കേരളത്തില് ഹോട്ട് സ്പോട്ടുകള് കുറഞ്ഞു; പുതിയ കണക്ക് ഇങ്ങനെ, ഇന്ന് അഡ്മിറ്റ് ചെയ്തത് 1268 പേരെ
തിരുവനന്തപുരം: കേരളത്തില് ഇന്ന് 5500ലധികം പേര്ക്ക് കൊറോണ രോഗം ബാധിച്ചു. എറണാകുളത്തും കോഴിക്കോടുമാണ് കൂടുതല് രോഗികള്. ഇന്ന് 3 പുതിയ ഹോട്ട് സ്പോട്ടുകളാണുള്ളത്. പത്തനംതിട്ട ജില്ലയിലെ ആറന്മുള (കണ്ടെന്മെന്റ് സോണ് വാര്ഡ് 6, 13), നെടുമ്പ്രം (5), കാസര്ഗോഡ് ജില്ലയിലെ വോര്ക്കാഡി (1) എന്നിവയാണ് പുതിയ ഹോട്ട് സ്പോട്ടുകള്. ഇന്ന് 5 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ നിലവില് ആകെ 438 ഹോട്ട് സ്പോട്ടുകളാണുള്ളത്.
കേരളത്തില് ഇന്ന് 5528 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 893, കോഴിക്കോട് 599, കോട്ടയം 574, മലപ്പുറം 523, കൊല്ലം 477, പത്തനംതിട്ട 470, തൃശൂര് 403, തിരുവനന്തപുരം 344, ആലപ്പുഴ 318, ഇടുക്കി 222, പാലക്കാട് 217, വയനാട് 213, കണ്ണൂര് 182, കാസര്ഗോഡ് 93 എന്നിങ്ങനേയാണ് ജില്ലകളില് ഇന്ന് രോഗ ബാധ. സംസ്ഥാനത്തെ വിവിധ ജില്ലകളിലായി 2,02,171 പേരാണ് ഇപ്പോള് നിരീക്ഷണത്തിലുള്ളത്. 1268 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 61,239 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.03 ആണ്. 22 പേര് മരിച്ചു. ഇതോടെ ആകെ മരണം 3279 ആയി. ഇന്ന് രോഗം സ്ഥിരീകരിച്ചവരില് 60 പേര് സംസ്ഥാനത്തിന് പുറത്ത് നിന്നും വന്നവരാണ്. 4988 പേര്ക്ക് സമ്പര്ക്കത്തിലൂടെയാണ് രോഗം. 435 പേരുടെ സമ്പര്ക്ക ഉറവിടം വ്യക്തമല്ല. 45 ആരോഗ്യ പ്രവര്ത്തകര്ക്കും രോഗം ബാധിച്ചു. രോഗം സ്ഥിരീകരിച്ച് ചികിത്സയിലായിരുന്ന 5424 പേരുടെ പരിശോധനാഫലം നെഗറ്റീവ് ആയി. 64,318 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 7,38,808 പേര് ഇതുവരെ രോഗ മുക്തി നേടി.
Click it and Unblock the Notifications
Sign in with Google