വി ഡി സതീശന്റെ ഷൂസിന്റെ വില 3 ലക്ഷം ആണോ? സോഷ്യൽ മീഡിയയിൽ ചർച്ച

സോഷ്യൽ മീഡിയയിലെ ഇപ്പോഴത്തെ ചർച്ച പ്രതിപക്ഷ നേതാവ് വി ഡി സതീശൻ ധരിച്ച ഷൂവാണ്. ​ഗുജറാത്തിലെ അഹമ്മദാബാദിൽ നടക്കുന്നു എ ഐ സി സി സമ്മേളനത്തിൽ പങ്കെടുക്കാനെത്തിയ ഫോട്ടോസ് പങ്കുവെച്ചപ്പോഴാണ് സോഷ്യൽ മീഡിയയുടെ കണ്ണിൽ സതീശന്റെ ഷൂസ് പെട്ടത്. ' ക്ലൗഡ്ടിൽറ്റിന്റെ' വിലയേറിയ ഷൂസാണ് വി ഡി സതീശൻ ധരിച്ചത് എന്നാണ് ചിലർ പറയുന്നത്.

ചിലർ ഓൺലൈനിൽ കയറി ഷൂവിന്റെ വില തപ്പി. മൂന്ന് ലക്ഷം ആണ് ഈ ഷൂസിന്റെ വിലയെന്ന് പറയുന്നവരും ഉണ്ട്. നിരവധി പോസ്റ്റുകളും കമന്റുകളും സോഷ്യൽ മീഡിയയിൽ വരുന്നുണ്ട്. 70000 രൂപ ശമ്പളം വാങ്ങുന്ന സതീശൻ സമ്മേളനത്തിൽ പങ്കെടുക്കാൻ 3 ലക്ഷത്തിന്റെ ഷൂ ആണോ എന്നാണ് ചിലരുടെ ചോദ്യം. എന്നാൽ സതീശൻ ധരിച്ച ഷൂസിന്റെ വില 3 ലക്ഷം അല്ല എന്നാണ് റിപ്പോർട്ട്. 9529 രൂപയാണ് വി ഡി സതീശന്റെ ഷൂസിന്റെ യഥാർത്ഥ വില എന്നും ഓൺ റണ്ണിംഗ് ക്ലൗഡ്ടിൽറ്റ് ബ്ലാക്ക് ഐവറി' ഷൂസാണ് സതീശൻ ധരിച്ചതെന്നുമാണ് വിവരം.

നേരത്തെ ആരോ​ഗ്യമന്ത്രി വീണ ജോർജിന്റെ ബാ​ഗും സോഷ്യൽ മീഡിയയിൽ ചർച്ചയായിരുന്നു. ഡൽ​ഹിയിലേക്ക് പോയപ്പോൾ വീണ ജോർജ് ധരിച്ചിരുന്ന കറുത്ത ബാ​ഗിന്റെ സ്ട്രാപ്പിൽ എംപോറിയോ അർമാനി എന്നെഴുതിയത് കണ്ടതിനെ തുടർന്നാണ് സോഷ്യൽ മീഡിയയിൽ ചർച്ച ഉയർന്നത്. ലോകത്തിലെ ഏറ്റവും വില കൂടിയ ലേഡീസ് ബാ​ഗുകളിൽ ഒന്നാണ് എംപോറിയോ അർമാനി.