ഇന്ന് കൊറോണ രോഗികള് കൂടുതല് കോട്ടയത്ത്; കേരളത്തിലെ ഹോട്ട്സ്പോട്ടുകള് 458 ആയി
തിരുവനന്തപുരം: കേരളത്തില് ഇന്ന് 5700 കടന്ന് കൊറോണ രോഗികള്. കോട്ടയം ജില്ലയിലാണ് കൂടുതല് രോഗം റിപ്പോര്ട്ട് ചെയ്തത്. ശേഷം മലപ്പുറത്തും. ഇന്ന് 2 പുതിയ ഹോട്ട് സ്പോട്ടുകളാണുള്ളത്. പാലക്കാട് ജില്ലയിലെ ഒറ്റപ്പാലം മുന്സിപ്പാലിറ്റി (കണ്ടെന്മെന്റ് സോണ് വാര്ഡ് 27), ഇടുക്കി ജില്ലയിലെ കൊക്കയാര് (11) എന്നിവയാണ് പുതിയ ഹോട്ട് സ്പോട്ടുകള്. ഇന്ന് 2 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ ആകെ 458 ഹോട്ട് സ്പോട്ടുകളാണുള്ളത്.
കേരളത്തില് ഇന്ന് 5711 പേര്ക്കാണ് കോവിഡ്-19 സ്ഥിരീകരിച്ചത്. കോട്ടയം 905, മലപ്പുറം 662, കോഴിക്കോട് 650, എറണാകുളം 591, കൊല്ലം 484, തൃശൂര് 408, പത്തനംതിട്ട 360, തിരുവനന്തപുരം 333, കണ്ണൂര് 292, ആലപ്പുഴ 254, പാലക്കാട് 247, ഇടുക്കി 225, വയനാട് 206, കാസര്ഗോഡ് 94 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 53,858 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.60 ആണ്. 30 പേര് മരിച്ചു. ഇതോടെ ആകെ മരണം 2816 ആയി.
കോട്ടയത്ത് വന് ട്വിസ്റ്റ്; വിമതയുടെ പിന്തുണ കോണ്ഗ്രസിന്, ഡിസിസി ഓഫീസിലെത്തി, ആവശ്യം ഇങ്ങനെ
ഇന്ന് രോഗം സ്ഥിരീകരിച്ചവരില് 111 പേര് സംസ്ഥാനത്തിന് പുറത്ത് നിന്നും വന്നവരാണ്. 5058 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 501 പേരുടെ സമ്പര്ക്ക ഉറവിടം വ്യക്തമല്ല. കോട്ടയം 853, മലപ്പുറം 623, കോഴിക്കോട് 621, എറണാകുളം 437, കൊല്ലം 478, തൃശൂര് 389, പത്തനംതിട്ട 297, തിരുവനന്തപുരം 240, കണ്ണൂര് 249, ആലപ്പുഴ 239, പാലക്കാട് 125, ഇടുക്കി 216, വയനാട് 202, കാസര്ഗോഡ് 89 എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്.
41 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 4471 പേരുടെ പരിശോധനാഫലം നെഗറ്റീവ് ആയി. 61,604 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 6,41,285 പേര് ഇതുവരെ കോവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 2,87,099 പേരാണ് ഇപ്പോള് നിരീക്ഷണത്തിലുള്ളത്. 1393 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.