ദമാമില് വാഹനാപകടം മൂന്ന് മലയാളികള് മരിച്ചു
റിയാദ്: ദമാമില് തീര്ഥാടകര് സഞ്ചരിച്ചിരുന്ന ബസ് അപകടത്തില്പ്പെട്ട് മൂന്ന് മലയാളികള് മരിക്കുകയും മുപ്പതോളം പേര്ക്ക് പരിക്കേല്ക്കുകയും ചെയ്തു. മലപ്പുറം കോടൂര് സ്വദേശി കുഞ്ഞഹമ്മദ് ആണ് മരിച്ച ഒരാള്. മറ്റ് രണ്ട്പേരെ തിരിച്ചറിഞ്ഞിട്ടില്ല.
ദമാം- റിയാദ് ഹൈവേയില് ദമാമില്നിന്ന് 250 കിലോമീറ്റര് അകലെ അല്ദൂജയില് വച്ചായിരുന്നു അപകടം. തീര്ഥാടകര് സഞ്ചരിച്ച ബസ് കണ്ടയ്നര് ട്രക്കിന് പിന്നിലിടിച്ച് മറിയുകയായിരുന്നു.
പരിക്കേറ്റവരെ എയര് ആംബുലന്സില് ദമാമിലെ സ്വകാര്യ ആശുപത്രിയിലെത്തിച്ചെങ്കിലും മൂന്ന് പേരുടെ ജീവന് രക്ഷിക്കാന് ആയില്ല. ബസ്സില് 50തോളം പേര് ഉണ്ടായിരുന്നെന്നും അതില് മലയാളികള് ആയിരുന്നു ഭൂരിഭാഗമെന്നുമാണ് പ്രാഥമിക വിവരം.
നജം, സഅദിയ എന്നീ ഏജന്സികള് വഴി തീര്ഥാടനത്തിന് പോയവരാണ് അപകടത്തില്പ്പെട്ടത്. അപകടത്തില് ബസ്സിന്റെ മുന്ഭാഗം പൂര്ണ്ണമായി തകര്ന്നു. ബസ് പെട്ടിപ്പൊളിച്ചാണ് യാത്രക്കാരെ പുറത്തെടുത്തത്.