ലൈഫ് മിഷന് പദ്ധതി: 2 ലക്ഷം വീടുകള് പൂര്ത്തിയായെന്ന് മുഖ്യമന്ത്രി, മൂന്നാം ഘട്ടത്തിന് തുടക്കം
തിരുവനന്തപുരം: ലൈഫ് മിഷന് പദ്ധതിയില് രണ്ടു ലക്ഷം വീടുകൾ പൂർത്തിയായതായി മുഖ്യമന്ത്രി പിണറായി വിജയന്. വീടുകളുടെ പൂർത്തീകരണ പ്രഖ്യാപനം ഈ മാസം 29 ന് നടക്കുമെന്നും മുഖ്യമന്ത്രി അറിയിച്ചു.
സംസ്ഥാനത്ത് സ്വന്തമായി വീടില്ലാത്ത മുഴുവന് ആളുകള്ക്കും വീട് വെച്ച് നല്കുന്നതാണ് പദ്ധതി.
ഇപ്പോഴും പലരും വീടിനായി കാത്തിരിക്കുന്നുണ്ട്. ഇതിനായി ലൈഫിന്റെ മൂന്നാം ഘട്ടം ആരംഭിച്ചു കഴിഞ്ഞു. അവർക്കും ലൈഫ് നൽകാൻ സർക്കാർ പ്രതിജ്ഞാബദ്ധമാണ്. കിടപ്പാടമില്ലാത്തവരെ ചേർത്തുനിർത്തി
തല ചായ്ക്കാനൊരിടവും ജീവിത സാഹചര്യങ്ങളും ഒരുക്കുക എന്നതാണ് ഈ സർക്കാരിന്റെ വികസനനയം, മുഖ്യമന്ത്രി പറഞ്ഞു.
മൂന്നാം ഘട്ടം കൂടി പൂര്ത്തിയാകുന്നതോടെ സംസ്ഥാനത്ത് അഞ്ച് ലക്ഷം പേര്ക്ക് വീടുകള് ഒരുങ്ങും. കഴിഞ്ഞ രണ്ട് വര്ഷവും ഉണ്ടായ പ്രളയത്തില് നിരവധി പേര്ക്കാണ് വീട് നഷ്ടമായത്. ഇവര്ക്കും വീടുകള് ഒരുക്കേണ്ടതുകൊണ്ടാണ് ലൈഫ് മിഷന് ഭവനങ്ങളുടെ നിര്മ്മാണം അല്പ്പം വൈകിപ്പിച്ചതെന്നും മുഖ്യമന്ത്രി പറഞ്ഞു.
തല ചായ്ക്കാൻ സ്വന്തമായി ഒരിടം സ്വപ്നം കണ്ട് ദിവസങ്ങൾ തള്ളി നീക്കിയ ലക്ഷക്കണക്കിന് കുടുംബങ്ങൾ. അവരുടെ സ്വപ്നങ്ങൾക്കൊപ്പം സർക്കാർ നിലകൊണ്ടു, ലൈഫ് പദ്ധതിക്ക് രൂപം നൽകി. ആ സ്വപ്നങ്ങൾ യാഥാർത്ഥ്യമാകുന്നു. ഒന്നും രണ്ടുമല്ല, രണ്ടു ലക്ഷം വീടുകൾ പൂർത്തിയായി. pic.twitter.com/ugJEBneddU
— Pinarayi Vijayan (@vijayanpinarayi) February 24, 2020
കോണ്ഗ്രസിന് ഞെട്ടല്; സിഎഎ നടപ്പാക്കണമെന്ന് ദിഗ്വിജയ് സിംഗിന്റെ സഹോദരന്
കെ സുരേന്ദ്രന് ആദ്യ 'അടി' കുണ്ടാര് വക; ആദ്യ തീരുമാനം തന്നെ നയിച്ചത് പൊട്ടിത്തെറിയിലേക്ക്
Click it and Unblock the Notifications
Sign in with Google