ആശങ്ക ഒഴിയാതെ എറണാകുളം; സംസ്ഥാനത്ത് ഹോട്ട് സ്പോട്ടുകള് 406, ഇന്ന് ചികില്സ തേടിയത് 1500ഓളം പേര്
തിരുവനന്തപുരം: കേരളത്തില് ഇന്ന് 6300ലധികം പേര്ക്ക് കൊറോണ രോഗം സ്ഥിരീകരിച്ചു. എറണാകുളം, മലപ്പുറം, കോട്ടയം ജില്ലകളിലാണ് കൂടുതല് രോഗികള്. ഇന്ന് 3 പുതിയ ഹോട്ട് സ്പോട്ടുകളാണുള്ളത്. പത്തനംതിട്ട ജില്ലയിലെ കോയിപ്രം (കണ്ടൈന്മെന്റ് സബ് വാര്ഡ് 10), ചെന്നീര്ക്കര (സബ് വാര്ഡ് 2, 3, 5), മെഴുവേലി (സബ് വാര്ഡ് 2, 13, 12) എന്നിവയാണ് പുതിയ ഹോട്ട് സ്പോട്ടുകള്. 2 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ നിലവില് ആകെ 406 ഹോട്ട് സ്പോട്ടുകളാണുള്ളത്.
കേരളത്തില് ഇന്ന് 6334 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 771, മലപ്പുറം 657, കോട്ടയം 647, കൊല്ലം 628, കോഴിക്കോട് 579, പത്തനംതിട്ട 534, തിരുവനന്തപുരം 468, തൃശൂര് 468, ആലപ്പുഴ 415, ഇടുക്കി 302, കണ്ണൂര് 299, പാലക്കാട് 241, വയനാട് 238, കാസര്ഗോഡ് 87 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.കഴിഞ്ഞ 24 മണിക്കൂറിനിടെ 61,279 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.34 ആണ്. 21 പേര് മരിച്ചു. ഇതോടെ ആകെ മരണം 3545 ആയി.
ആവശ്യപ്പെട്ട മണ്ഡലങ്ങള് കിട്ടിയില്ല; സുരേഷ് ഗോപി വീണ്ടും തൃശൂരിലേക്ക്... ബിജെപി നിര്ദേശം ഇങ്ങനെ
ഇന്ന് രോഗം സ്ഥിരീകരിച്ചവരില് 93 പേര് സംസ്ഥാനത്തിന് പുറത്ത് നിന്നും വന്നവരാണ്. 5658 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 517 പേരുടെ സമ്പര്ക്ക ഉറവിടം വ്യക്തമല്ല. 66 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. കണ്ണൂര് 15, എറണാകുളം 12, പത്തനംതിട്ട 11, മലപ്പുറം 6, കോഴിക്കോട് 5, തിരുവനന്തപുരം, പാലക്കാട് 4 വീതം, വയനാട് 3, കൊല്ലം, ആലപ്പുഴ, കോട്ടയം, ഇടുക്കി, തൃശൂര്, കാസര്ഗോഡ് 1 വീതം ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 6229 പേരുടെ പരിശോധനാഫലം നെഗറ്റീവ് ആയി. 69,771 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 7,96,986 പേര് ഇതുവരെ കോവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 2,09,828 പേരാണ് ഇപ്പോള് നിരീക്ഷണത്തിലുള്ളത്. 1482 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.