സംസ്ഥാനത്ത് ഇന്ന് ആറ് ഹോട്ടസ്പോട്ടുകള് കൂടി; രണ്ടു പ്രദേശങ്ങള് ഒഴിവാക്കി
തിരുവനന്തപുരം: സംസ്ഥാനത്ത് കൊറോണവൈറസ് രോഗം വ്യാപിക്കുകയാണ്. 300ലധികം പേര്ക്ക് ഇന്ന് രോഗം സ്ഥിരീകരിച്ചു. തിരുവനന്തപുരം, മലപ്പുറം, പാലക്കാട് എന്നിവിടങ്ങളില് ആശങ്ക നിലനില്ക്കുന്നുണ്ട്. ഇന്ന് 6 പുതിയ ഹോട്ട് സ്പോട്ടുകളാണുള്ളത്. എറണാകുളം ജില്ലയിലെ മരട് മുന്സിപ്പാലിറ്റി (കണ്ടൈന്മെന്റ് സോണ്: വാര്ഡ് 4), ഇടുക്കി ജില്ലയിലെ കുമാരമംഗലം (14), കോട്ടയം ജില്ലയിലെ തൃക്കൊടിത്താനം (12), വയനാട് ജില്ലയിലെ മേപ്പാടി (19, 22), പാലക്കാട് ജില്ലയിലെ പട്ടഞ്ചേരി (6), തൃശൂര് ജില്ലയിലെ നടത്തറ (8) എന്നിവയാണ് പുതിയ ഹോട്ട് സ്പോട്ടുകള്. അതേസമയം 2 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. എറണാകുളം ജില്ലയിലെ ആമ്പല്ലൂര് (2), പാറക്കടവ് (8) എന്നിവയേയാണ് കണ്ടൈമെന്റ് സോണില് നിന്നും ഒഴിവാക്കിയത്. നിലവില് ആകെ 181 ഹോട്ട് സ്പോട്ടുകളാണ് ഉള്ളത്.
സംസ്ഥാനത്ത് ഇന്ന് 339 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. തിരുവനന്തപുരം ജില്ലയില് നിന്നുള്ള 95 പേര്ക്കും, മലപ്പുറം ജില്ലയില് നിന്നുള്ള 55 പേര്ക്കും, പാലക്കാട് ജില്ലയില് നിന്നുള്ള 50 പേര്ക്കും, തൃശൂര് ജില്ലയില് നിന്നുള്ള 27 പേര്ക്കും, ആലപ്പുഴ ജില്ലയില് നിന്നുള്ള 22 പേര്ക്കും, ഇടുക്കി ജില്ലയില് നിന്നുള്ള 20 പേര്ക്കും, എറണാകുളം ജില്ലയില് നിന്നുള്ള 12 പേര്ക്കും, കാസര്കോട് ജില്ലയില് നിന്നുള്ള 11 പേര്ക്കും, കൊല്ലം ജില്ലയില് നിന്നുള്ള 10 പേര്ക്കും, കോഴിക്കോട്, കണ്ണൂര് ജില്ലകളില് നിന്നുള്ള 8 പേര്ക്ക് വീതവും, പത്തനംതിട്ട, കോട്ടയം, വയനാട് ജില്ലകളില് നിന്നുള്ള 7 പേര്ക്ക് വീതവുമാണ് രോഗ ബാധ സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില് 117 പേര് വിദേശ രാജ്യങ്ങളില് നിന്നും 74 പേര് മറ്റ് സംസ്ഥാനങ്ങളില് നിന്നും വന്നതാണ്.
Recommended Video
സ്വപ്ന സുരേഷ് മുങ്ങിയത് ഇതുവഴി; ആ കാട്ടിലൂടെ നിരവധി വഴികളുണ്ട്... കൂടെ മറ്റൊരു യുവതിയും...
140 പേര്ക്കാണ് സമ്പര്ക്കത്തിലൂടെയാണ് രോഗം ബാധിച്ചത്. തിരുവനന്തപുരം ജില്ലയിലെ 92 പേര്ക്കും, മലപ്പുറം ജില്ലയിലെ 23 പേര്ക്കും, ആലപ്പുഴ ജില്ലയിലെ 10, കൊല്ലം, എറണാകുളം ജില്ലകളിലെ 4 പേര്ക്ക് വീതവും, തൃശൂര് ജില്ലയിലെ 3 പേര്ക്കും, പത്തനംതിട്ട, കോഴിക്കോട്, പാലക്കാട്, കോട്ടയം എന്നീ ജില്ലകളിലെ ഒരാള്ക്ക് വീതമാണ് സമ്പര്ക്കത്തിലൂടെ രോഗം ബാധിച്ചത്.