കേരളത്തില് ഇന്ന് 4 ഹോട്ട് സ്പോട്ടുകള് കൂടി; എറണാകുളം ജില്ലയില് 1000 കടന്ന് രോഗികള്
തിരുവനന്തപുരം: കേരളത്തില് ഇന്ന് 6000 കടന്ന് കൊറോണ രോഗികള്. എറണാകുളം ജില്ലയിലാണ് കൂടുതല് രോഗം റിപ്പോര്ട്ട് ചെയ്തത്. ഇവിടെ 1000 കടന്നു രോഗികള്. പത്തനംതിട്ടയില് 700 ലധികം പേര്ക്കാണ് ഇന്ന് രോഗം. ഇന്ന് 4 പുതിയ ഹോട്ട് സ്പോട്ടുകളാണുള്ളത്. തൃശൂര് ജില്ലയിലെ പുതൂര് (കണ്ടെന്മെന്റ് സോണ് വാര്ഡ് 19), പത്തനംതിട്ട ജില്ലയിലെ ചിറ്റാര് (സബ് വാര്ഡ് 1), കോഴഞ്ചേരി (സബ് വാര്ഡ് 1), സീതത്തോട് (13) എന്നിവയാണ് പുതിയ ഹോട്ട് സ്പോട്ടുകള്. ഇന്ന് 7 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ നിലവില് ആകെ 460 ഹോട്ട് സ്പോട്ടുകളാണുള്ളത്. അടുത്തിടെ ബ്രിട്ടനില് നിന്നും വന്ന 29 പേര്ക്കാണ് ഇതുവരെ കോവിഡ്-19 സ്ഥിരീകരിച്ചത്. ഇവരുടെ സാമ്പിളുകള് പൂനെയിലേക്ക് അയച്ചു.
കേരളത്തില് 6268 ഇന്ന് പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 1006, പത്തനംതിട്ട 714, കോഴിക്കോട് 638, കൊല്ലം 602, കോട്ടയം 542, ആലപ്പുഴ 463, തൃശൂര് 450, മലപ്പുറം 407, പാലക്കാട് 338, തിരുവനന്തപുരം 320, വയനാട് 267, കണ്ണൂര് 242, ഇടുക്കി 204, കാസര്ഗോഡ് 75 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 63,887 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.81 ആണ്. 28 പേര് മരിച്ചു. ഇതോടെ ആകെ മരണം 3042 ആയി.
ഇന്ന് രോഗം സ്ഥിരീകരിച്ചവരില് 102 പേര് സംസ്ഥാനത്തിന് പുറത്ത് നിന്നും വന്നവരാണ്. 5652 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 460 പേരുടെ സമ്പര്ക്ക ഉറവിടം വ്യക്തമല്ല. 54 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 5707 പേരുടെ പരിശോധനാഫലം നെഗറ്റീവ് ആയി. 65,394 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 6,87,104 പേര് ഇതുവരെ കോവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 2,47,725 പേരാണ് ഇപ്പോള് നിരീക്ഷണത്തിലുള്ളത്. 1426 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google