കേരളത്തില് 20 ഹോട്ട് സ്പോട്ടുകള് കൂടി; ആറെണ്ണം ഒഴിവാക്കി, ആശങ്ക ഒഴിയാതെ സംസ്ഥാനം
തിരുവനന്തപുരം: കേരളത്തില് കൊറോണ രോഗ വ്യാപനത്തിന് കുറവില്ല. ഇന്ന് രോഗ സാധ്യത കണ്ടെത്തിയ 20 പ്രദേശങ്ങള് കൂടി ഹോട്ട് സ്പോട്ടുകളായി പ്രഖ്യാപിച്ചു. കൊല്ലം ജില്ലയിലെ തൊടിയൂര് (കണ്ടൈന്മെന്റ് സോണ്: എല്ലാ വാര്ഡുകളും), ശൂരനാട് നോര്ത്ത് (എല്ലാ വാര്ഡുകളും), ആലപ്പാട് (എല്ലാ വാര്ഡുകളും), വിളക്കുടി (എല്ലാ വാര്ഡുകളും), മയ്യനാട് (എല്ലാ വാര്ഡുകളും), കരീപ്ര (എല്ലാ വാര്ഡുകളും), ഉമ്മന്നൂര് (എല്ലാ വാര്ഡുകളും), പത്തനംതിട്ട ജില്ലയിലെ ചെന്നീര്ക്കര (13), ഏറാത്ത് (11, 13, 15), ആറന്മുള (14), എറണാകുളം ജില്ലയിലെ കുഴുപ്പിള്ളി (1), നെടുമ്പാശേരി (15), ചിറ്റാറ്റുകര (3), ഇടുക്കി ജില്ലയിലെ വണ്ണപുറം (1, 17), മൂന്നാര് (19), തൃശൂര് ജില്ലയിലെ എടത്തുരുത്തി (11), ആളൂര് (1), കോട്ടയം ജില്ലയിലെ ഏറ്റുമാനൂര് മുന്സിപ്പാലിറ്റി (35), ആലപ്പുഴ ജില്ലയിലെ അമ്പലപ്പുഴ നോര്ത്ത് (1, 2, 18), പാലക്കാട് ജില്ലയിലെ നെന്മാറ (5) എന്നിവയാണ് പുതിയ ഹോട്ട് സ്പോട്ടുകള്.
അതേസമയം 6 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. തൃശൂര് ജില്ലയിലെ തൃശൂര് കോര്പറേഷന് (കണ്ടൈന്മെന്റ് സോണ്: 35, 49, 51), ശ്രീനാരായണപുരം (11, 12), നടത്തറ (8), പുത്തന്ചിറ (6, 7), എറണാകുളം ജില്ലയിലെ മരട് മുന്സിപ്പാലിറ്റി (4), വയനാട് ജില്ലയിലെ സുല്ത്താന് ബത്തോരി മുന്സിപ്പാലിറ്റി (24) എന്നീ പ്രദേശങ്ങളെയാണ് കണ്ടൈന്മെന്റ് സോണില് നിന്നും ഒഴിവാക്കിയത്. നിലവില് ആകെ 299 ഹോട്ട് സ്പോട്ടുകളാണ് ഉള്ളത്.
കേരളത്തില് ഇന്ന് 593 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. തിരുവനന്തപുരം ജില്ലയില് നിന്നുള്ള 173 പേര്ക്കും, കൊല്ലം ജില്ലയില് നിന്നുള്ള 53 പേര്ക്കും, പാലക്കാട് ജില്ലയില് നിന്നുള്ള 49 പേര്ക്കും, എറണാകുളം ജില്ലയില് നിന്നുള്ള 44 പേര്ക്കും, ആലപ്പുഴ ജില്ലയില് നിന്നുള്ള 42 പേര്ക്കും, കണ്ണൂര് ജില്ലയില് നിന്നുള്ള 39 പേര്ക്കും, കാസര്ഗോഡ് ജില്ലയില് നിന്നുള്ള 29 പേര്ക്കും, പത്തനംതിട്ട, ഇടുക്കി ജില്ലകളില് നിന്നുള്ള 28 പേര്ക്ക് വീതവും, കോഴിക്കോട്, വയനാട് ജില്ലകളില് നിന്നുള്ള 26 പേര്ക്ക് വീതവും, തൃശൂര് ജില്ലയില് നിന്നുള്ള 21 പേര്ക്കും, മലപ്പുറം ജില്ലയില് നിന്നുള്ള 19 പേര്ക്കും, കോട്ടയം ജില്ലയില് നിന്നുള്ള 16 പേര്ക്കും ആണ് ഇന്ന് രോഗ ബാധ സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 116 പേര് വിദേശ രാജ്യങ്ങളില് നിന്നും 90 പേര് മറ്റ് സംസ്ഥാനങ്ങളില് നിന്നും വന്നതാണ്. 364 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 36 പേരുടെ സമ്പര്ക്ക ഉറവിടം വ്യക്തമല്ല.
Click it and Unblock the Notifications
Sign in with Google