സംസ്ഥാനത്ത് പുതിയ 22 ഹോട്ട് സ്പോട്ടുകള്; മൊത്തം 351, ആറ് പ്രദേശങ്ങളെ ഒഴിവാക്കി
തിരുവനന്തപുരം: കേരളത്തില് ഇന്നും 700ലധികം പേര്ക്ക് കൊറോണ വൈറസ് രോഗം സ്ഥിരീകരിച്ചു. തിരുവനന്തപുരം ജില്ലയിലാണ് കൂടുതല്. 528 പേര്ക്ക് സമ്പര്ക്കത്തിലൂടെ രോഗം ബാധിച്ചു എന്നതാണ് ഏറെ ആശങ്കപ്പെടുത്തുന്നത്. 17 ആരോഗ്യ പ്രവര്ത്തകര്ക്കും രോഗം ബാധിച്ചു. ഇന്ന് 22 പുതിയ ഹോട്ട് സ്പോട്ടുകളാണുള്ളത്.
തൃശൂര് ജില്ലയിലെ മറ്റത്തൂര് (കണ്ടൈന്മെന്റ് സോണ് വാര്ഡ് 10, 11, 21), എരുമപ്പെട്ടി (9), പോര്ക്കുളം(3), ചേലക്കര (17), അളഗപ്പനഗര് (7), പുത്തഞ്ചിറ (6), വരന്തരപ്പള്ളി (9), ദേശമംഗലം (11, 13, 14, 15), മാള (16), കാസര്ഗോഡ് ജില്ലയിലെ പീലിക്കോട് (11), ബളാല് (2, 3, 11, 14), കാഞ്ഞങ്ങാട് മുന്സിപ്പാലിറ്റി (1, 24), പുത്തിഗെ (6), മടിക്കൈ (2), പടന്ന (5), കൊല്ലം ജില്ലയിലെ ചിറക്കര (എല്ലാ വാര്ഡുകളും), പൂയപ്പള്ളി (എല്ലാ വാര്ഡുകളും), തൃക്കരുവ (എല്ലാ വാര്ഡുകളും), മലപ്പുറം ജില്ലയിലെ കൊണ്ടോട്ടി മുന്സിപ്പാലിറ്റി (എല്ലാ വാര്ഡുകളും), നിലമ്പൂര് മുന്സിപ്പാലിറ്റി (എല്ലാ വാര്ഡുകളും), പത്തനംതിട്ട ജില്ലയിലെ കോന്നി (1, 16), തഴക്കര (21) എന്നിവയാണ് പുതിയ ഹോട്ട് സ്പോട്ടുകള്.
അതേസമയം 6 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. മലപ്പുറം ജില്ലയിലെ എടക്കര (3, 4, 5), വഴിക്കടവ് (21), പാലക്കാട് ജില്ലയിലെ കൊല്ലങ്കോട് (2), ശ്രീകൃഷ്ണപുരം (2), വയനാട് ജില്ലയിലെ മേപ്പാടി (19, 22), കാസര്ഗോഡ് ജില്ലയിലെ നീലേശ്വരം മുന്സിപ്പാലിറ്റി (5, 22) എന്നീ പ്രദേശങ്ങളേയാണ് കണ്ടൈന്മെന്റ് സോണില് നിന്നും ഒഴിവാക്കിയത്. നിലവില് ആകെ 351 ഹോട്ട് സ്പോട്ടുകളാണ് ഉള്ളത്.
കേരളത്തില് ഇന്ന് 720 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. തിരുവനന്തപുരം ജില്ലയില് നിന്നുള്ള 151 പേര്ക്കും, കൊല്ലം ജില്ലയില് നിന്നുള്ള 85 പേര്ക്കും, എറണാകുളം ജില്ലയില് നിന്നുള്ള 80 പേര്ക്കും, മലപ്പുറം ജില്ലയില് നിന്നുള്ള 61 പേര്ക്കും, കണ്ണൂര് ജില്ലയില് നിന്നുള്ള 57 പേര്ക്കും, ആലപ്പുഴ, പാലക്കാട് ജില്ലകളില് നിന്നുള്ള 46 പേര്ക്ക് വീതവും, പത്തനംതിട്ട, കാസര്കോട് ജില്ലകളില് നിന്നുള്ള 40 പേര്ക്ക് വീതവും, കോട്ടയം, കോഴിക്കോട് ജില്ലകളില് നിന്നുള്ള 39 പേര്ക്ക് വീതവും, തൃശൂര് ജില്ലയില് നിന്നുള്ള 19 പേര്ക്കും, വയനാട് ജില്ലയില് നിന്നുള്ള 17 പേര്ക്കുമാണ് ഇന്ന് രോഗ ബാധ സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 82 പേര് വിദേശ രാജ്യങ്ങളില് നിന്നും 54 പേര് മറ്റ് സംസ്ഥാനങ്ങളില് നിന്നും വന്നതാണ്. 528 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 34 പേരുടെ സമ്പര്ക്ക ഉറവിടം വ്യക്തമല്ല.
Click it and Unblock the Notifications
Sign in with Google