സംസ്ഥാനത്ത് ഇന്ന് 24 പേര്ക്ക് കോവിഡ്! ചികിത്സയിൽ 177 പേർ, ഇന്ന് രോഗമുക്തി 8 പേർക്ക്
തിരുവനന്തപുരം: സംസ്ഥാനത്ത് ഇന്ന് 24 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ. മലപ്പുറം ജില്ലയില് നിന്നുള്ള 5 പേര്ക്കും കണ്ണൂര് ജില്ലയില് നിന്നുള്ള 4 പേര്ക്കും കൊവിഡ് സ്ഥിരീകരിച്ചു. കോട്ടയം, തൃശൂര് ജില്ലകളില് നിന്നുള്ള 3 പേര്ക്ക് വീതവും തിരുവനന്തപുരം, കൊല്ലം, ആലപ്പുഴ ജില്ലകളില് നിന്ന് 2 പേര്ക്ക് വീതവും ഇടുക്കി, പാലക്കാട്, കാസര്ഗോഡ് ജില്ലകളില് ഓരോരുത്തര്ക്കുമാണ് രോഗം സ്ഥിരീകരിച്ചത്.
ഇതില് 14 പേര് വിദേശത്തു നിന്നും വന്നവരാണ്. 8 പേർ യുഎഇയിൽ നിന്നും 4 പേർ കുവൈത്തിൽ നിന്നും ഓരോരുത്തർ മലേഷ്യയിൽ നിന്നും വന്നവരാണ്. 10 പേര് മറ്റ് സംസ്ഥാനങ്ങളില് നിന്നും വന്നതാണ്. മഹാരാഷ്ട്രയിൽ നിന്ന് 5 പേർ, തമിഴ്നാട്ടിൽ നിന്ന് 3 പേരും ഗുജറാത്ത്, ആന്ധ്രപ്രദേശ് എന്നീ സംസ്ഥാനങ്ങളിൽ നിന്ന് ഓരോരുത്തരും വന്നു.
രോഗം സ്ഥിരികരിച്ച് ചികിത്സയിലായിരുന്ന 8 പേരുടെ പരിശോധനാഫലം ഇന്ന് നെഗറ്റീവ് ആയി. വയനാട് ജില്ലയില് നിന്നും 5 പേരുടെ പരിശോധനാ ഫലം നെഗറ്റീവ് ആയി. ഇതിലൊരാൾ മലപ്പുറം സ്വദേശിയാണ്. കോട്ടയം, എറണാകുളം , കോഴിക്കോട് ജില്ലകളില് നിന്നും ഒരാളുടെ വീതവും പരിശോധനാഫലവും നെഗറ്റീവ് ആയി. എറണാകുളത്തുളള വ്യക്തി മലപ്പുറം സ്വദേശിയാണ്. 177 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 510 പേര് രോഗമുക്തരായി.
എയര്പോര്ട്ട് വഴി 5495 പേരും സീപോര്ട്ട് വഴി 1621 പേരും ചെക്ക് പോസ്റ്റ് വഴി 68,844 പേരും റെയില്വേ വഴി 2136 പേരും ഉള്പ്പെടെ സംസ്ഥാനത്ത് ആകെ 78,096 പേരാണ് എത്തിയത്. വിവിധ ജില്ലകളിലായി 80,138 പേര് നിരീക്ഷണത്തിലാണ്. 79,611 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 527 പേര് ആശുപത്രികളിലും നിരീക്ഷണത്തിലാണ്. 153 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. ഇതുവരെ 49,833 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 48,276 സാമ്പിളുകളുടെ പരിശോധനാഫലം നെഗറ്റിവ് ആണ്.
സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 6540 സാമ്പിളുകള് ശേഖരിച്ചതില് 6265 സാമ്പിളുകള് നെഗറ്റീവ് ആയി. കഴിഞ്ഞ 24 മണിക്കൂറിനുള്ളില് 1798 സാമ്പിളുകളാണ് പരിശോധിച്ചത്.
Recommended Video
ഇന്ന് പുതുതായി 3 പ്രദേശങ്ങളെക്കൂടി ഹോട്ട് സ്പോട്ടിലാക്കിയിട്ടുണ്ട്. പാലക്കാട് ജില്ലയിലെ തൃക്കടീരി, ശ്രീകൃഷ്ണപുരം, കണ്ണൂര് ജില്ലയിലെ ധര്മ്മടം എന്നിവയാണ് പുതിയ ഹോട്ട് സ്പോട്ടുകള്. അതേ സമയം 8 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. നിലവില് ആകെ 28 ഹോട്ട് സ്പോട്ടുകളാണ് ഉള്ളത് എന്നും മുഖ്യമന്ത്രി അറിയിച്ചു.
Click it and Unblock the Notifications
Sign in with Google