ഹരിതകര്മ്മസേനക്ക് 50 രൂപ കൊടുക്കണം, ഇല്ലെങ്കില് 5000 വരെ പിഴ; കര്ശന നടപടിയെന്ന് സര്ക്കാര്
തിരുവനന്തപുരം: വീടുകളിലേയും സ്ഥാപനങ്ങളിലേയും പ്ലാസ്റ്റിക് അടക്കമുള്ള അജൈവ മാലിന്യങ്ങള് ശേഖരിക്കുന്നതിന് ഹരിതകര്മ്മ സേനക്ക് ഫീസ് നല്കണം എന്ന് ആവര്ത്തിച്ച് സര്ക്കാര്. മാലിന്യം ശേഖരിക്കുന്ന ഹരിതകര്മ്മ സേനയ്ക്ക് യൂസര്ഫീ നല്കണം എന്നും യൂസര് ഫീ പിരിക്കാന് നിയമമില്ല എന്ന് പ്രചരിപ്പിക്കുന്നവര്ക്കെതിരെ നടപടിയെടുക്കും എന്നുമാണ് സര്ക്കാര് വൃത്തങ്ങള് പറയുന്നത്.
തദ്ദേശസ്ഥാപനത്തിനുള്ള തുക നല്കാതിരുന്നാല് സ്ഥാപനങ്ങള്ക്ക് ലൈസന്സ് അടക്കമുള്ളവ നല്കാതിരിക്കാനാണ് സര്ക്കാര് നീക്കം. മുഖ്യമന്ത്രി പിണറായി വിജയനും തദ്ദേശസ്വയംഭരണ വകുപ്പ് മന്ത്രി എം ബി രാജേഷും ഇക്കാര്യം വ്യക്തമാക്കി രംഗത്തെത്തിയിട്ടുണ്ട്.
പ്ലാസ്റ്റിക് മാലിന്യം സേനയ്ക്ക് കൈമാറാത്തവര്ക്കും യൂസര് ഫീ നല്കാത്തവര്ക്കും അലക്ഷ്യമായി വലിച്ചെറിയുന്നവര്ക്കും കത്തിക്കുന്നവര്ക്കുമെതിരെ 10000 മുതല് 50000 രൂപ വരെ പിഴ ചുമത്താനാണ് നീക്കം. ഇതിനായി ബൈലോയിലൂടെ തദ്ദേശസ്ഥാപന സെക്രട്ടറിമാരെ അധികാരപ്പെടുത്തിയിട്ടുമുണ്ട്. കഴിഞ്ഞ കുറച്ച് ദിവസങ്ങളായി സോഷ്യല് മീഡിയ വഴി ഹരിത കര്മ്മസേനക്ക് 50 രൂപ നല്കേണ്ടതില്ല എന്ന തരത്തില് വ്യാപകമായ പ്രചരണമുണ്ടായിരുന്നു.
വിവരാവകാശ നിയമപ്രകാരം ലഭിച്ച മറുപടിയുടെ അടിസ്ഥാനത്തിലായിരുന്നു ഇത്. പഞ്ചായത്തുകളിലെ സേവനത്തിന് ഹരിതകര്മ്മസേനയ്ക്ക് ഫീസടച്ച രസീത് നിര്ബന്ധമില്ല എന്ന് കാണിച്ചായിരുന്നു പ്രചരണം. എന്നാല് ഹരിതകര്മ്മ സേന വഴി പ്ലാസ്റ്റിക് മാലിന്യം ശേഖരിക്കുന്നതിനും യൂസര്ഫീ ഈടാക്കുന്നതിനും തദ്ദേശ സ്ഥാപനങ്ങള്ക്ക് നിയമപരമായ അധികാരമുണ്ട് എന്നാണ് സര്ക്കാര് അറിയിക്കുന്നത്.
മുഖ്യമന്ത്രി പിണറായി വിജയനും ഇക്കാര്യം വ്യക്തമാക്കി രംഗത്തെത്തിയിരുന്നു. വേണ്ടത്ര അവധാനതയില്ലാതെ വിവരാവകാശ രേഖക്ക് മറുപടി നല്കിയ ഉദ്യോഗസ്ഥനോട് വിശദീകരണം തേടിയിട്ടുണ്ട് എന്നും മുഖ്യമന്ത്രി പറഞ്ഞു. ഹരിത കര്മ്മസേനക്ക് 50 രൂപ കൊടുക്കേണ്ടതില്ല എന്ന പ്രചരണത്തില് തദ്ദേശ സ്വയം ഭരണ വകുപ്പ് അഡീഷണല് ചീഫ് സെക്രട്ടറി ശാരദ മുരളീധരന് ഡി ജി പിക്ക് പരാതി നല്കിയിരിക്കുകയാണ്.
30890 ഹരിത കര്മ്മേസനാംഗങ്ങളാണ് കേരളത്തില് ഉള്ളത്. കഴിഞ്ഞ വര്ഷം നവംബര് വരെ 5,515 ടണ് പ്ലാസ്റ്റിക് മാലിന്യം ആണ് ഹരിത കര്മ്മ സേന വഴി നീക്കിയത്. ഉപയോഗിച്ച് കഴിഞ്ഞ പ്ലാസ്റ്റിക് ഹരിത കര്മ്മസേനയ്ക്ക് നല്കണം എന്നും യൂസര്ഫീയും കൊടുക്കണം എന്നുമാണ് തദ്ദേശസ്വയംഭരണ വകുപ്പ് ജില്ലാ ജോയിന്റ് ഡയറക്ടര് ബെന്നി ജോസഫ് പറയുന്നത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google