സിഗരറ്റിൽ കഞ്ചാവ് നിറച്ചു; പ്രായപൂർത്തിയാകാത്ത പെൺകുട്ടിയെ നിരവധി തവണ പീഡിപ്പിച്ചു, 19കാരൻ അറസ്റ്റിൽ

താമരശ്ശേരി: പ്രായപൂർത്തിയാകാത്ത പെൺകുട്ടിയെ മയക്കുമരുന്ന് നൽകി പീഡിപ്പിച്ചു. പത്തൊമ്പതുകാരൻ അറസ്റ്റിൽ. കൊടിയത്തൂർ സ്വദേശി സിടി അഷ്റഫിനെയാണ് പോലീസ് അറസ്റ്റ് ചെയ്തത്. താമരശ്ശേരി കോടതിയിൽ ഹാജരാക്കിയ അഷ്റഫിനെ 14 ദിവസത്തേക്ക് റിമാന്റ് ചെയ്യും. മുക്കം നഗരസഭാ പരിധിയിലെ സര്‍ക്കാര്‍ സ്കൂളിലെ വിദ്യാർത്ഥിയാണ് പീഡനത്തിനിരയാക്കിയത്.

സര്‍ക്കാര്‍ സ്കൂളിൽ ശുചിമുറിയില്‍ 16കാരി സിഗരറ്റ് വലിക്കുന്നത് കണ്ടത് സഹപാഠികൾ അധ്യാപകരെ അറിയിച്ചു. അധ്യാപകര്‍ ചോദ്യം ചെയ്തപ്പോള്‍ സിഗരറ്റ് നൽകിയത് അഷ്റഫാണെന്ന് പെൺകുട്ടി അറിയിച്ചു. ഇതോടെ, സ്കൂൾ അധികൃതര്‍ മുക്കം പോലീസില്‍ പരാതി നല്‍കി.

കഞ്ചാവടക്കമുള്ള ലഹരി മരുന്ന് നല്‍കി അഷ്റഫ് പലതവണ പീഡിപിക്കാന്‍ ശ്രമിച്ചിട്ടുണ്ടെന്നാണ് പെണ്കുട്ടി പോലീസിന് നൽകിയ മോഴിയിൽ വ്യക്തമാക്കുന്നത്. പ്രദേശത്തെ സ്കൂളുകളും കോളേജുകളും കേന്ദ്രീകരിച്ച് ലഹരി വിൽപ്പന നടത്തുന്ന സംഘത്തിലെ പ്രധാന കണ്ണിയാണ് അഷ്റഫ് എന്നും പോലീസ് വ്യക്തമാക്കുന്നു. അഷ്റഫിന് പിന്നിൽ വലിയ സംഘമുണ്ടെന്നും ഇവർക്കായി തിരച്ചിൽ തുരുകയാണെന്നും പോലീസ് വ്യക്തമാക്കി.

English summary

19 years old arrested for drug trade case