കേരളത്തില് ഇന്ന് 16 ഹോട്ട് സ്പോട്ടുകള്; 15 പ്രദേശങ്ങളെ ഒഴിവാക്കി
തിരുവനന്തപുരം: കേരളത്തില് കൊറോണ രോഗികളുടെ എണ്ണം വന്തോതില് വര്ധിക്കുന്നു. ഇന്ന് 500ഓളം പേര്ക്കാണ് രോഗം ബാധിച്ചത്. സമ്പര്ക്കത്തിലൂടെ രോഗം വ്യാപിക്കുന്നതാണ് ആശങ്ക ഇരട്ടിയാക്കുന്നത്. ഇന്ന് 16 പുതിയ ഹോട്ട് സ്പോട്ടുകളാണുള്ളത്. എറണാകുളം ജില്ലയിലെ ചെങ്ങമനാട് (കണ്ടൈന്മെന്റ് സോണ്: വാര്ഡ് 14), കരുമല്ലൂര് (4), ശ്രീമൂലനഗരം (4), വാഴക്കുളം (19), മലയാറ്റൂര്-നീലേശ്വരം (13), വടക്കേക്കര (15), അലപ്പുഴ ജില്ലയിലെ വള്ളിക്കുന്നം (2, 3), പുലിയൂര് (1), ആലപ്പുഴ മുന്സിപ്പാലിറ്റി (1), ആല (13), കോട്ടയം ജില്ലയിലെ മണര്ക്കാട് (8), ഇടുക്കി ജില്ലയിലെ കഞ്ഞിക്കുഴി (10, 11, 14), വാത്തിക്കുടി (11, 14), വയനാട് ജില്ലയിലെ കോട്ടത്തറ (5), കണിയാമ്പറ്റ (12), പാലക്കാട് ജില്ലയിലെ കുലുക്കല്ലൂര് (7) എന്നിവയാണ് പുതിയ ഹോട്ട് സ്പോട്ടുകള്.
അതേസമയം 15 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. കണ്ണൂര് ജില്ലയിലെ ഇരിക്കൂര് (കണ്ടൈന്മെന്റ് സോണ്: വാര്ഡ് 2), കടമ്പൂര് (3), കടന്നപ്പള്ളി-പാണപ്പുഴ (7, 10), കൊട്ടിയൂര് (11), കറുമാത്തൂര് (2, 10), മാടായി (7), പാപ്പിനിശ്ശേരി (16), തില്ലങ്കേരി (10), പാലക്കാട് ജില്ലയിലെ ലക്കിടിപേരൂര് (9), തച്ചമ്പാറ (5), തൃക്കടീരി (10), തിരുമിട്ടക്കോട് (8), നല്ലേപ്പിള്ളി (7), കൊടുവായൂര് (13), ആലപ്പുഴ ജില്ലയിലെ അമ്പലപ്പുഴ സൗത്ത് (2) പ്രദേശങ്ങളെയാണ് കണ്ടൈന്മെന്റ് സോണില് നിന്നും ഒഴിവാക്കിയത്. നിലവില് ആകെ 195 ഹോട്ട് സ്പോട്ടുകളാണ് ഉള്ളത്.
സ്വപ്ന സുരേഷ് എന്ഐഎ വലയില്; 6 മാസം പുറംലോകം കാണില്ല, അന്വേഷണം ഫൈസല് ഫരീദിലേക്ക്
Recommended Video
സംസ്ഥാനത്ത് ഇന്ന് 488 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് പറഞ്ഞു. ആലപ്പുഴ ജില്ലയില് നിന്നുള്ള 87 പേര്ക്കും, തിരുവനന്തപുരം ജില്ലയില് നിന്നുള്ള 69 പേര്ക്കും, പത്തനംതിട്ട ജില്ലയില് നിന്നുള്ള 54 പേര്ക്കും, മലപ്പുറം ജില്ലയില് നിന്നുള്ള 51 പേര്ക്കും, പാലക്കാട് ജില്ലയില് നിന്നുള്ള 48 പേര്ക്കും, എറണാകുളം ജില്ലയില് നിന്നുള്ള 47 പേര്ക്കും (ഒരാള് മരണമടഞ്ഞു), തൃശൂര് ജില്ലയില് നിന്നുള്ള 29 പേര്ക്കും, കണ്ണൂര് ജില്ലയില് നിന്നുള്ള 19 പേര്ക്കും, കൊല്ലം, കാസര്കോട് ജില്ലകളില് നിന്നുള്ള 18 പേര്ക്ക് വീതവും, കോഴിക്കോട് ജില്ലയില് നിന്നുള്ള 17 പേര്ക്കും, കോട്ടയം ജില്ലയില് നിന്നുള്ള 15 പേര്ക്കും, വയനാട് ജില്ലയില് നിന്നുള്ള 11 പേര്ക്കും, ഇടുക്കി ജില്ലയില് നിന്നുള്ള 5 പേര്ക്കും ആണ് ഇന്ന് രോഗബാധ സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 167 പേര് വിദേശ രാജ്യങ്ങളില് നിന്നും 76 പേര് മറ്റ് സംസ്ഥാനങ്ങളില് നിന്നും വന്നതാണ്. 234 പേര്ക്കാണ് സമ്പര്ക്കത്തിലൂടെ രോഗം ബാധിച്ചത്.