പ്ലസ്ടു വിദ്യാർത്ഥിനിയെ കാണാതായിട്ട് 18 ദിവസം!!! ഇടുക്കി പോലീസ് കയ്യുംകെട്ടി നോക്കി നിൽക്കുന്നു...

പ്ലസ്ടു വിദ്യാര്‍ത്ഥിനിയായ പെണ്‍കുട്ടി കോച്ചിംഗ് ക്ലാസിന് പോകുന്നെന്ന് പറഞ്ഞാണ് വീട്ടില്‍ നിന്ന് ഇറങ്ങിയത്.

ഇടുക്കി: മകളെ കാണാതായിട്ട് 18 ദിവസം ആയെങ്കിലും പോലീസ് കാര്യക്ഷമമായി അന്വേഷണം നടത്തുന്നില്ലെന്ന് രക്ഷിതാക്കളുടെ പരാതി. ഇടുക്കി മുരിക്കാശ്ശേരി സ്വദേശിയായ 17കാരിയെയാണ് 18 ദിവസമായി കാണാതായത്. പ്ലസ്ടു വിദ്യാര്‍ത്ഥിനിയായ പെണ്‍കുട്ടി കോച്ചിംഗ് ക്ലാസിന് പോകുന്നെന്ന് പറഞ്ഞാണ് വീട്ടില്‍ നിന്ന് ഇറങ്ങിയത്.

മാര്‍ച്ച് നാലിനാണ് ട്യൂഷന്‍ ക്ലാസിലേക്ക് എന്ന് പറഞ്ഞ് പെണ്‍കുട്ടി വീട്ടില്‍ നിന്ന് പോയത്. വൈകുന്നേരം ആയിട്ടും കുട്ടി വീട്ടില്‍ തിരിച്ചെത്താത്തതിനെ തുടര്‍ന്ന് വീട്ടുകാര്‍ പോലീസില്‍ പരാതി നല്‍കി.

ഇടുക്കി എസ്‌ഐയുടെ നേതൃത്വത്തില്‍ ആയിരുന്നു. പോലീസുകാര്‍ രണ്ട് തവണ വീട്ടില്‍ എത്തി പരിശോധന നടത്തി മടങ്ങി എന്നല്ലാതെ കാര്യമായ പുരോഗതി അന്വേഷണത്തില്‍ ഇല്ല.

കട്ടപ്പനയില്‍ നടക്കുന്ന കോച്ചിംഗ് ക്ലാസില്‍ പങ്കെടുക്കാനാണ് പെണ്‍കുട്ടി വീട്ടില്‍ നിന്ന് ഇറങ്ങിയത്. എന്നാല്‍ കുട്ടി അന്ന് ക്ലാസില്‍ ചെന്നിട്ടില്ല. അടുത്തുള്ള ബന്ധുക്കളുടെ വീട്ടിലും അന്വേഷിച്ചെങ്കിലും അവിടേയും ചെന്നിട്ടില്ല.

പെണ്‍കുട്ടിയുടെ കയ്യില്‍ മൊബൈല്‍ ഫോണ്‍ ഉണ്ട്. പരിധിയ്ക്ക് പുറത്ത് എന്ന മറുപടിയാണ് ഇതില്‍ നിന്ന് ലഭിയ്ക്കുന്നത്.

പെണ്‍കുട്ടിയുടെ കൈവശം മൊബൈല്‍ ഫോണ്‍ ഉള്ള സ്ഥിതിയ്ക്ക് പോലീസിന് ടനര്‍ ലൊക്കേഷന്‍ പരിശോധിയ്ക്കാവുന്നതാണ്. എന്നാല്‍ ഇതിനുള്ള ഒരു നടപടിയും ഇടുക്കി പോലീസിന്റെ ഭാഗത്ത് നിന്ന് ഉണ്ടായിട്ടില്ല. ജനപ്രതിനിധികള്‍ അടക്കമുള്ളവര്‍ ഇടപെട്ടിട്ടും അന്വേഷണം പുരോഗമിയ്ക്കുന്നുണ്ട് എന്ന മറുപടി മാത്രമാണ് ഉദ്യോഗസ്ഥരില്‍ നിന്ന് ലഭിയ്ക്കുന്നത്.

English summary

17 Year girl missing from Idukki, Police is inactive says parents.