150 വര്‍ഷം പഴക്കമുള്ള കെട്ടിടം തകര്‍ന്നുവീണു: കേരളത്തില്‍ മഴ കുറയുന്നു!!
തൃശൂര്: തൃശൂര് ജില്ല ആശുപത്രിയ്ക്ക് സമീപത്ത് കെട്ടിടം തകര്‍ന്നുവീണു. തൃശൂര് നഗരസഭയ്ക്ക് കീഴിലുള്ള 150 വര്‍ഷം പഴക്കമുള്ള കെട്ടിടമാണ് തകര്‍ന്നുവീണിട്ടുള്ളത്. മുപ്പതിലധികം സ്ഥാപനങ്ങളാണ് ഇവിടെ പ്രവര്‍ത്തിക്കുന്നത്. എന്നാല്‍ അവധി ആയതിനാല്‍ ആളുകളില്ലാതിരുന്നതിനാല്‍ ആളപായമില്ല. പാതി തകര്‍ന്ന കെട്ടിടത്തിന്റെ അവശേഷിക്കുന്ന ഭാഗവും ഏത് സമയത്തും തകര്‍ന്ന് വീഴാവുന്ന സ്ഥിതിയിലാണുള്ളത്.
ജനങ്ങളുടെ സുരക്ഷ കണക്കിലെടുത്ത് പോലീസ് ഈ റോഡ് സീല്‍ ചെയ്തിട്ടുണ്ട്. അതിന്പുറമേ കെട്ടിടം ഉടന്‍ പൊളിച്ചുനീക്കുമെന്ന് തൃശൂര് മേയര്‍ അജിത വിജയന്‍ അറിയിച്ചു. കേരളത്തിലെ മറ്റ് ജില്ലകളെ അപേക്ഷിച്ച് തൃശൂരില്‍ മഴക്കെടുതിയില്‍ വ്യാപക നാശം റിപ്പോര്‍ട്ട് ചെയ്തിരുന്നില്ല. രണ്ട് മരണങ്ങളാണ് ജില്ലയില്‍ റിപ്പോര്‍ട്ട് ചെയ്തിട്ടുള്ളത്. കെഎസ്ഇബി എന്‍ജിനീയര്‍ കെ ബൈജു, കാരിക്കുറ്റി രാമകൃഷ്ണന്‍ എന്നിവരാണ് മരിച്ചത്.
കേരളത്തില്‍ ശക്തമായ മഴയ്ക് ശമനം വന്നിട്ടുണ്ടെങ്കിലും വയനാട്, കാസര്‍ഗോഡ്, കണ്ണൂര്‍ ജില്ലകളില്‍ ഞായറാഴ്ചയും റെഡ് അലര്‍ട്ടാണ് നിലവിലുള്ളത്. ഇതിനകം കേരളത്തില്‍ 68 പേരാണ് മഴക്കെടുതിയില്‍ മരണമടഞ്ഞത്. ഉരുള്‍പൊട്ടല്‍ നാശം വിതച്ച കവളപ്പാറയില്‍ നിന്ന് ഞായറാഴ്ച രണ്ട് മൃതദേഹങ്ങളാണ് കണ്ടെടുത്തത്. പത്ത് മൃതദേഹങ്ങള്‍ കണ്ടെടുത്ത വയനാട്ടിലെ പുത്തുമലയിലും സൈന്യത്തിന്റേയും അഗ്നിശമന സേനാംഗങ്ങളും രക്ഷാപ്രവര്‍ത്തനം നടത്തിവരുന്നുണ്ട്. തൃശൂര് ജില്ലയില്‍ ചാലക്കുടിപ്പുഴയിലുള്‍പ്പെടെ ജലനിരപ്പ് ഉയര്‍ന്നതോടെ ഈ പ്രദേശങ്ങളില്‍ നിന്ന് ജനങ്ങളെ മാറ്റിപ്പാര്‍പ്പിച്ചിരുന്നു.
